1 Timote 2:8 - Maktub gə́ To gə Kəmee

⁸ Yee ɓa, ma m’ndigi kar dəwje ra tamaji gə loo lai, ɓó gə d’odo ne ji dee gə́ àr ŋgad-ŋgad par gə́ dara, lal oŋg ləm, gə lal kɔl ləm tɔ.

1 Timote 2:8 ပူးပေါင်းရင်းမြစ်များ

1 Mbaije 3:11

Yen ŋga Ala ulá pana: To gə́ yee gə́ nee ɓa gə́ né gə́ i dəji mbata i dəji si kar kuri əw el ləm, i dəji nébaoje el ləma, i dəji mba kar njéba̰je ləi d’wəi el ləm tɔ nɛ i dəji gosonégər ɓa gə mba kɔr ne kəm ta gə́ gə dɔ najee ndá,

Maktub gə́ wɔji dɔ Jɔb 16:17

Lé bèe kara jim ra né gə́ kərm-kərm kára el ləm, Tamaji ləm kara àr ne ŋgad-ŋgad ya ta-ta ləm tɔ.

Pakɔsje 134:2

Odoje ji sí gə́ tar par gə́ loo gə́ ləa gə́ to gə kəmee doi’g lé Undaje ne no̰ dɔkaisəgərə lə Njesigənea̰.

Pakɔsje 141:2

Maji kar tamaji ləm tɔ nɔḭ’g Asəna gə né gə́ ə̰də sululu bèe ləm, Maji kar jim gə́ m’odo gə́ tar rəw lé To asəna gə nékar gə́ d’ari dɔ kàr’g bèe ya ləm tɔ.

Pakɔsje 24:4

Yeḛ gə́ jia àr ŋgad-ŋgad gə mée ndá londoŋ lé Yeḛ nja ɓa a kḭ kaw keneŋ, Yeḛ gə́ taŋgɔm tibi mbɔree el ləm, Yeḛ ubu rəa ər ne kəm loo el ləm tɔ.

Pakɔsje 26:6

M’togo jim m’riba ne dɔ ta gə́ wa dɔm el lé, Ndá əi Njesigənea̰, yee ɓa m’njaa m’gugu ne dɔ loo-nékinjaməs ləi lé!

Pakɔsje 28:2

Maji kari oo ndu ra ndòo ləm Loo gə́ m’no̰ m’ɓari ləm, Loo gə́ m’odo jim par gə́ kəi ləi gə́ to gə kəmee ləm tɔ.

Pakɔsje 35:13

Ma lé loo gə́ deḛ ɓa d’oso gə rɔko̰ ndá M’ula kubu-kwa-ndòo rɔm’g ləm, M’oso kul m’ɔg məəm ɓó ləma, M’ula dɔm naŋg mbur-mbur m’ra ne tamaji ləm tɔ.

Pakɔsje 63:4

Mbata meemaji ləi lé maji yaa̰ unda kisi gə́ m’isi ne kəmba lé, Tam ɓa ma m’pidii ne ya.

Pakɔsje 66:18

Ɓó lé m’lɔm dɔ néra gə́ kori-kori məəm’g ndá Mbaidɔmbaije a kam né gə́ m’dəjee lé el.

Gosota-Kəmkàrje 15:8

Nékinjaməs lə njemeeyèr lé To né gə́ mina̰ kəm Njesigənea̰’g, Nɛ tamaji lə njéra né danaje ɓa lelee.

Gosota-Kəmkàrje 21:27

Nékinjaməs lə njémeeyèrje to né gə́ mina̰, Nɛ ɓəd ɓəi ɓa see loo gə́ deḛ d’un d’ar Gə takə̰ji lə deḛ gə́ yèr lé ɓəi wa.

Esai 1:15

Loo gə́ seḭ odoje ji sí gə́ tar ndá Ma m’un kəm dɔ’g rəw, Loo gə́ tamajije lə sí d’ɔs goo na̰ goo na̰ kara Ma m’udu mbim dɔ’g tɔ, Məs wa ji sí mbəgə-mbəgə.

Matiyo 21:21

Jeju ila dee keneŋ pana: Ma m’ula sí təsərə, ɓó lé seḭ awje gə meekun gə́ seḭ maḭje gə rɔ sí dɔ’g el ndá né gə́ ra gə kodé neelé gə karee ba ɓa seḭ a raje el, nɛ ɓó lé mbal gə́ boo nee nja ɓa a kulaje pajena: Ɔr rɔi gə ŋgirai oso dan baa-boo’g nee kara né neelé a to togə́bè ya.

Matiyo 5:44

Nɛ ma nja m’ula sí, undaje njéba̰je lə sí dan kəm sí’g ləm, tɔrje ndu sí dɔ deḛ gə́ d’ɔr sə sí ləm, raje meemaji gə deḛ gə́ d’wa sí gə meḛ dee ləma, raje tamaji mbata lə deḛ gə́ d’ula kəm sí ndòo ləm tɔ.

Matiyo 6:12

Ar məəi ti mbidi dɔ meekɔsgel’g lə sí To gə́ jeḛ kara j’ar meḛ sí ti mbidi dɔ ka̰ dee-deḛ gə́ meḛ dee ɔs sə sí gel.

Lugu 23:34

Jeju pana: Bɔm, ar məəi oso lemsé dɔ dee’g mbata né gə́ deḛ ra lé deḛ gər rəbee el. Tɔɓəi deḛ kai na̰ kubuje ləa d’ɔs ne mbarè.

Lugu 24:50

Yeḛ ɔr no̰ dee njal kəmee gə́ Betani, tɔɓəi yeḛ odo jia gə́ tar tɔr ne ndia dɔ dee’g.

Tagə́maji gə́ Ja̰ ndang 4:21

Jeju ula dené lé pana: Dené, ɔm məəi dɔ ta’g ləm gə́ m’a gə kulai. Ndɔ gə́ a gə ree lé seḭ a kwaje Bɔ-dəwje meḛ sí dɔ mbal’g nee el ləm, əsé Jerusalem el ləm tɔ.

Néra Njékaḭkulaje 10:2

Dəw neelé tədkag Ala ləm, ɓəlee ləm tɔ, yeḛ gə njénojije ləa lai ya.

Néra Njékaḭkulaje 10:31

Kɔrnəi, tamaji gə́ ma m’ra lé taa né am ya ar mee Ala to dɔ nojikwam’g bururu.

Néra Njékaḭkulaje 10:4

Yeḛ aa kəm dəw gə́ dara neelé gəl-gəl ləm, ɓəl undá badə gaŋgee ləm tɔ aree tel pana: Mbaidɔmbaije ban ŋga nee wa. Kura lə Ala gə́ dara tel ilá keneŋ pana: Tamaji gə́ i ra ləm, gə nojikwa ləi ləm tɔ uru loo teḛ no̰ Ala’g, yee ɓa ar mée olé ne dɔi’g gə mbəa ya.

Néra Njékaḭkulaje 21:5

Nɛ Loo gə́ ndɔ sí aḭ siri mba̰ ndá j’ḭ j’ɔm na̰ rəbə gə mba kaw ndá deḛ lai gə denéje lə dee gə ŋgan deeje dan sí saar d’unda sí gir ɓee gə́ raga. Jeḛ j’ɔs kəji sí naŋg dɔ koŋgo, jeḛ n’ra tamaji lé na̰’d.

Néra Njékaḭkulaje 7:60

Tɔɓəi yeḛ ɔs kəjee naŋg pata gə ndia gə́ boi wəl pana: Mbaidɔmbaije, maji kari ila ta kaiya neelé dɔ dee’g el. Loo gə́ yeḛ pata togə́bè mba̰ ndá yeḛ təd sərəg ya.

1 Njé gə́ Kɔrḭtə 1:2

jeḛ ndaŋg maktub nee j’ar Eglisə lə Ala gə́ to Kɔrḭtə, deḛ gə́ Jeju Kristi ɔr dee unda dee gə kəmee mba kar dee to njémeendaje lé deḛ gə́ gə loo lai ɓar ri Mbaidɔmbaije lə sí Jeju Kristi, yeḛ gə́ to Mbaidɔmbaije lə dee ləm, gə ka̰ síjeḛ ləm tɔ lé keneŋ.

1 Njé gə́ Kɔrḭtə 7:7

Ma m’ndigi kar dəwje lai ra to gə́ ma bèe, nɛ nana kara iŋga nénoji gə́ goso dəa ya ji Ala’g lé. Nana kara iŋga yeḛ gə́ yo gə yeḛ gə́ nee tɔ.

2 Njé gə́ Kɔrḭtə 2:14

Maji ra Ala oiyo mbata mbɔl dɔ Kristi lé ɓa yeḛ ar sí n’dum ne loo ta-ta ləm, yeḛ ar sí j’unda ne baḭ gər ndiaa gə loo-loo ləm tɔ.

Njé gə́ Pilibə 1:12

Ŋgakɔmje, ma m’ndigi kar sí gərje gao, né gə́ teḛ dɔm’g lé un Tagə́maji unda gə́ kédé ɓó ɔg rəbee el.

1 Njé gə́ Tesalonikə 1:8

Tɔgərɔ ya, ta lə Mbaidɔmbaije lé ḭ rɔ sí’g oso ɓeeko̰ gə́ Masedoinə ləm gə Akai ləm gə karee el nɛ kɔm gə́ seḭ ɔmje meḛ sí dɔ Ala’g lé nea̰ oso gə loo mbidi-mbidi ar dəwje lai d’oo mba̰ ɓó loo to̰ tamee godo ŋga.

1 Timote 5:14

Bèe ndá njékəisiŋgaje gə́ nai ma̰də ɓəi lé ma m’ndigi kar dee taa ŋgaw koji ne ŋganje ləm, kar dee d’oo goo loo gə́ mee kəije’g lə dee ləm tɔ, mba kar njeba̰ lé oo ne loo kila ne ta dɔ sí’g el.

Titə 3:8

Ta neelé to kankəmta ya. Ma m’ndigi kari ula dee taree rədədə ya mba kar deḛ gə́ d’ɔm meḛ dee dɔ Ala’g lé néraje gə́ maji ɓa d’a kwəi keneŋ ɗigi-ɗigi. Yee ɓa to né gə́ maji ləm, to gə́ gel né gə́ a la gə dəwje lai ləm tɔ.

Ǝbrəje 10:22

ndá ar sí n’rəm pər gə́ rəa’g gə meḛ sí gə́ kára ba bərəŋ ləm, gə meekun gə́ doŋgɔ ləm, ar sí j’ar né gə́ yèr gə́ rara kara godo meḛ sí’g mba kar sí j’aar ne gə meekaar kərm el ləma, ar sí n’togo rɔ sí gə mán gə́ àr yal-yal ləm tɔ.

Maktub gə́ Jak ula ne ar ngan-Allaje 4:8

Rəmje pər gə́ rɔ Ala’g ndá yeḛ a rəm pər gə́ rɔ sí’g tɔ. Seḭ kaiya-dəwje, togoje ji sí, seḭ gə́ meḛ sí bəŋgərə sí lé ɔrje won kaiya meḛ sí’g tɔ.

1 Piɛrə 3:7

Seḭ diŋgamje kara maji kar sí sije gə denéje lə sí gə majee mbata seḭ gərje gao deḛ to denéje ba, siŋga dee as gə ka̰ sí el. Maji kar sí tədjekag dee mbata deḛ d’a kiŋga sə sí kəmə lé gə́ Ala wa ne sə sí noji, bèe ɓa oo deeje gə́ kankəm néje kəm sí’g mba kar né kára kara ɔg rəw tamaji lə sí el.