1 Timote 1:5 - Maktub gə́ To gə Kəmee

⁵ Gin ndukun ləm lé to mba kar nojimeenda ḭ dɔ maree’g gə goo takə̰ji gə́ maji gə́ ḭ meḛ dee’g ləm, gə goo meekun gə́ gəd ləm tɔ.

1 Timote 1:5 ပူးပေါင်းရင်းမြစ်များ

Pakɔsje 24:4

Yeḛ gə́ jia àr ŋgad-ŋgad gə mée ndá londoŋ lé Yeḛ nja ɓa a kḭ kaw keneŋ, Yeḛ gə́ taŋgɔm tibi mbɔree el ləm, Yeḛ ubu rəa ər ne kəm loo el ləm tɔ.

Pakɔsje 51:10

Maji kari ulam ta kalrɔ gə ta rɔlel Ndá siŋgarɔmje gə́ i guru lé d’a kɔs na̰’d.

Jeremi 4:14

Seḭ gə́ Jerusalem, maji kar sí togoje Némajel gə́ to dɔɓəŋgərə sí’g Ɓó gə ajije ne! See saar ndɔ gə́ ra ɓa seḭ a kundaje ŋgaŋ Ŋgəm takə̰jije gə́ majel meḛ sí’g wa.

Soponi 3:7

Ma m’pana: Ɓó lé seḭ ndigije ndá a ɓəlmje ɓa A taaje takwɔji-kəmkàr Ndá loo-si sí a tuji el ləm, Némajelje lai gə́ m’wɔji mba ra sə sí lé D’a teḛ dɔ sí’g el ləm tɔ. Nɛ dee d’ɔs rɔ dee ɓad Mba kar néra dee majel gə́ kédé-kédé.

Matiyo 12:35

Dəw gə́ maji gə́ si gə néje gə́ maji lé ndá a teg némajije ləa gə́ raga. Dəw gə́ njemeeyèr gə́ si gə néyèrje ləa ndá a teg néyèrje ləa gə́ raga tɔ.

Matiyo 5:8

Deḛ gə́ meḛ dee àr raŋg-raŋg lé rɔ dee lel dee, Mbata d’a koo Ala gə kəm dee nda̰-nda̰ ya.

Néra Njékaḭkulaje 15:9

Yeḛ ɔr kəm síjeḛ ɓəd el ləm, yeḛ ɔr kəm dee-deḛ ɓəd el ləm tɔ. Meekun lə dee ɓa yeḛ ɔr ne won kaiya meḛ dee’g.

Néra Njékaḭkulaje 23:1

Pool aa kəm njégaŋ-rəwtaje lə Jibje lé njal ɔr ndá yeḛ ula dee pana: Ŋgakɔmje gə́ dəwje, saar ɓogənè m’aw no̰ Ala’g gə meekwəitar el ya ɓəi.

Néra Njékaḭkulaje 24:16

Gelee gə́ nee ɓa m’ɔs ne rɔm ɓad gə mba kaar no̰ Ala’g gə no̰ dəwje’g gə meenda kɔr jol-jol.

Njé gə́ Rɔmə 10:4

Kristi ɓa gə́ rudu godndu mba kɔr ne ta dɔ deḛ gə́ d’ɔm meḛ dee dəa’g ya.

Njé gə́ Rɔmə 12:9

Maji kar meenoji lə sí to meenoji gə́ gəd ya. Undaje né gə́ majel ɓad gə́ raŋg nɛ rḛ́je dɔ néra gə́ maji’g rḛ́-rḛ́.

Njé gə́ Rɔmə 14:15

Nɛ ɓó lé nésɔi gə́ i usɔ lé i ar mee ŋgokɔḭ ea̰ ndá meenoji godo məəi’g. Mari gə́ Kristi wəi gə mbata ləa lé maji kar nésɔi tel to nétujee el.

Njé gə́ Rɔmə 9:1

Ma gə́ m’to ka̰ Kristi lé kankəmta ɓa m’ula sí ɓó gə́ taŋgɔm ɓa m’ula sí el. Ndilmeenda ɓa oso gelm’g am m’oo ne tapam gə́ ta gə́ tɔgərɔ ya.

1 Njé gə́ Kɔrḭtə 13:1

Ɓó lé m’pa tapa dəwje gə́ naŋg nee əsé njé gə́ dara nɛ meenoji godo məəm’g ndá ma m’to asəna gə ma̰də gə́ ɓar bərəŋ-bərəŋ əsé lar gə́ kas gə́ ɓar kèŋ-kèŋ tɔ.

2 Njé gə́ Kɔrḭtə 1:12

Mbata né gə́ jeḛ n’ti ne rɔ sí dɔ’g lé ɓa to nee: Jeḛ lé ta gə́ meḛ sí ula sí ɓa ar sí j’oo gao kaw gə́ jeḛ j’aw dɔ naŋg nee ləm, gə né gə́ jeḛ n’ra gə mbata lə sí ləm tɔ lé jeḛ n’ra gə meenda gə meemaji no̰ Ala’g ya: jeḛ n’ra gə goo noji lə Ala ya ɓó jeḛ n’ra gə goo kəmkàr gə́ ka̰ naŋg nee el.

Njé gə́ Galati 5:22

Nɛ kandə né gə́ ka̰ Ndil lé ɓa to nee ya: Meenoji ləm, gə rɔlel ləm, gə meekulɔm ləm, gə meekai sam-sam ləm, gə to gə́ dəw-noji ləm, gə meemaji ləm, gə to gə́ ŋgonkoji ləm, gə kaw yururu ləma, gə kunda-kəmkàr-dɔ-rɔ’g ləm tɔ lé

Njé gə́ Galati 5:6

Mbata deḛ gə́ d’ɔm gə Kristi na̰’d yəg lé kinja tamɔd əsé kinja tamɔd el kara to né el, nɛ meekun lé gə́ meenoji ɔs ginee ɓɔḭ-ɓɔḭ lé yee ɓa gə́ kankəm né ya.

Tel tura Godndu 10:12

Ɓasinè seḭ Israɛlje, see ɗi ɓa Ala lə sí gə́ Njesigənea̰ ndigi kiŋga rɔ sí’g wa. See to mba kar sí ɓəleeje ləm, gə kun kila-rəwje ləa lad-lad ləma, gə kṵdáje dan kəm sí’g raje né karje Ala lə sí gə́ Njesigənea̰ gə rɔ sí gə ŋgaw meḛ sí bura ləm tɔ el wa.

1 Timote 1:18

Ŋgonəm Timote, ta gə́ m’tɔgi ne neelé to gə́ goo ta gə́ deḛ tegginee d’wɔji ne dɔi kédé lé to mba kar ta nee to kag gədi kari to ne bao-rɔ gə́ gəd ya ləm,

1 Timote 1:19

kari aar dɔ meekun’g njaŋg gə goo takə̰ji gə́ maji gə́ to məəi’g ləm tɔ. Njé gə́ na̰je meḛ dee unda pudum dɔ takə̰ji gə́ maji’g neelé ar meekun lə dee ndii ne mán.

1 Timote 3:9

Maji kar dee d’wa goo ta meekun gə́ to loo-kiya’g gə mee kára ba bərəŋ tɔ.

2 Timote 1:3

Ala gə́ kamje-je ra kula d’aree ləm, ma kara m’ra kula gə meekara m’aree ləm tɔ lé m’rəa oiyo mbata məəm olé dɔi’g am m’ɓar rii ta-ta loo ra tamaji’g ləm, loondul’g ləm, gə dan kàrá ləm tɔ.

2 Timote 1:5

Meem to kəmba dɔ meekun’g ləi gə́ i wa məəi dɔ’g ɓiri to gə́ ka̰ kaije Loyis gə kɔinje Enisə lé tɔ. Ma m’gər gao meekun ləi aw gə ka̰ dee-deḛ na̰’d ya.

2 Timote 2:22

Sa rɔi rəw dɔ mal néje gə́ ra basaje ndá tel ndolè goo meekarabasur ləm, gə meekun ləm, gə meenoji ləma, gə meelɔm ləm tɔ, ɔm ne na̰’d gə deḛ gə́ ɓar ri Mbaidɔmbaije gə meenda kɔr jol-jol.

Titə 1:15

Deḛ gə́ d’àr lé d’oo néje gə́ d’àr gə́ looje lai. Deḛ gə́ mina̰ lé d’ɔs kankəmta rəw tɔ ndá néje gə́ mina̰ ɓa d’oo gə́ looje lai tɔ. Kəmkàr lə dee ləm, gə ta gə́ meḛ dee’g ləm tɔ lé mina̰ ya.

Ǝbrəje 10:22

ndá ar sí n’rəm pər gə́ rəa’g gə meḛ sí gə́ kára ba bərəŋ ləm, gə meekun gə́ doŋgɔ ləm, ar sí j’ar né gə́ yèr gə́ rara kara godo meḛ sí’g mba kar sí j’aar ne gə meekaar kərm el ləma, ar sí n’togo rɔ sí gə mán gə́ àr yal-yal ləm tɔ.

Ǝbrəje 13:18

Raje tamaji mbata lə sí, ta gə́ meḛ sí lé ar meḛ sí oso naŋg po̰, mbata jeḛ ndiŋga rɔ sí mba ra néje lai gə goo rəbee.

Ǝbrəje 9:14

nɛ ɓəd ɓa see Kristi gə́ rəa ila ɓal el nɛ yeḛ nja ḭ gə mée ya̰ rəa ar Ala gə goo rəw gə́ Ndil gə́ Njesigənea̰ tɔjee lé see məsee a kɔr won néra sí gə́ gə mḭdé meḛ sí’g mba kar sí waje Ala gə́ njesikəmba lé meḛ sí’g el wa.

Maktub gə́ Jak ula ne ar ngan-Allaje 4:8

Rəmje pər gə́ rɔ Ala’g ndá yeḛ a rəm pər gə́ rɔ sí’g tɔ. Seḭ kaiya-dəwje, togoje ji sí, seḭ gə́ meḛ sí bəŋgərə sí lé ɔrje won kaiya meḛ sí’g tɔ.

1 Piɛrə 1:22

Togə́bè ɓa, seḭ gə́ ilaje koji dɔ kankəmta’g lé rɔ sí àr ne raŋg-raŋg, bèe ndá maji kar sí undaje na̰ dan kəm na̰’d ndigije na̰ gə meekɔr jol-jol.

1 Piɛrə 3:16

Raje néje lai gə́ a kar meḛ sí oso naŋg lemsé gə́ majee dɔ rɔ sí’g mba kar deḛ gə́ səg sí, taji sí dɔ néra gə́ maji gə́ seḭ raje gin Kristi’g lé rɔ dee a kul ne.

1 Piɛrə 3:21

Man neelé wɔji dɔ batɛm gə́ seḭ ajije ne ɓasinè. Batɛm neelé ɔr né gə́ mina̰ rɔ sí’g el nɛ to né gə́ ar meḛ sí oso naŋg lemsé gə́ majee dɔ rɔ sí’g no̰ Ala’g, gə goo teḛ gə́ Jeju Kristi unda loo teḛ dan njé gə́ d’wəi’g lé.

1 Piɛrə 4:8

Ta gə́ ur dɔ taje lai lé: Undaje na̰ dan kəm na̰’d gə meenda londoŋ mbata meenoji lé ɔn dɔ kaiyaje bula.

2 Piɛrə 1:7

mba kar kunda na̰ dan kəm na̰’d orè goo néra gə́ aw gə goo ka̰ Ala ləma, mba kar meenoji orè goo kunda na̰ dan kəm na̰’d ləm tɔ.

1 Ja̰ 3:10

Yee neelé ɓa d’a gər ne ŋgan-Alaje gə ka̰ njekurai lé tɔ. Nana ɓa gə́ ra né gə́ lal najee ndá yeḛ to gə́ ka̰ Ala el, yeḛ gə́ lal kunda ŋgokea̰ dan kəmee’g ndá kara yeḛ to gə́ ka̰ Ala el tɔ.

1 Ja̰ 3:23

Godndia gə́ yeḛ un ar sí ɓa nee: To mba kar sí j’ɔm meḛ sí dɔ ri Ŋgonee Jeju Kristi’g ləm, kar sí j’unda na̰ dan kəm na̰’d gə goo godndu gə́ yeḛ un ar sí lé ləm tɔ.

1 Ja̰ 3:3

Nana ɓa gə́ mée to yel gə́ dɔ ta’g neelé ndá a kɔr won kaiya mée’g kar mée àr ne ŋgad-ŋgad to gə́ yeḛ bèe tɔ.