1 Timote 3:1 - Maktub gə́ To gə Kəmee

¹ Ta neelé to kankəmta ya: ɓó lé nana ɓa ndiŋga rəa gə mba to njekaa dɔ Eglisə ndá mbai-kula ɓa yeḛ ndiŋga ya.

1 Timote 3:1 ပူးပေါင်းရင်းမြစ်များ

Gosota-Kəmkàrje 11:30

Kandə njemeekarabasur lé To kag-kəmə ləm, Njekəmkàr lé Taa dɔ dəwje gə́ taa ləm tɔ.

Lugu 15:10

Togə́bè ɓa ma m’ula sí təsərə, kaiya-dəw kára ba kiao gə́ wa ndòo rəa dɔ kaiya’g ləa lé ndá d’a ra rɔlel yaa̰ dəa’g no̰ kuraje lə Ala gə́ dara lé tɔ.

Néra Njékaḭkulaje 1:20

Nɛ ta gə́ deḛ ndaŋg mee maktub Pakɔs’g lé pa pana: Maji kar ɓee ləa to nduba piu-piu ləm, Maji kar dəw kára kara ra ɓee keneŋ el ləm tɔ. Tɔɓəi pa tɔɓəi pana: Maji kar dəw gə́ raŋg taa toree loo-kula’g ləa.

Néra Njékaḭkulaje 20:28

Bèe ndá arje meḛ sí dɔ rɔ sí’g ləm, aaje dɔ badə-kosoje gə́ Ndilmeenda unda sí gə́ njékaa dɔ deeje lé gə mba kar sí ulje Eglisə lə Mbaidɔmbaije gə́ yeḛ uga gə məsee-yeḛ nja ləm tɔ.

Njé gə́ Rɔmə 11:13

Seḭ njépole-magəje lé ma m’ula sí ta nee ya, ma gə́ m’to gə́ njekaḭkula gə́ rɔ njépole-magəje’g lé ma m’ti rɔm dɔ kula’g ləm ya.

Njé gə́ Epesə 4:12

gə mba kar deḛ gə́ to gə kəmee lé maji d’ɔr ne njoroŋ mba ra ne kulaje lé ləm, mba kar siŋga darɔ Kristi ḭ ne dɔ maree’g gə́ kédé-kédé ləm tɔ

Njé gə́ Pilibə 1:1

Ma Pool, jeḛ gə́ Timote, kuraje lə Jeju Kristi lé jeḛ ndaŋg maktub neelé j’ar sí-seḭ gə́ toje gə kəmee gə́ ɔmje na̰’d gə Jeju Kristi gə́ sije Pilibə ləm, j’ar njékaa dɔ Eglisəje gə njékaa dɔ néje lə Eglisəje ləm tɔ.

1 Njé gə́ Tesalonikə 5:14

Ŋgako̰ síje, jeḛ n’ra ndòo rɔ sí’g ɓəi: maji kar sí ndəjije deḛ gə́ d’aw kori-kori ləm, ulaje diŋgam meḛ deḛ gə́ meḛ dee təd mán ləm, gədje njémeembɔrèje ləma, ilaje meḛ sí po̰ dɔ dəwje’g lai ləm tɔ.

1 Timote 1:15

Ta neelé to ta gə́ gəd ya ləm, to ta gə́ kəm kar nana kara taa ɔm mée dɔ’g jəb-jəb ləm tɔ: Jeju Kristi ree naŋg nee mba kaji njékaiyaje, nɛ ma nja m’to gə́ doŋgɔr lə dee.

1 Timote 4:9

Ta neelé to kankəmta gə́ kəm taa kɔm məəi dɔ’g jəb-jəb ya.

2 Timote 2:11

Ta neelé to kankəmta ya: Ɓó lé j’wəi səa ndá j’a si kəmba səa na̰’d tɔ,

Titə 1:7

Mbata kisi gə́ dəw gə́ njegelgodo ɓa gə́ kuma̰ karee to ne njekaa dɔ kula lə Ala lé. Maji karee to njekəsta el ləm, əsé njera oŋg kalaŋ el ləm, əsé a to ɓər lə kido el ləm, əsé a ra né kərm-kərm el ləma, əsé a to njeko̰laolar el ləm tɔ.

Titə 3:8

Ta neelé to kankəmta ya. Ma m’ndigi kari ula dee taree rədədə ya mba kar deḛ gə́ d’ɔm meḛ dee dɔ Ala’g lé néraje gə́ maji ɓa d’a kwəi keneŋ ɗigi-ɗigi. Yee ɓa to né gə́ maji ləm, to gə́ gel né gə́ a la gə dəwje lai ləm tɔ.

Ǝbrəje 12:15

Undaje kəmkàr dɔ rɔ sí’g mba kar dəw kára kara mbuna sí’g lal kiŋga noji lə Ala el, mba kar ŋgira meekad uba meḛ sí’g jugugu-jugugu el tɔ, nà dəwje d’a kaw ne pum-pum kunda ne mar deeje bula rəw tuji’g.

1 Piɛrə 2:25

Kédé lé seḭ toje asəna gə badje gə́ d’aw kori-kori bèe, nɛ ɓasinè seḭ telje gə́ rɔ njekul sí’g ləm, gə rɔ njekaa dɔ sí’g ləm tɔ.

1 Piɛrə 4:15

Maji kar dəw kára kara mbuna sí’g si dan némeeko̰’g mbata to gə́ yeḛ to njetɔl dəw el ləm, əsé gə́ njeɓogo el ləm, əsé gə́ njera majel el ləma, əsé gə́ njekḭ bal kur dɔ né lə mareeje’g el ləm tɔ.

1 Piɛrə 5:2

Ulje badə-kosoje lə Ala gə́ yeḛ ɔm dee ji sí’g, ḭje gə meḛ sí raje to gə́ mee Ala wɔji lé ɓó arje dəw njaŋg sí keneŋ el, raje gə meenda ɓó raje gə meekas gə mba kiŋga ne né ji dəwje’g korè gə ji meeyèr el.