1 Timote 3:5 - Maktub gə́ To gə Kəmee

⁵ Mbata ɓó lé dəw gər kaa dɔ kəi ləa-yeḛ el ndá see yeḛ a gər kaa dɔ Eglisə lə Ala loo gə́ ra gə́ wa.

1 Timote 3:5 ပူးပေါင်းရင်းမြစ်များ

Néra Njékaḭkulaje 20:28

Bèe ndá arje meḛ sí dɔ rɔ sí’g ləm, aaje dɔ badə-kosoje gə́ Ndilmeenda unda sí gə́ njékaa dɔ deeje lé gə mba kar sí ulje Eglisə lə Mbaidɔmbaije gə́ yeḛ uga gə məsee-yeḛ nja ləm tɔ.

1 Njé gə́ Kɔrḭtə 10:32

Maji kar sí ilaje Jibje əsé Grekje əsé Eglisə lə Ala kag el,

Njé gə́ Epesə 1:22

Yeḛ orè néje lai gə gin gɔlee mès ləm, aree to dəw dɔ Eglisə ləm tɔ.

Njé gə́ Epesə 5:24

Bèe ɓa, to gə́ Eglisə təd ne kag Kristi lé maji kar denéje kara tədkag ŋgaw deeje dɔ néje’g lai bèe tɔ.

Njé gə́ Epesə 5:32

Ta neelé to gə ndəree ɓəi, yee ɓa ma m’pa m’wɔji ne dɔ Kristi gə dɔ Eglisə tɔ.

1 Timote 3:15

ɓa ɓó lé gɔlm nai ti ɓəi ndá i a gər ne néje gə́ kəm ra mee kəi’g lə Ala gə́ to Eglisə lə Ala gə́ njesikəmba lé ləm, gə́ to gaji ŋgɔ-kag gə́ gəd kankəmta lé ləm tɔ.

1 Samel 3:13

Ma m’ulá təsərə to gə́ m’a gə kar bo̰ néra njémeekəije ləa ɔs ta dee’g gə no̰ mbata yeḛ oo néra gə́ kərm-kərmje lə deḛ gər gao, to néra ŋganeeje gə́ ar dəwje d’ə̰ji dee ne gə́ kḛji nɛ yeḛ lal ndaŋg dee dɔ’g lé.