1 Timote 1:20 - Maktub gə́ To gə Kəmee

²⁰ Imene gə Aleja̰drə gə́ to mbuna dee’g lé ma m’ɔm dee ji Njekurai’g gə mba kar dee ndoo ne loo kila ndɔl el ŋga.

1 Timote 1:20 ပူးပေါင်းရင်းမြစ်များ

Matiyo 18:17

Ɓó lé yeḛ mbad koo ta lə dee ndá maji kari aw ula églisə taree. Ɓó lé yeḛ mbad koo ta lə églisə tɔɓəi ndá maji kar dee d’ée gə́ njetar-Ala ləm, gə njetaa lar-gədɓee ba ləm tɔ.

Néra Njékaḭkulaje 13:45

Loo gə́ Jibje d’oo boo-dəwje neelé ndá kəmkəḭ rusu meḛ dee njḭ-njḭ ar dee d’oma̰ gə Pool gə tamaḭ ləm, gə tajikil ləm tɔ.

Néra Njékaḭkulaje 19:33

Yen ŋga deḛ d’ɔr Aleja̰drə mbuna boo-dəwje’g neelé, yeḛ to dəw gə́ Jibje ya d’ɔsee ɓɔḭ-ɓɔḭ gə́ kédé. Aleja̰drə lé yə jia ta dee’g ar dee d’oo to gə́ yeḛ ndigi kula koso-dəwje neelé ta.

1 Njé gə́ Kɔrḭtə 11:32

Loo gə́ Mbaidɔmbaije gaŋgta dɔ sí’g ndá yeḛ ra gə mba kula sí ne kəmkàr ɓó mba kar tuji gə́ wa dɔ naŋg neelé wa dɔ sí el.

2 Njé gə́ Kɔrḭtə 10:6

Jeḛ j’aar dɔ gɔl sí’g kəgəgə mba kar bo̰ kalta lə sí gə́ rara kara ɔs ta sí’g bɔsɔrɔ loo gə́ dɔ ŋgonkoji lə sí ɔr ne njal lé.

2 Njé gə́ Kɔrḭtə 13:10

Gelee gə́ nee ɓa, ma gə́ m’godo mbuna sí’g ɓasinè lé ma m’ndaŋg maktub nee m’ar sí mba kar loo gə́ m’a teḛ mbuna sí’g ndá m’a koo loo mba ra sə sí kədərə el, ndukun gə́ Mbaidɔmbaije un am lé to gə mba rɔd sí ne ɓó gə mba tuji sí ne el.

2 Njé gə́ Tesalonikə 3:15

Ndəjeeje to gə́ ŋgoko̰ sí bèe ɓó éeje gə́ njeba̰ lə sí el.

1 Timote 5:15

Mbata njé gə́ na̰je d’ɔs ne badm tel taa ne goo Njekurai mba̰ tɔ.

2 Timote 2:14

Maji kolé meḛ dee dɔ taje’g neelé, tɔg dee ne no̰ Ala’g mba kar dee d’əw rɔ dee maḭ na̰ ta dɔ tapa dee’g, mbata maḭta gə́ togə́bè to gə́ né el nɛ yee tuji dee gə́ d’oo taree gə mbi dee.

2 Timote 2:17

ta lə dee lé a yɔlé gə́ kédé-kédé asəna gə bairaŋ-boo ləm tɔ. Yee ɓa gə́ néra Imene gə Pilɛtə.

2 Timote 3:2

Mbata dəwje d’a to kəmkəjimje’g ləm, gə ɓərje lə lar ləm, gə njébeeleje ləm, gə njéti rɔ deeje ləma, gə njékilandɔl dɔ loo’gje ləm, gə njékɔs ta lə njékoji deeje rəw ləm, gə njénərnéje ləma, gə njékila ndɔl dɔ néje gə́ to gə kəmee ləm tɔ.

Ǝbrəje 12:5

Seḭ arje meḛ sí wəi dɔ ta gə́ deḛ ndəji sí bər-bər to gə́ ŋgankojije bèe pana: Ŋgonəm, loo gə́ Mbaidɔmbaije ulai kəmkàr dɔ nérai’g ndá ula ne sul dəa’g el ləm, Loo gə́ yeḛ ndəjii bər-bər ndá ar məəi ila kas bilim el ləm tɔ.

Loo gə́ killa rea kəm Ja̰’g 13:1

Tɔɓəi ma m’oo da gə́ gajeeje dɔg ləm, dəaje siri ləm tɔ lé ḭ dan baa-boo-kad’g. Dɔgugu kára-kára dɔg to dɔ gajeeje’g neelé ləm, deḛ ndaŋg ri ndɔl dəaje’g kára-kára siri ləm tɔ.

Loo gə́ killa rea kəm Ja̰’g 3:19

Ma lé dəwje gə́ m’unda dee dan kəm’g ndá m’wɔji dee kəmkàr ləm tɔ. Bèe ndá ḭ gə rɔi rad, wa ndòo rɔi dɔ kaiya’g ləi.