1 Samel 9:6 - Maktub gə́ To gə Kəmee

⁶ Kura lé tel ulá pana: Aa oo, dəw lə Ala kára si mee ɓee-boo’g nee. Yeḛ to dəw gə́ dəwje lai d’ila riɓar dəa’g. Ta néje lai gə́ yeḛ pa ndá néeje lé aw lée’g béréré-béréré ya. Ar sí j’awje keneŋ j’oo. Banelə yeḛ a tɔji sí rəw gə́ kəm kar sí j’unje ya.

1 Samel 9:6 ပူးပေါင်းရင်းမြစ်များ

Gḭ-Néje 24:42

Ɓogənè ma m’teḛ kəm-rəw-mán’g ndá ma m’pana: Njesigənea̰, Ala lə ɓémje gə́ Abrakam, ɓó lé i ndigi kar mbá ləm gə́ m’aw lé wam maji ndá

2 Samel 15:27

Mbai ula Sadɔk gə́ to njekinjanéməs lé tɔɓəi pana: See i oo ya wa. Maji kari tel gə meelɔm mee ɓee’g ar ŋgoni Ahimaas gə Jonatan, ŋgolə Abiatar ŋgan síje gə́ joo lé d’aw sə sí na̰’d.

1 Mbaije 13:1

Aa ooje, dəw lə Ala kára ḭ Juda ree Betel gə goo ndukun lə Njesigənea̰, loo gə́ Jeroboam tuga loo aw dɔ loo-nékinjaməs’g gə mba roo né gə́ ə̰də sululu keneŋ lé.

2 Mbaije 5:8

Loo gə́ Elije gə́ to dəw lə Ala oo to gə́ mbai gə́ Israɛl til kubuje rəa’g hao̰-hao̰ ndá yeḛ ula kula rɔ mbai’g lé dəjee pana: See gə mba ɗi ɓa i til kubuje rɔi’g wa. Yá̰ aree ree rɔm’g ndá yeḛ a koo to gə́ njetegginta kára si ɓee’g lə Israɛlje ya.

2 Mbaije 6:6

Dəw lə Ala pana: See oso ra wa. Ndá yeḛ ulá lé tɔ. Togə́bè ɓa Elije tuga ŋgəw kag unda ila lée’g neelé ndá kandə tina lé ḭ gel mán’g teḛ nun dɔ mán’g.

Pakɔsje 25:12

See dəw gə́ ra ɓa ɓəl Njesigənea̰ wa. Njesigənea̰ a tɔjee rəw gə́ kəm karee njaa keneŋ.

Esai 44:26

Ta gə́ kura ləm pa lé m’aree to njaŋg, Deḛ gə́ m’ula dee lé M’ar ta gə́ deḛ pa lé aw lée’g béréré, Ma m’pata m’wɔji dɔ Jerusalem m’pana: Dəwje d’a tel si keneŋ ɓəi ləm, M’pata wɔji dɔ ɓee-booje gə́ Juda m’pana: D’a tel gɔl dee gogo ləma, Dɔ nduba lə dee lé M’a kar dee tel d’unda gogo ləm tɔ.

Matiyo 24:35

Dara gə naŋg nee d’a dəs wuduru gə lèlé ba nɛ ta ləm a kudu nda̰ bèe el.

Tel tura Godndu 33:1

Aa ooje, ndutɔr gə́ Moyis, dəw lə Ala tɔr dɔ Israɛlje’g kédé ɓa wəi ɓəi lé ɓa nee:

1 Njé gə́ Tesalonikə 2:10

Seḭ toje njékoogineje ləm, Ala kara oo ləm tɔ. Néra gə́ jeḛ n’ra sə sí-seḭ njémeekunje lé to né gə́ àr ləm, to né gə́ to gə dɔ najee ləma, to néra njemeekarabasur ləm tɔ.

1 Njé gə́ Tesalonikə 5:13

Unda deeje dan kəm sí’g dana ɗəŋgərə mbata kula ra dee lé. Ɔmje na̰’d sad ya.

1 Timote 6:11

I dəw lə Ala lé sa rɔi dɔ mal néje neelé gə́ ra dee ya nɛ ndolè goo meekarabasur ləm, gə rəw kwa Ala məəi’g gə goo rəbee ləm, gə meekun ləm, gə meenoji ləm, gə meekila ləma, gə kaw yururu ləm tɔ.

1 Samel 2:27

Dəw lə Ala kára ree rɔ Eli’g ulá pana: Njesigənea̰ pa togə́bè pana: See to ma nja ɓa m’riba dɔ rɔm pərəg m’ar kaije-je loo gə́ d’isi ne Ejiptə mee ɓee gə́ lə Parao̰ lé el wa.

1 Samel 9:8

Kura lé tel un ta ula Sawul pana: Aa oo, ŋgon larnda kára nai jim’g nee. M’a kun kar dəw lə Ala ndá yeḛ a tɔji sí ne rəw gə́ j’a kun ya.