1 Timote 3:7 - Maktub gə́ To gə Kəmee

⁷ Maji kar dəwje gə́ to njétaamee-Kristije el kara d’ɔr ta ləa maji ɓa, nà banelə d’a kila rɔkul dəa’g karee oso ne dan gumje’g lə njekurai lé.

1 Timote 3:7 ပူးပေါင်းရင်းမြစ်များ

Mark 4:11

Yeḛ ula dee pana: Seḭ nja Ala ar kəm sí inja gə mba kar sí gərje ne ta lə ɓeeko̰ lə Ala gə́ to loo-kiya’g ɓəi, nɛ deḛ gə́ raŋg lé d’oo taje lai gə gosotaje ba.

Néra Njékaḭkulaje 10:22

Deḛ d’ilá keneŋ pana: Kɔrnəi, ɓée boo-njérɔje gə́ tɔl lé yeḛ to gə́ njemeekarabasur ləm, yeḛ tədkag Ala lé ləm tɔ, ar Jibje lai gə gel dee gel dee d’ɔr goo ta ləa maji. Ala ar kura ləa gə́ dara gə́ undá gə kəmee lé teḛ dəa’g ulá gə mba karee ula-kula ɓari kəi ləa gə mba koo taje tai’g.

Néra Njékaḭkulaje 22:12

Dəw kára si Damas ria lə Ananias, yeḛ to njemeenda gə́ un godndu lad ləm, Jibje lai gə́ d’isi Damas lé d’ɔr goo ta ləa maji ləm tɔ.

Néra Njékaḭkulaje 6:3

Bèe ndá ŋgako̰ síje, maji kar sí ɔrje diŋgamje siri mbuna sí’g, deḛ gə́ dəwje d’ɔr ta lə dee maji ləm, gə́ Ndilmeenda taa meḛ dee pəl-pəl ləma, gə́ to gə́ njékəmkàrje ləm tɔ lé mba kar sí j’ɔm kula neelé ji dee’g.

1 Njé gə́ Kɔrḭtə 10:32

Maji kar sí ilaje Jibje əsé Grekje əsé Eglisə lə Ala kag el,

1 Njé gə́ Kɔrḭtə 5:12

See to ta ləm gə mba gaŋg rəwta dɔ deḛ gə́ nai gir loo gə́ raga wa. Deḛ gə́ d’isi kəi ɓa to ta lə sí mba gaŋg rəwta dɔ dee’g el wa.

2 Njé gə́ Kɔrḭtə 6:3

Jeḛ n’ra né kára kara gə́ mba kila ne dəw kag el gə mba kar ta wa ne dɔ kula ra sí el.

2 Njé gə́ Kɔrḭtə 8:21

Mbata jeḛ n’saŋg loo gə mba ra né gə́ to gə goo rəbee kəm Mbaidɔmbaije’g ɓa gə karee el nɛ kəm dəwje’g lé tɔ.

Njé gə́ Kolosə 4:5

Njaaje gə kəmkàree no̰ dee’g raga pai-pai, ɔsje rɔ sí ɓad nà kàree a dən.

1 Njé gə́ Tesalonikə 4:12

Togə́bè ɓa, néraje gə́ to gə goo rəbee gə́ seḭ a raje gə njé gə́ raga lé d’a kila ne riɓar dɔ sí’g ləm, seḭ a kawje ne ndòo né lə dəw kára kara el ləm tɔ.

1 Njé gə́ Tesalonikə 5:22

Saaje rɔ sí rəw dɔ né gə́ majel gə́ gə ria-ria.

1 Timote 3:6

Njekaa dɔ Eglisə lé maji karee to njemeekun gə́ sigi el nà banelə a kḭ ti rəa koso ne gin ta gə́ deḛ d’ila dɔ njekurai’g lé.

1 Timote 5:14

Bèe ndá njékəisiŋgaje gə́ nai ma̰də ɓəi lé ma m’ndigi kar dee taa ŋgaw koji ne ŋganje ləm, kar dee d’oo goo loo gə́ mee kəije’g lə dee ləm tɔ, mba kar njeba̰ lé oo ne loo kila ne ta dɔ sí’g el.

1 Timote 6:9

Nɛ deḛ gə́ ndigi tel baoje lé d’oso ne dan nékər’g ləm, gə dan gum’g ləm tɔ, mal némbəje gə néyèrje gə́ ɓugu dəwje dan tuji’g ar dee tuji ne pugudu lé ra dee tɔ.

2 Timote 2:26

Yen ɓa gum lə njekurai gə́ yeḛ uba dee naŋg bus kiri dee dɔ na̰’d mba kar dee ra né gə́ mée wɔji lé d’a teḛ sɔd ne rɔ dee danee’g.

Titə 2:5

mba kar dee məəm rɔ dee ləm, mba kar dee lɔm rɔ dee ləm, mba kar dee ra kəi lə dee bur-bur ləm, mba kar dee to gə́ njémeemajije ləma, gə mba kar dee d’oso kul rɔ ŋgaw deeje’g ləm tɔ. Togə́bè ɓa dəw kára kara a koo loo ɓar ne ta lə Ala el.

Titə 2:8

to kankəmta gə́ loo-maḭyee godo ləm tɔ. Bèe ɓa njeba̰ lə sí a si ne gu mbata yeḛ a koo loo mba kila ta né gə́ yèr kára kara dɔ sí’g el.

3 Ja̰ 1:12

Dəwje lai d’ɔr goo ta lə Demetriyus maji ləm, néreaje lai gə́ wa bua kankəmta lé ɔr ta ləa maji ləm tɔ. Jeḛ kara jeḛ j’ɔr goo ta ləa gə́ majee ya ndá i gər gao takɔr lə sí lé to kankəmta ya.

1 Samel 2:24

Wah! ŋganəmje, ta néje gə́ m’oo lé to majel. Seḭ arje dəwje lə Njesigənea̰ ra kaiya ya.