1 Timote 3:15 - Maktub gə́ To gə Kəmee

¹⁵ ɓa ɓó lé gɔlm nai ti ɓəi ndá i a gər ne néje gə́ kəm ra mee kəi’g lə Ala gə́ to Eglisə lə Ala gə́ njesikəmba lé ləm, gə́ to gaji ŋgɔ-kag gə́ gəd kankəmta lé ləm tɔ.

1 Timote 3:15 ပူးပေါင်းရင်းမြစ်များ

1 Mbaije 2:2

M’a gə kun rəw gə́ dəwje lai gə́ dɔ naŋg nee d’un lé ya. Maji kari wa rɔi kɔgərɔ gə́ dəw gə́ diŋgam ya.

1 Mbaije 2:4

Bèe ɓa ta nee gə́ Njesigənea̰ pa wɔji ne dɔm lé a kaw ne lée’g béréré mbata yeḛ pana: Ɓó lé ŋganije d’unda kəmkàr dɔ panjaa dee’g njaa ne gə ŋgonkoji no̰m’g gə ŋgaw meḛ dee bura ləm, gə rɔ dee bura ləm tɔ ndá i a lal njetaa tori dɔ kalimbai’g lə Israɛlje nda̰ el.

2 Mbaije 19:4

Banelə Njesigənea̰, Ala ləi a koo taje lai gə́ Rabsake pa gə́ ɓéeje gə́ to mbai gə́ Asiri ulá aree pa ula ne sul dɔ Ala gə́ Njesikəmba’g lé ya, banelə Njesigənea̰, Ala ləi a kar bo̰ nérea ɔs təa’g mbata taje lai gə́ yeḛ oo lé. Bèe ndá maji kari ra tamaji mbata ges dəwje ləa gə́ nai lé ya.

1 Sôrta Gḭka-Israɛlje 22:13

Togə́bè ɓa i a teḛ ne kɔr loo gə́ i a tɔs kəmi bao-bao dɔ ndukunje gə godnduje gə́ Njesigənea̰ un ar Moyis mbata lə Israɛlje lé. Wa rɔi kɔgərɔ ləm, wa diŋgam məəi’g ləma, ɓəl əsé unda bala el ləm tɔ.

Pakɔsje 42:2

To gə́ arkas gə́ əmə biriri-biriri kəm-rəw-mán’g bèe lé Ǝi Ala, ma kara m’əmə biriri-biriri gooi’g bèe ya tɔ.

Pakɔsje 84:2

Njesigənea̰, mbai gə́ njeboo-néje lé Kəi-siije taa kəm rəgm ya,

Jeremi 1:18

Bogenè m’undai dɔ ɓee’g Asəna gə ɓee-boo gə́ siŋga to yaa̰ ləm, Asəna gə gaji-kag larndul gə ndògo-larkas ləm tɔ Mba koma̰ ne mbaije gə́ Juda ləm, Gə ŋgan-mbaije lə dee Gə njékinjanéməsje lə dee ləma, Gə koso-dəwje lai gə́ mee ɓee’g neelé ləm tɔ.

Jeremi 10:10

Nɛ Njesigənea̰ to Ala gə́ tɔgərɔ, Yeḛ to Ala gə́ njesikəmba ləm, Gə mbai gə́ njesi gə ləbee-ləbee Gə no̰ ləm tɔ. Naŋg yə no̰ oŋg’d ləa ləm, Ginkoji dəwje gə raŋg d’askəm Kaar gəs no̰ oŋg-boo’g ləa el ləm tɔ.

Jeremi 23:36

Nɛ a paje pana: Ndərta lə Njesigənea̰ to nékodo gə́ wɔi lé a paje bèe el ŋga mbata nana kara ta gə́ teḛ təa’g ya a to nékodo gə́ wɔi mbata ləa-ləa. Seḭ lé seḭ turuje taje lə Ala gə́ njesikəmba, Njesigənea̰ gə́ njeboo-néje, Ala lə sí lé ilaje gel.

Loo gə́ killa rea kəm Daniel’g 6:26

Gée gə́ gogo ndá mbai Darius lé ndaŋg ta ar koso-dəwje lai ləm, gə ginkoji dəwje gə raŋg ləma, gə dəwje gə́ takɔji dee to gə ria-ria ləm tɔ gə́ d’isi dɔ naŋg nee pana: Maji kar sí síje dan meelɔm’g bèdèg ya!

Matiyo 16:16

Simo̰ Piɛrə ilá keneŋ pana: I to Kristi gə́ to Ŋgon-Ala gə́ Njesikəmba lé nja.

Matiyo 18:18

Ma m’ula sí təsərə, né gə́ rara ɓa gə́ seḭ a tɔje dɔ naŋg nee kara d’a tɔ dara ləm, né gə́ rara ɓa gə́ seḭ a tuduje dɔ naŋg nee ndá kara d’a tudu dara tɔ.

Tagə́maji gə́ Ja̰ ndang 1:17

Mbata ləw lé Moyis ree gə godndu ar sí nɛ noji gə kankəmta lé Jeju Kristi ɓa ree ne.

Tagə́maji gə́ Ja̰ ndang 14:6

Jeju ilá’g pana: Ma nja m’to gə́ rəw lé ləm, gə kankəmta lé ləma, gə kəmə lé ləm tɔ. Lé dəw gə́ rara ɓa ree gə rəw gə́ rɔm’g el kara yeḛ a teḛ rɔ Bɔm’g el tɔ.

Tagə́maji gə́ Ja̰ ndang 18:37

Pilatə tel dəjee pana: See i to gə́ mbai ya wa. Jeju tel ilá keneŋ pana: Yeḛ nja pa tai gən mba̰, ma m’to gə́ mbai ya. Deḛ d’ojim d’arm m’ree naŋg nee gə mba karm m’ɔr goo kankəmta lé. Nana ɓa gə́ to ka̰ kankəmta lé ndá a koo ndum ya.

Tagə́maji gə́ Ja̰ ndang 6:69

Jeḛ j’ɔmje meḛ sí dɔi’g ləm, jeḛ n’gərje gao to gə́ i lé to Kristi, Njemeenda gə́ ḭ rɔ Ala’g lé ləm tɔ.

Néra Njékaḭkulaje 1:2

saar ndɔ gə́ d’unee d’aw ne səa dara. Ndəa neelé yeḛ un ndia gə goo siŋgamoŋ lə Ndilmeenda ar njékaḭkulaje ləa gə́ yeḛ ɔr dee unda dee gə kəmee lé d’oo né gə́ yeḛ ndigi kar dee ra.

Néra Njékaḭkulaje 14:15

Deḛ pata tɔg pir pana: Seḭ dəwje lé see ban ɓa seḭ raje ne né bèe wa. Jeḛ lé jeḛ n’to gə́ dəwje to gə́ seḭ nja tɔ. Jeḛ j’ula sí tagə́maji gə mba kar sí ya̰je ne goo magəje gə́ gə mḭdé ba nee mba telje rɔ sí goo Ala gə́ njesikəmba’g lé. Yeḛ nja ɓa gə́ njekunda dara gə naŋg nee gə baa-boo-kad gə néje lai gə́ to keneŋ.

Njé gə́ Rɔmə 3:2

Gelee bula ya, nɛ gelee gə́ kára gə́ ur dɔ dee’g lai lé yee ɓa gə́ godndu Ala gə́ yeḛ ɔm ji dee-deḛ’g ya.

Njé gə́ Rɔmə 9:26

Loo gə́ deḛ d’ula dee pana: Seḭ neelé toje dəwje lə neḛ el lé Ndá lée neelé nja a tel to loo ɓar dee ŋgan Ala gə́ njesikəmba lé tɔ.

1 Njé gə́ Kɔrḭtə 10:32

Maji kar sí ilaje Jibje əsé Grekje əsé Eglisə lə Ala kag el,

1 Njé gə́ Kɔrḭtə 3:16

Seḭ toje kəi-Ala, Ndil Ala si meḛ sí’g tɔ. See seḭ gərje bèe el wa.

2 Njé gə́ Kɔrḭtə 3:3

Tɔgərɔ ya, seḭ toje asəna gə maktub kɔrginrɔ sí gə́ ḭ rɔ Kristi’g gə goo kula gə́ jeḛ n’ra mbuna sí’g. Ta gə́ ndaŋg keneŋ lé jeḛ ndaŋg gə manee kari ba el nɛ Ndil Ala gə́ njesikəmba lé yeḛ nja ɓa gə́ njḛda̰gee ləm, to ta gə́ ndaŋg bəgərə mbal’g el, nɛ seḭ dəwje lé dɔɓəŋgərə sí ɓa gə́ loo ndaŋgee ya ləm tɔ.

2 Njé gə́ Kɔrḭtə 6:16

See kəi-Ala gə ka̰ magə-poleje yḛ̀, d’a kula dee na̰’d loo gə́ ra wa. Mbata jeḛ lé n’to kəi-Ala gə́ njesikəmba to gə́ Ala nja pa pana: N’a sí keneŋ ləm, n’a njaa mbuna dee’g ləm tɔ, N’a to Ala lə dee ləm, deḛ nja kara d’a to koso-dəwje lə neḛ ləm tɔ.

2 Njé gə́ Kɔrḭtə 6:7

j’ila mber kankəmta ləm, siŋgamoŋ lə sí ḭ rɔ Ala’g ləma, meekarabasur lé to gə́ nérɔje gə́ ka̰ rɔ ne, gə ka̰ ko̰ ne rɔ sí ləm tɔ.

Njé gə́ Galati 2:9

Bèe ɓa loo gə́ deḛ d’oo noji gə́ d’wa səm lé ndá Jak gə Képas gə Ja̰ d’oo dee gə́ ŋgaw dan Eglisə lé d’wa jikɔl síjeḛ gə Barnabas d’ɔm sí ne sə dee na̰’d mba kar síjeḛ j’aw gə́ ɓee lə njépole-magəje nɛ deḛ lé d’a kaw gə́ ɓee lə njékḭja tamɔd deeje tɔ.

Njé gə́ Galati 3:1

Ǝi Galadje, seḭ gə́ kəmkàr na meḛ sí tas lé see na̰ ɓa tel kəm sí wa. Seḭ gə́ deḛ ria sə sí dɔ ɗar gə́ deḛ ɗar Kristi kaar kag’d lé d’aree to raga kəm sí’g pai-pai ya.

Njé gə́ Epesə 4:21

mbata seḭ ooje ta ləa mba̰ ləm, deḛ ndoo sí kankəmta gə́ ḭ rɔ Jeju’g mba̰ ləm tɔ

Tel tura Godndu 31:23

Njesigənea̰ un ndukunje ləa ar Juje, ŋgolə Nun. Yeḛ pana: Wa rɔi kɔgərɔ ləm, wa diŋgam məəi’g ləm tɔ mbata to i ɓa a gə kar Israɛlje d’andə mee ɓee gə́ ma man rɔm gə mba kar dee lé, ndá ma nja m’a nai səi tɔ.

Tel tura Godndu 5:26

Mbata mbuna dəwje lai gə́ d’aw kəmba lé see na̰ ɓa oo ndu Ala gə́ Njesikəmba gə́ pa ne ta dan pər’g to gə́ jeḛ j’ooje nɛ yeḛ si kəmba wa.

Njé gə́ Kolosə 1:5

Yee neelé seḭ raje mbata seḭ undaje meḛ sí yel dɔ né gə́ d’unda gə kəmee mbata lə sí mee ɓee gə́ dara ləm, mbata lə kankəmta gə́ to Tagə́maji gə́ d’ar kəm sí inja dɔ’g kédé lé ləm tɔ.

1 Njé gə́ Tesalonikə 1:9

Kwa gə́ seḭ wa síje gə́ rɔ sí’g ləm, gə meekun lə sí gə́ seḭ unje arje Ala ləma, gə kya̰ gə́ seḭ ya̰je goo magəje lə sí mba kwa Ala gə́ tɔgərɔ gə́ njesikəmba meḛ sí’g ləm tɔ lé yee ɓa dəwje lai d’ɔr soree ya.

1 Timote 3:14

Meem to yel dɔ kaw gə́ m’a gə kaw rɔi’g kaw kooi ya ɓəi, yee ɓa ma m’ndaŋg ne ta nee m’ari

1 Timote 3:16

Rəw kwa Ala mée’g gə́ gəd lé to ndərta gə́ dumkoo ɓó loo-maḭyee godo. Yeḛ neelé darəa to raga ndəgəsə ləm, Ndil ɓa ɔr gelee ləm, Kuraje gə́ dara d’ée ləm, Deḛ d’ɔr goo ta ləa d’ar njépole-magəje ləm, Nje gə́ dɔ naŋg nee d’ɔm meḛ dee dəa’g ləm d’unee d’unda loo ronduba’g ləa ləm tɔ.

1 Timote 3:2

Njekaa dɔ Eglisə lé maji karee to njegelgodo ləm, gə njedené kára ba ləma, gə njera kəmee rakaa ləm tɔ, yeḛ a to njemeendər ləm, yeḛ a kaw yururu ləm, yeḛ a kwa mbá bur-bur ləma, yeḛ a kaskəm ndoo dəwje né gə́ kəm ndoo dee ləm tɔ.

1 Timote 3:5

Mbata ɓó lé dəw gər kaa dɔ kəi ləa-yeḛ el ndá see yeḛ a gər kaa dɔ Eglisə lə Ala loo gə́ ra gə́ wa.

1 Timote 4:10

Jeḛ j’oma̰ gə kula gə́ jeḛ n’raje lé mbata jeḛ j’unda meḛ sí yel gə́ dɔ Ala gə́ njesikəmba gə́ to njekaji dəwje lai nɛ to ka̰ deḛ gə́ d’ɔm meḛ dee dəa’g goo kára ba sur lé tɔ.

1 Timote 6:16

Yeḛ nja kára ba kiao ɓa to Njesigənea̰ ləm, yeḛ si dan lookàr gə́ ɔs kəm loo ŋgərəŋ ləma, dəw kára kara ila kəmee dəa’g əsé askəm kée el ləm tɔ lé maji kila riɓar dəa’g ləm, maji karee dum dɔ loo gə ləbee-ləbee saar-saar gə no̰ ləm tɔ. Amen!

2 Timote 2:19

Nɛ ta gə́ Ala tum ginee lé kiriŋ naŋg kiriŋ-kiriŋ. Tor jia ɓa to ta nee gə́ deḛ ndaŋg kédé lé pana: Mbaidɔmbaije gər dee gə́ to kea̰je gao. Tɔɓəi pa ya ɓəi pana: Maji kar nana ɓa gə́ ɓar ri Mbaidɔmbaije ndá unda rəa ɓad dɔ néje gə́ ndɔji pɔdɔdɔ’g.

2 Timote 2:20

Mee kəi gə́ boo lé jo larlɔr ləm, gə jo hand ləm tɔ ɓa to keneŋ goo kára el, nɛ ka̰ kag gə ka̰ a̰ji to keneŋ tɔ, deḛ gə́ kédé lé d’wɔji ne dɔ mbai-kula, deḛ gə́ raŋg lé d’wɔji ne dɔ néje gə́ gə mḭdé-mḭdé ba.

Ǝbrəje 10:21

Yee ɓa jeḛ j’iŋga ne ŋgɔ-njekinjanéməs gə́ to mbai dɔ kəi-Ala

Ǝbrəje 12:22

Nɛ seḭ lé seḭ rəmje pər gə́ mbɔr mbal gə́ Sio̰, ɓee-si Ala gə́ Njesikəmba gə́ to Jerusalem gə́ dara ləm, gə́ loo gə́ dəwje gə́ dara d’isi keneŋ tap-tap nduba rɔ dee ləm,

Ǝbrəje 3:12

Yen, ŋgakɔmje, maji kar dəw kára kara si mbuna sí’g gə meeyèr əsé gə meetɔg mba kar mée tel ne gir gə Ala gə́ njesikəmba lé el.

Ǝbrəje 9:14

nɛ ɓəd ɓa see Kristi gə́ rəa ila ɓal el nɛ yeḛ nja ḭ gə mée ya̰ rəa ar Ala gə goo rəw gə́ Ndil gə́ Njesigənea̰ tɔjee lé see məsee a kɔr won néra sí gə́ gə mḭdé meḛ sí’g mba kar sí waje Ala gə́ njesikəmba lé meḛ sí’g el wa.

Jujé 3:10

Togə́bè ɓa Juje ula dee pana: Né neelé ɓa a kar sí gərje to gə́ Ala gə́ njesikəmba si mbuna sí’g ləm, yeḛ a gə tuba Kana̰je, gə Hetje, gə Hebje, gə Peresje, gə Girgasije, gə Amɔrje, gə Yebusje lé no̰ sí’g ləm tɔ.

1 Piɛrə 2:5

Seḭje kara toje asəna gə mbalje gə́ to kəmba gə́ d’odo sí rɔd sí dɔ na̰’g mba ra ne kankəm kəi gə́ ka̰ Ndil lé ləm, kar sí toje njékinjanéməsje gə́ d’unda sí gə kəmee mba kar sí unje nékinjaməs gə́ ka̰ ndil lé gə ri Jeju Kristi gə́ a taa kəm Ala rəgm lé ləm tɔ.

1 Piɛrə 4:17

Rəwta-gaŋg lé ndəa teḛ mba̰ ndá d’a kun kudee mee kəi’g lə Ala ya. Nɛ ɓó lé d’un kudee ɓee lə síjeḛ ŋga, see deḛ gə́ d’ila koji dɔ Tagə́maji’g lə Ala el lé see ndɔ gə́ rudu lə dee-deḛ lé a to né gə́ ban dɔ dee’g wa.

Loo gə́ killa rea kəm Ja̰’g 7:2

Tɔɓəi ma m’oo kura gə́ dara gə́ raŋg gə́ ḭ bər loo-kuba’g lə kàr, nétorji Ala gə́ njesikəmba to jia’g. Yeḛ pata gə ndia gə́ boi wəl ula kuraje lə Ala gə́ dara gə́ sɔ lé deḛ gə́ yeḛ un ndia ar dee kédé gə mba kar dee ra né g majel gə naŋg nee gə baa-boo-kad lé. Yeḛ ula dee pana:

1 Samel 17:26

Dabid dəji njérɔje gə́ d’aar mbɔree’g pana: See ɗi ɓa d’a kar yeḛ gə́ a tɔl dəw gə́ Pilisti nee ləm, a kɔr boo-rɔkul dɔ Israɛlje’g ləm tɔ lé wa. See dəw gə́ Pilisti nee gə́ inja tamɔdee el ya to na̰ ɓa aar ula sul dɔ njérɔje’g lə Ala gə́ njesikəmba lé wa.

1 Samel 17:36

To gə́ ma kura ləi m’tɔl ne toboḭ gə da-urs bèe lé ndá a to togə́bè gə dəw gə́ Pilisti gə́ nee gə́ to njelal kinja ta mɔdee lé to mbata yeḛ ula sul dɔ njérɔje’g lə Ala gə́ njesikəmba ya.