1 Timote 1:12 - Maktub gə́ To gə Kəmee

¹² Jeju Kristi, Mbaidɔmbaije lə sí gə́ am siŋgam lé m’rəa oiyo mbata yeḛ oom gə́ majikoji ɓa undam gə́ njekula ləa.

1 Timote 1:12 ပူးပေါင်းရင်းမြစ်များ

Matiyo 20:4

Yeḛ ula dee pana: Seḭje kara ɔd awje loo-ndɔ-nduú’g ləm ndá m’a kuga sí gə né gə́ kəm kuga sí ne gə goo rəbee ya.

Tagə́maji gə́ Ja̰ ndang 5:23

mba kar dəwje lai d’ila riɓar dɔ Ŋgon’g to gə́ deḛ d’ila dɔ Bɔbeeje’g bèe lé ya tɔ. Dəw gə́ rara ɓa gə́ ila riɓar dɔ Ŋgon’g neelé el ndá yeḛ ila riɓar dɔ Bɔbeeje gə́ njekulá’g el tɔ.

Néra Njékaḭkulaje 16:15

Loo gə́ yeḛ gə njénojije ləa ra batɛm mba̰ ndá yeḛ un ta nee dəji sí pana: Ɓó lé seḭ oomje gə́ dəw gə́ ila koji dɔ Mbaidɔmbaije’g lé ndá maji kar sí reeje kəi ləm gə mba sí keneŋ. Yeḛ oma̰ sə sí gə no̰, ar sí j’aw səa.

Néra Njékaḭkulaje 9:15

Nɛ Mbaidɔmbaije ilá keneŋ pana: Maji kari ɔd aw ya mbata ma nja m’ɔree kəm’g gə mba karee un rim as ne loo no̰ ginkoji dəwje gə raŋg’g ləm, gə no̰ mbaije’g ləma, gə no̰ Israɛlje’g ləm tɔ.

Néra Njékaḭkulaje 9:22

Nɛ siŋga Sool ḭ dɔ maree’g gə́ kédé-kédé ar ta kɔr ləa gə́ ɔr ar dee d’oo to gə́ Jeju to Kristi lé dum dɔ Jibje gə́ d’isi Damas’g lé təs.

1 Njé gə́ Kɔrḭtə 15:10

Nɛ noji lə Ala ɓa m’to ne dəw gə́ togə́bè, noji gə́ yeḛ wa səm lé tel to né gə́ gə mḭdé rɔm’g el. Ta gə́ kɔl ɓa nee: Ma m’ra kula m’unda deḛ lai ya, nɛ noji lə Ala gə́ to məəm’g ɓó to ma ɓa gə dɔrɔm el.

1 Njé gə́ Kɔrḭtə 3:5

See Apolɔs ɓa gə́ na̰ ɓəi wa. Esé see Pool ɓa gə́ na̰ ɓəi wa. Deḛ joo bɔr to kuraje lə Mbaidɔmbaije gə goo rəw gə́ yeḛ nja ɔr dee ne. Mbɔl dɔ dee-deḛ nja ɓa seḭ ɔmje ne meḛ sí dəa’g.

1 Njé gə́ Kɔrḭtə 7:25

Deḛ gə́ d’aw boa lé diŋgam əsé dené kara m’oo ndu Mbaidɔmbaije gə́ teḛ wɔji dɔ dee el. Ta gə́ m’a gə kula sí lé kəm taa ya mbata gə goo takə̰ji lə dəw lé meekɔrjol lə Mbaidɔmbaije ɓa m’iŋga gə goo ŋgonkoji ləm ya.

2 Njé gə́ Kɔrḭtə 4:1

Gelee gə́ neelé ɓa, jeḛ gə́ Ala ɔm kula neelé ji sí’g gə goo meekɔrjol ləa lé meḛ sí ila ne kas el.

Njé gə́ Galati 3:26

Mbata meekun gə́ seḭ unje arje Jeju Kristi lé ɓa seḭ lai toje ne ŋgan-Alaje ya.

Njé gə́ Galati 3:28

Bèe ndá Jib əsé Grek godo ləm, ɓər əsé ŋgonkoji godo ləma, diŋgam əsé dené kara godo ləm tɔ, mbata seḭ lai seḭ toje gə́ na̰’d kára ba kiao gin Kristi’g ya.

Njé gə́ Pilibə 2:11

Ta dəw gə́ rara kara a teḛ ɓar ne ri Jeju Kristi Mbaidɔmbaije mba kula ne rɔnduba dɔ Ala Bɔ-dəwje’g lé tɔ.

Njé gə́ Pilibə 4:13

Mbɔl dɔ yeḛ gə́ orəm més lé lé riri kara m’askəm ra ya.

Njé gə́ Kolosə 1:25

Ma m’tel m’to kura lə Eglisə neelé gə goo kɔm gə́ Ala nja ɔm kula neelé jim’g gə mba kam m’ɔr ne ta lə Ala ndəgəsə gə́ raga m’ar sí.

1 Timote 1:1

Ma Pool, njekaḭkula lə Jeju Kristi gə goo torndu Ala Mbaikaji lə sí ləm, gə torndu Jeju Kristi, yeḛ gə́ j’unda meḛ sí yel gə́ dəa’g ləm tɔ lé

1 Timote 1:11

Ta neelé aw na̰’d gə Tagə́maji lə Ala gə́ njḛgɔ-ronduba gə njemeemaji ləm, yee ɓa to Tagə́maji gə́ yeḛ ɔm jim’g mba karm m’ndoo dəwje ləm tɔ.

1 Timote 1:2

m’ndaŋg maktub nee m’ar Timote, ŋgonəm gə́ gəd-gəd gin meekun’g. Maji kar noji, gə meekɔrjol, gə meelɔm gə́ ḭ rɔ Ala Bɔ síje’g ləm, gə rɔ Jeju Kristi Mbaidɔmbaije’g lə sí ləm tɔ lé nai səi.

1 Timote 6:13

Ma m’ndəjii kəm Ala gə́ njekula kəmə mee nékundaje’g ləa lai ləm, gə kəm Jeju Kristi gə́ tapea inja paw no̰ Po̰sə Pilatə’g lé ləm tɔ

2 Timote 2:2

Né gə́ oo tam’g no̰ dəwje gə́ njékootaje bula lé ndá ɔm taree ta diŋgamje gə́ to majikojije gə́ d’askəm ndoo mar deeje togə́bè tɔ.

2 Timote 4:17

Mbaidɔmbaije nja la səm ləm, yeḛ to dərgelm ləm tɔ mba kar tagə́maji lé ɓar ne mḭ tam’g ləm, mba kar njépole-magəje lai d’oo taree ləm tɔ. Yeḛ am m’wa dɔm ta toboḭ’g m’bɔr.

Titə 1:4

Ma m’ndaŋg maktub nee m’ari-i Titə, ŋgonəm gə́ gəd-gəd gin meekun’g gə́ to né gin sí lé. Maji kar noji gə meelɔm gə́ ḭ rɔ Ala Bɔ síje ləm, gə rɔ Jeju Kristi njekaji sí ləm tɔ lé nai səi.

Piləmɔ̰ 1:9

nɛ ma Pool gə́ m’to ɓuga dəw ləm, saar ɓogənè kara m’isi daŋgai’g mbata lə Jeju Kristi ləm tɔ lé ma m’ra ne ndòo rɔi’g gə goo meenoji ɓa.