1 Samel 8:9 - Maktub gə́ To gə Kəmee

⁹ Maji kari oo ta lə dee ya nɛ ndəji ɓa ndəji dee kɔr ləm, ar dee gər né gə́ wɔji dɔ mbai gə́ a gə ko̰ dɔ dee lé ləm tɔ.

1 Samel 8:9 ပူးပေါင်းရင်းမြစ်များ

Jeremi 11:7

Mbata neḛ ndəji bɔ síje-je bər-bər, un kudee mee ndəa gə́ n’ar dee d’unda ne loo mee ɓee gə́ Ejiptə teḛ saar teḛ ɓogənè. Teḛ gə ndɔ gə ndɔje kára-kára lai lé neḛ ndəji pana: Maji kar dee d’oo ndu neḛ.

Ejekel 3:18

Loo gə́ n’a kula njemeeyèr pana: Yeḛ a kwəi! Ɓó lé m’a kulá taree el ləm, ɓó lé m’pata mba kar njemeeyèr lé uba goo rəw néra meeyèr ləa ya̰ mba kaji ne el ləm tɔ ndá njemeeyèr neelé a kwəi dan néra kori-korije’g ləa ya nɛ ta məsee a kwa dɔm kar neḛ n’dəjim gée ya.

Ejekel 46:18

Mbai gə́ njeɓee a taa nénduba lə koso-dəwje kára kara el ləm, néje gə́ to né ka̰ dee lé yeḛ a buguru dee dɔ’g el ləm tɔ, nénduba gə́ yeḛ a kai ŋganeeje lé a kḭ ne mbuna néje gə́ to kea̰ ya ɓó a kɔs dəw kára kara mbuna koso-dəwje’g lə neḛ rəw dɔ né gə́ to né kea̰’g lé el.

1 Samel 10:25

Samel ar koso-dəwje gər né gə́ wɔji dɔ ɓeeko̰ ndá yeḛ ndaŋg taree mee maktub’g ila no̰ Njesigənea̰’g. Tɔɓəi yeḛ ya̰ koso-dəwje lai ar nana kara aw kəi ləa-ləa ya.

1 Samel 12:1

Samel ula Israɛlje lai pana: Aa ooje, ma m’oo ndu sí dɔ taje lai’d gə́ seḭ ulamje ndá ma m’unda mbai lé dɔ sí’g mba̰.

1 Samel 14:52

Ləbje lai gə́ Sawul si ne kəmba lé rɔ gə́ nuŋga kəd-kəd to mbuna dee-deḛ gə Pilistije’g ya. Loo gə́ kəm Sawul oso dɔ dəw gə́ siŋgá to kɔgərɔ-kɔgərɔ’g ləm gə to bao-rɔ ləm tɔ ndá léegəneeya yeḛ ɔree aree nai loo-kula’g ləa tɔ.

1 Samel 2:13

Aa ooje, goso néra lə dee-deḛ njékinjanéməsje gə́ ra gə koso-dəwje lé ɓa nee: Loo gə́ dəw aar inja nékinjaməs ndá léegəneeya kura lə njekinjanéməs lé ree loo gə́ d’aar ndiri dakasee lé. Yeḛ wa karmbi-lar gə́ təa tɔ munda jia’g tɔ.

1 Samel 8:8

Néje lai gə́ deḛ ra səm, un kudee mee ndəa gə́ m’ar dee d’unda ne loo mee ɓee gə́ Ejiptə teḛ saar ɓasinè lé deḛ d’ubam d’ya̰’m ndá d’aw ra né d’ar magəje gə́ raŋg ya, yee ɓa deḛ ra ne səi-i kara bèe tɔ.