1 Timote 4:14 - Maktub gə́ To gə Kəmee

¹⁴ Nénoji gə́ i iŋga gə goo tapa njéteggintaje loo gə́ ŋgatɔgje mbo̰ dɔ na̰ tɔr ne ndu dee d’ila ne ji dee dɔi’g lé maji kari ndoo bao dɔ’g el.

1 Timote 4:14 ပူးပေါင်းရင်းမြစ်များ

Néra Njékaḭkulaje 11:30

D’ɔm néje lə dee ji Barnabas gə Sool’g d’ar dee d’aw ne d’ar ŋgatɔgje lé tɔ.

Néra Njékaḭkulaje 13:3

Yen ŋga loo gə́ deḛ ra tamaji ɓa d’ɔg ne meḛ dee ɓoo keneŋ ndá d’ila ji dee dɔ dee’g ɓa d’ya̰ dee d’ar dee d’aw ɓəi.

Néra Njékaḭkulaje 19:6

Pool ila jia dɔ dee’g ndá Ndilmeenda ree ɔm dɔ dee’g ar dee d’ubu ta pur-pur gə takɔji dəwje gə́ raŋg teg ne gintaje.

Néra Njékaḭkulaje 22:5

Ŋgɔ-njekinjanéməs gə ŋgatɔgje lə Jibje lai lé to njékɔrgoo néramje neelé ya. M’taa maktub ji dee’g gə mba kaw ne kar ŋgako̰ deeje gə́ Damas loo gə́ m’isi m’aw keneŋ gə mba kwa deḛ gə́ keneŋ neelé gə kúla lar ree sə dee Jerusalem gə mba kar bea̰ ɔs ta dee’g.

Néra Njékaḭkulaje 6:6

Deḛ d’unda dee no̰ njékaḭkulaje’g tɔɓəi loo gə́ deḛ ra tamaji ta Ala’g lé ndá d’ila ne ji dee dɔ dee’g.

Néra Njékaḭkulaje 8:17

Yen ŋga Piɛrə gə Ja̰ d’ila ji dee dɔ dee’g d’ar dee taa Ndilmeenda gə meḛ dee.

1 Njé gə́ Tesalonikə 5:19

Ndil gə́ to meḛ sí’g lé udeeje kəmə el.

1 Timote 1:18

Ŋgonəm Timote, ta gə́ m’tɔgi ne neelé to gə́ goo ta gə́ deḛ tegginee d’wɔji ne dɔi kédé lé to mba kar ta nee to kag gədi kari to ne bao-rɔ gə́ gəd ya ləm,

1 Timote 4:15

Ɔm məəi dɔ néje’g neelé ləm, ula rɔi keneŋ mbiriri ləm tɔ mba kar dəwje lai d’oo ne loo néraje ləi gə́ aw ne kəmi gə́ kédé-kédé lé tɔ.

1 Timote 5:17

Ŋgatɔgje gə́ d’ɔr no̰ Eglisə maji ra ne kula kɔrgoota ləm, gə ndoo mar deeje ləm tɔ lé maji kar dee d’iŋga riɓar gə́ ɔs dɔ maree ya.

1 Timote 5:19

Ta gə́ d’ila dɔ ŋgatɔg lé ɓó lé njékootaje jooje munda jen godo keneŋ ndá taa taree el.

1 Timote 5:22

Maji kari ḭ rad ila jii dɔ dəw’g el ləm, ɔm məəi gə mari na̰’d sad loo-kaiya’g ləa el ləm tɔ, i lé tɔs kəmi dɔ rɔi’g mba kar məəi àr ŋgad-ŋgad.

1 Timote 6:12

Aḭ rɔ dɔ meekun’g ləi ləm, kəmə gə́ gə no̰ gə́ deḛ ɓari keneŋ lé wa kɔgərɔ gə goo ta meekun gə́ inja bao gə́ i ɔr ne gée kəm njékɔrgootareeje’g bula lé ləm tɔ.

2 Timote 1:6

Gelee gə́ nee ɓa ma m’olé ne məəi mba kari yel ne gel nénoji lə Ala gə́ i iŋga loo gə́ ma m’ila ne jim dɔi’g.