1 Timote 4:16 - Maktub gə́ To gə Kəmee

¹⁶ Unda kəmkàr dɔ rɔi’g ləm, gə dɔ ta gə́ i ndoo dee’g ləm tɔ. Ai məəi sam-sam dɔ’g mbata loo gə́ i ra togə́bè ndá i a kaji ne rɔi ləm, gə deḛ gə́ taa taree tai’g ləm tɔ.

1 Timote 4:16 ပူးပေါင်းရင်းမြစ်များ

1 Sôrta Gḭka-Israɛlje 28:10

Oo ɓasinè, Njesigənea̰ ɔri gə mba kari unda kəi gə́ to gə kəmee. Maji kari wa rɔi kɔgərɔ, gə́ ra né ya.

2 Sôrta Gḭka Israɛlje 19:6

Yeḛ ula njégaŋ-rəwtaje lé pana: Maji kar sí undaje kəmkàr dɔ rɔ sí’g wɔji dɔ né gə́ seḭ a gə raje mbata to kəm dəwje ɓa seḭ a gə paje ta keneŋ gaŋgje ne rəwta gə kar dee el, nɛ to kəm Njesigənea̰ gə́ si mbɔr sí’g loo gə́ seḭ a gə paje ta lé ɓa.

Teḛ-Raga 23:13

Seḭ a tɔsje kəm sí dɔ néje lai gə́ m’ula sí mba ra ya, tɔɓəi seḭ a ɓarje ri magəje nda̰ el ləm, taree kara dəw a koo ta sí’g pai el ləm tɔ.

Esai 55:11

Togə́bè ɓa taje gə́ teḛ tam’g lé D’a tel ree rɔm’g Lal kar née teḛ el ləm, Lal ra né gə́ məəm ndigi el ləma, Lal ra torndum kar néje gə́ m’wɔji lé d’aw lée’g béréré el ləm tɔ.

Jeremi 23:22

Ɓó lé deḛ d’isi keneŋ D’oo takə̰ji lə neḛ ndá D’a kar taje lə neḛ Oso mbi koso-dəwje’g lə neḛ ləm, D’a kar dee d’ɔs badm tel Dɔ rəw-kawje’g lə dee gə́ majel ləma, Gə dɔ néra meeyèrje’g lə dee ləm tɔ.

Mark 13:9

Meḛ sí dɔ rɔ sí’g. D’a teḛ sə sí loo-gaŋg-rəwtaje’g ləm, d’a kunda sí gə ndəi-kɔb mee kəi-kwa-dɔ-na̰je’g ləm tɔ. D’a kaw sə sí no̰ njéguburuɓeeje’g gə no̰ mbaije’g gə mbàm mba kar sí ɔrje ne goo ta ləm ar deeje tɔ.

Lugu 21:34

Meḛ sí dɔ rɔ sí’g nà banelə meḛ sí a to dɔ nésɔ’g gə dɔ nékai’g ya ɓa bururu ləm, gə dɔ néje lai gə́ dɔ naŋg nee gə́ njékar meḛ sí pélé wəs-wəsje ləm tɔ ɓa ndəa neelé a kuba sí naŋg bus.

Néra Njékaḭkulaje 26:22

Nɛ mbɔl dɔ la gə́ Ala lé la səm lé m’isi ne saar m’teḛ ɓogənè m’ɔr ne goo ta ləa no̰ mbaije’g ləm, gə no̰ dəwje gə́ kari ləm tɔ. Ta néje gə́ njéteggintaje ləm gə Moyis pa ləm pana: A gə ree lé yee ɓa m’aar dɔ’g ɓó m’ya̰ rəbee bèe el.

Néra Njékaḭkulaje 6:4

Jeḛ ɓa yḛ̀ ar sí j’oreeje kəm sí ndəŋ dɔ tamaji gə́ ra ləm, gə dɔ kɔrgoota gə́ lé ləm tɔ.

Njé gə́ Rɔmə 11:14

Ma m’wa sí mba kɔs ne gel kəmkəḭ lə ŋgakamje gə mba kar ɓó lé lé to keneŋ ndá njé gə́ na̰je d’aji ne.

Njé gə́ Rɔmə 16:17

Ŋgakɔmje, ma m’ndəji sí bər-bər gə mba kar sí tɔsje kəm sí goo njétɔs əm dəwje na̰’d lé gə deḛ gə́ néra dee ila dəwje kag ɓó ta lə dee aw na̰’d gə ta gə́ seḭ iŋgaje mba̰ lé el. Undaje rɔ sí rɔ dee’g ɓad gə́ raŋg.

Njé gə́ Rɔmə 2:7

Deḛ gə́ d’ai meḛ dee sam-sam dɔ néra deeje gə́ maji’g saŋg ne riɓar gə rɔnduba gə dɔkaisəgərə lé dee nja yeḛ a kar dee d’isi gə kəmə gə́ gə no̰ ya.

1 Njé gə́ Kɔrḭtə 1:21

Mbata to gə́ njé gə́ dɔ naŋg neelé kəmkàr lə dee lé d’askəm gər ne Ala el ləm, əsé gə kəmkàr ləa el ləm tɔ ndá Ala lé nja ə̰ji mée’g gə mba kaji deḛ gə́ d’ɔm meḛ dee dɔ ta kila mber’g lə sí gə́ dee nja d’oo gə́ ta mbə lé.

1 Njé gə́ Kɔrḭtə 9:22

M’tel m’to gə́ yɔ-dəw gə deḛ gə́ to gə́ yɔ-dəwje lé gə mba kiŋga ne deḛ gə́ to gə́ yɔ-dəwje lé tɔ. M’tel rɔm gə́ gar dəwje lai m’saŋg ne néje ɓəd-ɓəd ɓó gə mba kaji ne njé gə́ na̰je ya.

1 Njé gə́ Kɔrḭtə 9:27

Ma lé m’ɔb rɔm kag m’wa rɔm gə́ ɓər, nà banelə loo gə́ m’ila mber m’ar dəwje gə́ raŋg ɓa dee lé d’a kundam ɓad.

Njé gə́ Epesə 4:14

Yee ɓa j’a to ne asəna gə ŋganje el ŋga, mbata ŋganje lé d’aw yo-yo nee-nee ləm, leltaje biri dee ləma, sutaje gə ta korije lə dəwje lé tel ne kəm dee ləm tɔ.

Njé gə́ Kolosə 4:17

Tɔɓəi ulaje Arsipə mba karee unda kəmkàr dɔ rəa’g dɔ kula gə́ d’ɔm jia’g gə ri Mbaidɔmbaije lé mba ra karee ɔr rɔd ya.

1 Njé gə́ Tesalonikə 2:16

Deḛ d’ɔg sí loo kula njépole-magəje ta mba kar dee d’iŋga ne kaji, yee ɓa kaiya lə dee uba ne dɔ na̰ ɓul-ɓul rusu loo ya. Nɛ oŋg lə Ala lé uba dee naŋg bus wa dee mba̰.

1 Timote 1:3

Ma m’olé məəi dɔ ta gə́ ma m’ndəjii loo gə́ m’ḭ rɔi’g mba kaw Masedoinə ɓa m’ɔgi naŋg Epesə mba kari ndəji njé gə́ na̰je kar dee d’un ta ndooje gə́ raŋg ndoo ne mar deeje el ŋga ləm,

1 Timote 4:15

Ɔm məəi dɔ néje’g neelé ləm, ula rɔi keneŋ mbiriri ləm tɔ mba kar dəwje lai d’oo ne loo néraje ləi gə́ aw ne kəmi gə́ kédé-kédé lé tɔ.

1 Timote 4:6

Ɓó lé i ɔr ginta neelé ar marije gin Kristi’g lé ndá i a to njekɔrgoota lə Jeju Kristi gə́ maji ya. Ta meekun ləm, gə gin kankəmta gə́ i ula rɔi keneŋ ləm tɔ lé yee ɓa gə́ nésɔi ya.

2 Timote 2:10

Gelee gə́ nee ɓa, m’wa ne siŋgam kɔgərɔ dɔ néje’g lai mbata lə deḛ gə́ yeḛ mbər dee lé gə mba kar dee-deḛ nja kara d’iŋga kaji gin Jeju Kristi lé na̰’d gə rɔnduba gə́ to gə no̰ lé tɔ.

2 Timote 3:14

I lé ta gə́ i ndoo, taa gə məəi lé maji kari aar keneŋ njaŋg mbata dəw gə́ njendooi néje neelé i gəree gao.

2 Timote 4:2

Ila mbər Tagə́maji lé ula ne ta meḛ dee’g loo gə́ kul’g ləm, gə loo gə́ nuŋga’g ləm tɔ, ndaŋg dee ləm, gə ndəji dee ləma, gə gɔl dee gə ndu noji ndoo dee ne ləm tɔ ɓó ya̰ gée lal ra ndɔ kára el.

Titə 1:9

Kankəmta gə́ deḛ ndée ɓa maji karee wa mée dɔ’g, yee ɓa yeḛ a kaskəm ndəji dee ne ta ndoo gə́ àr lé ləm, a kal ne gin njémaḭtaje ləm tɔ.

Titə 2:15

I ɓa yḛ̀, maji kari ndoo dee taje neelé ləm, tɔg dee ne ləm, ndəji dee to gə́ njeŋgɔ-ɓee bèe ləm tɔ. Maji kar dəw kára kara ndɔli ne el.

Titə 2:7

Nérai gə́ maji ɓa i a tɔji dee ne loo néraje gə́ maji gə́ gə ria-ria ləm, ar ta ndoo ləi lé to ta gə́ àr ŋgad-ŋgad gə́ kəm kar dee taa ləma,

Piləmɔ̰ 1:19

Ma Pool lé ma m’ndaŋg maktub neelé gə jim-ma ya: Ma ya m’a kogai ɓaŋgee ya. Nɛ i lé ar məəi olé dɔ ɓaŋg ləm gə́ to dɔi’g gə́ to darɔi-i lé nja.

Ǝbrəje 12:15

Undaje kəmkàr dɔ rɔ sí’g mba kar dəw kára kara mbuna sí’g lal kiŋga noji lə Ala el, mba kar ŋgira meekad uba meḛ sí’g jugugu-jugugu el tɔ, nà dəwje d’a kaw ne pum-pum kunda ne mar deeje bula rəw tuji’g.

Ǝbrəje 13:9

Arje taje ɓəd-ɓəd gə́ d’ḭ ne raŋg lé wa meḛ sí el, maji kar noji lə Ala lé ɓa wa meḛ sí ɓiri ɓó nésɔje gə́ d’ɔr kəm dee gə mḭdé ba el.

Maktub gə́ Jak ula ne ar ngan-Allaje 5:20

yeḛ kara maji karee gər gao, yeḛ gə́ njekɔr njekaiya rəw ndəm’g lé to njetaa maree ta yoo’g o̰ ne dɔ kaiyaje bula ləm tɔ.