1 Timote 4:6 - Maktub gə́ To gə Kəmee

⁶ Ɓó lé i ɔr ginta neelé ar marije gin Kristi’g lé ndá i a to njekɔrgoota lə Jeju Kristi gə́ maji ya. Ta meekun ləm, gə gin kankəmta gə́ i ula rɔi keneŋ ləm tɔ lé yee ɓa gə́ nésɔi ya.

1 Timote 4:6 ပူးပေါင်းရင်းမြစ်များ

Pakɔsje 19:7

Yee ḭ gwɔi naŋg gə́ bər Aw njal teḛ rudee gə́ dɔ-gó, Kɔs gə́ yee ɔs kəd-kəd lé né kára kara askəm ko̰ kəmee el.

Gosota-Kəmkàrje 4:2

Mbata ma m’ar sí néndoo gə́ maji, Bèe ndá ɔsje tandoo ləm rəw el.

Jeremi 15:16

Ma m’taa taje ləi m’uru dee məəm’g, Taje ləi lé ar məəm lelm ləm, Am m’isi ne dan boo-rɔkal’g ləm tɔ Mbata rii ɓar dɔm’g, I Njesigənea̰, Ala lə njéboo-rɔje.

Matiyo 13:52

Yeḛ ula dee pana: Bèe ɓa njendaji-maktub gə́ rara kara gə́ ndoo néje gə́ wɔji dɔ ɓeeko̰ gə́ dara lé ndá yeḛ to asəna gə njekəi gə́ tɔr nébaoje ləa gə́ sigi-sigi gə njé gə́ ləw-ləw rab raga.

Lugu 1:3

Gelee gə́ nee ɓa loo gə́ ma kara m’tel rɔm goo néje’g neelé lai un kudee ləw-ləw ba gə́ dɔtar am m’oo njai-njai ndá m’ra taree m’aree orè goo na̰-na̰ gə mba kari-i Teopil, i gə́ njemaji dum lé

Néra Njékaḭkulaje 1:15

Mee ndəa’g neelé ŋgako̰ na̰je gə́ mbo̰ dɔ na̰ lé d’aḭ tɔl gə dɔ dee rɔ-joo. Piɛrə uba naŋg ḭta dan dee’g ula dee pana:

Néra Njékaḭkulaje 20:31

Yen ŋga sije kəmba jəgəgə, arje meḛ sí olé dɔ ta gə́ ma m’ndəji sí kára-kára lai gə mán-no̰ kəm’g as ləb munda, dan kàrá gə loondul’g m’ar tam wəi el.

Néra Njékaḭkulaje 20:35

M’ra né ɓəd-ɓəd m’tɔji sí né gə mba kar kula raje gə́ togə́bè ɓa seḭ a kodoje ne yɔ-dəwje ləm, meḛ sí a kolé ne dɔ Mbaidɔmbaije Jeju gə́ yeḛ nja pana: Kun né kar lé to rɔlel unda taa né!

Njé gə́ Rɔmə 15:15

Ɓó lé m’ndaŋg maktub m’ar sí ɓa m’pata keneŋ nuŋga so ndá ma m’ra mba kolé ne meḛ sí dɔ noji gə́ Ala wa səm

1 Njé gə́ Kɔrḭtə 4:17

Gelee gə́ nee ɓa ma m’ula ne Timote rɔ sí’g, yeḛ to ŋgonəm gə́ to gə́ ŋgonkəm, yeḛ to gə́ majikoji no̰ Mbaidɔmbaije’g lé tɔ. Yeḛ nja ɓa a nja̰ gin néram gə́ wɔji dɔ Jeju Kristi gə́ ma m’ndoo dee taree mee Eglisəje gə loo kára-kára lai lé.

2 Njé gə́ Kɔrḭtə 11:23

See deḛ to kuraje lə Kristi wa. (Ma m’pata asəna gə dəw gə́ ndilee igee.) Ma lé m’to kura lə Kristi gə́ ur dɔ ɓəi gə goo kula ramje gə́ to yaa̰ unda ka̰ dee-deḛ ləm, gə goo kunda gə́ deḛ kundam yaa̰ unda dee-deḛ ləma, gə goo kisi gə́ m’isi daŋgai’g gɔl bula unda dee ləm tɔ. Ta-ta m’isi ta yoo’g ləm,

2 Njé gə́ Kɔrḭtə 3:6

Yeḛ nja ar sí siŋga sí tel sí ne gə́ njékɔrgoo manrɔ gə́ sigije lé yeḛ gə́ to ka̰ Ndil ɓó yeḛ gə́ deḛ ndaŋg gə́ ndaŋg el. Mbata yeḛ gə́ ndaŋg gə́ ndaŋg lé ɓa gə́ yoo, nɛ yeḛ gə́ ka̰ Ndil ɓa gə́ njekula kəmə meḛ sí’g.

2 Njé gə́ Kɔrḭtə 6:4

Nɛ jeḛ n’ra néje ɓəd-ɓəd gə mba kar dəwje gər sí ne gə́ kuraje lə Ala. J’ila meḛ sí po̰-po̰ dan némeeko̰’g ləm, gə dan né gə́ riŋga sí’g ləma, gə dan néurti’g ləm tɔ.

Njé gə́ Epesə 6:21

Tisik, ŋgoko̰ sí gə́ jeḛ j’undá dan kəm sí’g ləm, gə́ to majikula lə Mbaidɔmbaije ləm tɔ lé yeḛ nja ɓa a kula sí taje lai gə́ wɔji dɔm ləm, gə né gə́ ma m’isi m’ra ləm tɔ.

Njé gə́ Pilibə 2:20

Mbata ma m’oo dəw gə́ raŋg gə́ ə̰ji dɔ sí’g koso gée’g to gə́ ma bèe lé el.

Njé gə́ Pilibə 2:22

Seḭ gərje gao to gə́ Timote lé to ne majikoji ya, yeḛ orəm més loo kula gə́ wɔji dɔ Tagə́maji lé to gə́ ŋgon gə́ la gə bɔbeeje bèe.

Njé gə́ Pilibə 3:16

Nɛ ooje maji, lé gə́ jeḛ n’teḛje keneŋ mba̰ ndá ar sí j’ɔmje na̰’d yəg kəm sí gə́ kédé ya.

Njé gə́ Kolosə 2:19

Deḛ d’ɔm na̰’d gə dɔ dəw lé el. Mbɔl dɔ dɔ dəw lé ɓa dɔ-kuru-rəa kuna ne gə darəa na̰’d, ar darəa ḭ ne dɔ maree’g gə́ kédé-kédé gə goo rəw gə́ Ala ɓa wɔji.

Njé gə́ Kolosə 3:16

Maji kar ta lə Kristi gə́ to boo-nébao lé uru kəi meḛ sí’g. Ndooje na̰ ləm, ndəjije na̰ ləm tɔ gə kəmkàree lé gə pakɔsje ləm, gə pa pidije ləma, gə pa kula rɔnduba gə́ wɔji dɔ ndil sí ləm tɔ. Ɔsje pa gə meḛ sí bura arje Ala reaje ne oiyo mbata noji ləa gə́ rusu meḛ sí njḭ-njḭ lé tɔ.

Njé gə́ Kolosə 4:7

Tisik, ŋgoko̰ sí gə́ j’undá dan kəm sí’g gə́ to majikula ləm, gə njeboakula ləm gin Mbaidɔmbaije’g ləm tɔ lé a kula sí ta néje lai gə́ wɔji dɔm ya.

1 Njé gə́ Tesalonikə 3:2

ndá jeḛ j’ula Timote rɔ sí’g. Yeḛ lé to ŋgoko̰ sí gə́ to kura lə Ala loo kɔr goo Tagə́maji lə Kristi ndá jeḛ j’ulá mba karee ndəji sí kar sí ŋgəŋje ne dan meekun’g lə sí ləm,

1 Timote 1:10

gə mba kar néra dee gə́ to njékəmndaje ləm, əsé ram-dəwje ləm, əsé njéndogo dəwje ləm, əsé gə njéŋgɔmje ləm, gə njékusu dɔ rɔ deeje ləma, əsé gə dəw gə́ rara ɓa ɔs kankəmta rəw ləm tɔ lé a to raga pai-pai ya.

1 Timote 4:16

Unda kəmkàr dɔ rɔi’g ləm, gə dɔ ta gə́ i ndoo dee’g ləm tɔ. Ai məəi sam-sam dɔ’g mbata loo gə́ i ra togə́bè ndá i a kaji ne rɔi ləm, gə deḛ gə́ taa taree tai’g ləm tɔ.

1 Timote 6:3

Ɓó lé nana ɓa ndoo dee ta gə́ to ɓəd ɓó reḛ́ dɔ kankəmta’g lə Jeju Kristi Mbaidɔmbaije lé el ləm, əsé dɔ kwa Ala mée’g gə goo rəbee el ləm tɔ

2 Timote 1:6

Gelee gə́ nee ɓa ma m’olé ne məəi mba kari yel ne gel nénoji lə Ala gə́ i iŋga loo gə́ ma m’ila ne jim dɔi’g.

2 Timote 3:10

Nɛ i lé i gərm gao ari oo ta gə́ ma m’ndooi ləm, gə panjaam ləm, gə né gə́ m’wɔji-kwɔji ra ləm, gə meekun ləm, gə kaw yururu ləm, gə meenoji ləm, gə meekai Sam ləma,

2 Timote 4:3

Mbata ndəa gə́ kàree a gə teḛ lé dəwje d’a taa ta ndoo gə́ gəd lé el. Nɛ mbi dee a ndo̰ dee səgə-səgə mba koo ne ta gə́ rii ndá d’a mbo̰ ne njéndoo dee néje gə́ d’a bula yaa̰ dɔ dee’g to gə́ meḛ dee-deḛ nja wɔji.

Titə 2:1

I lé maji kari ula dee ta néje gə́ d’aw na̰’d gə ta ndoo gə́ gəd lé.

1 Piɛrə 2:2

To gə́ ŋgur kil mbà ra ŋganje gə́ kas ŋgwɔd-ŋgwɔd lé maji kar ŋgur kankəmta ra sí togə́bè tɔ, mba kar sí raje ne tɔg gə́ kédé-kédé dɔ kaji’g,

2 Ja̰ 1:9

Nana ɓa gə́ aw dəa gə́ kédé ɓó ai mée sam-sam dɔ kankəmta’g lə Kristi el ndá Ala nai səa el. Yeḛ gə́ ai mée sam-sam dɔ tandoo’g neelé ndá Bɔ-dəwje nai səa ləm, Ŋgon kara nai səa ləm tɔ.

Jude 1:5

Taje neelé lai seḭ gərje mba̰ ya nɛ ma m’ndigi kolé meḛ sí dɔ’g ɓəi. Loo gə́ Mbaidɔmbaije ɔr dəwje ləa Ejiptə’g aji dee lé mba̰ ndá gée gə́ gogo yeḛ tel tuji dee-deḛ gə́ njékɔs kankəmta rəwje lé tɔ.