1 Samel 9:1 - Maktub gə́ To gə Kəmee

¹ Dəw kára gə́ ria lə Kis gə́ to ŋgolə Abiel, gə́ to ŋgolə Seror, gə́ to ŋgolə Bekɔrat, gə́ to ŋgolə Apak, gə́ to ŋgolə dəw gə́ ginkoji’g lə Bḛjami lé si ɓee lə Bḛjamije. Yeḛ to dəw gə́ siŋgá to kɔgərɔ-kɔgərɔ ləm, yeḛ to dəw gə́ boo ləm tɔ.

1 Samel 9:1 ပူးပေါင်းရင်းမြစ်များ

2 Samel 19:32

Barjilai, dəw gə́ Galaad ḭ Rogelim ɓa gaŋg baa gə́ Jurdɛ̰ gə mbai na̰’d gə mba danee saar gə́ gir baa gə́ Jurdɛ̰’g.

Este 2:5

Mee ɓee gə́ Susə gə́ to ɓee-boo neelé Jip kára ria lə Mardose gə́ to ŋgolə Jayir, gə́ to ŋgolə Simei, gə́ to ŋgolə Kis, dəw gə́ to gə́ ginkoji’g lə Bḛjami si keneŋ.

Maktub gə́ wɔji dɔ Jɔb 1:3

Badje ləa d’as tɔl-dɔg-loo-siri (7.000) ləm, jambalje ləa d’as tɔl-dɔg-loo-munda (3.000) ləm, maŋgje ləa gə́ d’wa dee na̰’d joo-joo d’as loo tɔl-mi (500) ləm, ko̰-mulayḛ̀je-je ləa d’as tɔl-mi (500) ləma, kuraje ləa bula digi-digi ləm tɔ. Dəw neelé ria ɓar ur dɔ dəwje lai gə́ d’isi Bər.

Néra Njékaḭkulaje 13:21

Yen ŋga deḛ dəji mbai lə dee. Ndá Ala ar dee Sawul, ŋgolə Kis, gə́ to gə́ ginkoji Bḛjami’g lé aree o̰ dee ləbee rɔ-sɔ.

1 Samel 10:23

Deḛ d’aḭ d’aw d’ɔree keneŋ ndá yeḛ ree aar dan koso-dəwje’g. Yeḛ ŋgal ar dəa unda deḛ lai.

1 Samel 14:51

Kis gə́ to bɔ Sawulje, gə Ner gə́ to bɔ Abnerje lé deḛ to ŋgalə Abiel ya.

1 Samel 25:2

Dəw kára bèe gə́ to bao si Maon, ar némajije ləa to Karmel tɔ. Yeḛ neelé badje ləa d’aḭ tɔl-dɔg-loo-munda (3.000) ləm, ko̰ bya̰je ləa tɔl-dɔg (1.000) ləm tɔ. Yeḛ aw si Karmel mba tḭja bḭ badje ləa.