1 Timote 1:4 - Maktub gə́ To gə Kəmee

⁴ mba kar dee reḛ́ dɔ suta’g gə mḭdé ba əsé dɔ ri ka dəwje gə́ gin dee tɔ dèm-dèm el ləm tɔ, mbata taje neelé ar tamaḭ oso mbuna dee’g ɓó ar kula lə Ala gə́ wɔji dɔ meekun lé ra tɔg gə́ kédé-kédé el.

1 Timote 1:4 ပူးပေါင်းရင်းမြစ်များ

2 Njé gə́ Kɔrḭtə 1:12

Mbata né gə́ jeḛ n’ti ne rɔ sí dɔ’g lé ɓa to nee: Jeḛ lé ta gə́ meḛ sí ula sí ɓa ar sí j’oo gao kaw gə́ jeḛ j’aw dɔ naŋg nee ləm, gə né gə́ jeḛ n’ra gə mbata lə sí ləm tɔ lé jeḛ n’ra gə meenda gə meemaji no̰ Ala’g ya: jeḛ n’ra gə goo noji lə Ala ya ɓó jeḛ n’ra gə goo kəmkàr gə́ ka̰ naŋg nee el.

Njé gə́ Epesə 3:2

Ma m’gər gao, seḭ ooje to gə́ Ala ɔm ta noji ləa jim’g mbata lə sí lé. Yee ɓa yeḛ ɔrm ne gə mbəa.

1 Timote 3:16

Rəw kwa Ala mée’g gə́ gəd lé to ndərta gə́ dumkoo ɓó loo-maḭyee godo. Yeḛ neelé darəa to raga ndəgəsə ləm, Ndil ɓa ɔr gelee ləm, Kuraje gə́ dara d’ée ləm, Deḛ d’ɔr goo ta ləa d’ar njépole-magəje ləm, Nje gə́ dɔ naŋg nee d’ɔm meḛ dee dəa’g ləm d’unee d’unda loo ronduba’g ləa ləm tɔ.

1 Timote 4:7

Sutaje gə́ gə mḭdé ba gə́ ko̰ denéje pa lé unda ɓad.

1 Timote 6:11

I dəw lə Ala lé sa rɔi dɔ mal néje neelé gə́ ra dee ya nɛ ndolè goo meekarabasur ləm, gə rəw kwa Ala məəi’g gə goo rəbee ləm, gə meekun ləm, gə meenoji ləm, gə meekila ləma, gə kaw yururu ləm tɔ.

1 Timote 6:20

Yen Timote, tɔs kəmi dɔ nébao gə́ d’ɔm jii’g lé, ta gə́ gə mḭdé ba ləm, gə ta gə́ aw gə goo ka̰ Ala lé el lé sa rɔi keneŋ.

2 Timote 2:14

Maji kolé meḛ dee dɔ taje’g neelé, tɔg dee ne no̰ Ala’g mba kar dee d’əw rɔ dee maḭ na̰ ta dɔ tapa dee’g, mbata maḭta gə́ togə́bè to gə́ né el nɛ yee tuji dee gə́ d’oo taree gə mbi dee.

2 Timote 2:22

Sa rɔi rəw dɔ mal néje gə́ ra basaje ndá tel ndolè goo meekarabasur ləm, gə meekun ləm, gə meenoji ləma, gə meelɔm ləm tɔ, ɔm ne na̰’d gə deḛ gə́ ɓar ri Mbaidɔmbaije gə meenda kɔr jol-jol.

2 Timote 2:23

Ta dəji mbə gə́ gə mḭdé ba lé ɔs rəw gə́ raŋg mbata i gər gao ta dəji gə́ togə́bè ɓa oji kɔl ya.

2 Timote 4:4

D’a kun mbi dee rəw dɔ kankəmta’g, nɛ d’a kur mbi dee njor gə́ dɔ sutaje’g.

Titə 1:1

Ma Pool, kura lə Ala ləm, gə njekaḭkula lə Jeju Kristi ləm tɔ gə mba kar meekun lə dee gə́ Ala ɔr dee ra ne tɔg ləm, mba kar dee gər kankəmta gə goo rəw tədkag Ala lé ləm tɔ.

Titə 1:14

mba kar dee nai dɔ sutaje’g lə Jibje əsé dɔ torndu dəwje gə́ d’uba kankəmta d’ya̰ lé el ləm tɔ.

Titə 3:9

Nɛ ta dəji mbə gə́ dəji ləm, gə ta gə́ wɔji dɔ ginka dəwje ləm, gə takɔl ləma, gə tamaḭ gə́ wɔji dɔ godndu lé ləm tɔ, ɔs dee rəw, mbata dee to gə́ taje gə́ to gə́ né el ləm, to gə mḭdé ba ləm tɔ.

Ǝbrəje 13:9

Arje taje ɓəd-ɓəd gə́ d’ḭ ne raŋg lé wa meḛ sí el, maji kar noji lə Ala lé ɓa wa meḛ sí ɓiri ɓó nésɔje gə́ d’ɔr kəm dee gə mḭdé ba el.

2 Piɛrə 1:16

Tɔgərɔ ya, boo-rɔnduba lə Mbaidɔmbaije lə sí Jeju Kristi gə́ jeḛ j’oo gə kəm sí lé yee ɓa jeḛ j’ɔr ne ginta siŋgamoŋ ləa ləm, gə ndɔ tel ree ləa ləm tɔ j’ar sí ɓó to sutaje gə́ gə mḭdé ɓa jeḛ j’ɔr j’ula sí el.