1 Samel 9:11 - Maktub gə́ To gə Kəmee

¹¹ Loo gə́ d’isi d’aw gə́ mee ɓee-boo’g lé ndá deḛ d’iŋga ŋgama̰dje gə́ teḛ d’aw mba to mán ndá deḛ dəji dee pana: See njenékoo si nee wa.

1 Samel 9:11 ပူးပေါင်းရင်းမြစ်များ

Gḭ-Néje 24:11

Yeḛ ar jambalje lé d’ɔs kəji dee naŋg d’wa rɔ dee mbɔr bwa-mán gə́ to gir ɓee-boo’g lé. To kàrkemetag, kàr gə́ denéje teḛ d’aw gə mba to mán.

Gḭ-Néje 24:15

Loo gə́ ta nai gə́ təa’g ya ɓəi ndá Rebeka, yeḛ gə́ d’ojee gə Betuel gə́ to ŋgolə Milka, dené lə Naɔr gə́ to ŋgoko̰ Abrakam lé ree gə kulum mán dɔ tamee’g.

Gḭ-Néje 29:8

Deḛ d’ilá keneŋ pana: Jeḛ j’askəm ra bèe el saar loo gə́ badə-kosoje lai d’a tɔs dɔ na̰ ndo̰-ndo̰ ɓa. Yee ɓa d’a nduburu biri mbal ta bwa-mán’g kya̰ loo kar badje d’ai mán ɓəi.

Gḭ-Néje 29:9

Loo gə́ yeḛ si wɔji sə dee ta bèe-bèe ɓəi ndá Rasel teḛ gə badə-kosoje lə bɔbeeje wai mbata yeḛ to njekul dee ya.

Teḛ-Raga 2:16

Njekinjanéməs gə́ Madian lé ŋganeeje gə́ dené deḛ siri. Deḛ ree mba to mán tɔɓəi d’ɔm mán mee godə bwa’g d’aree rusu mba kar nékulje lə bɔ deeje d’ai.

Gosota-Kəmkàrje 24:15

Maji kum loo gə meeyèr loo-si njemeekarabasur’g el ləm, Tuji loo-siée gə́ yeḛ wa rəa keneŋ el ləm tɔ.

Njéga̰g-Rəwtaje 5:11

Maji kar njéɓandaŋje gə́ d’aar mbuna godə bwa-kai-manje’g lə nékulje lé D’ar ndu dee ɓar d’unda ne no̰ némeemajije lə Njesigənea̰ Gə némeemajije lə njekɔrno̰ Israɛlje ya. Togə́bè ɓa koso-dəwje lə Njesigənea̰ rəm ree tarəwkɔgje’g.

1 Samel 9:10

Sawul ula kura ləa pana: Ta ləi to lée’g ya, ar sí j’awje! Bèe ɓa deḛ d’aw mee ɓee-boo’g loo gə́ dəw lə Ala si keneŋ lé.