1 Samel 8:4 - Maktub gə́ To gə Kəmee

⁴ Ŋgatɔgje gə́ Israɛl lai mbo̰ dɔ na̰ ree d’iŋga Samel Rama.

1 Samel 8:4 ပူးပေါင်းရင်းမြစ်များ

2 Samel 3:17

Abner wɔji ta gə ŋgatɔgje gə́ Israɛl ndá ula dee pana: Kédé lé seḭ ndigije mba kar Dabid ɓa to mbai lə sí.

2 Samel 5:3

Togə́bè ɓa ŋgatɔgje gə́ Israɛl lai ree rɔ mbai’g mee ɓee gə́ Ebro̰ ndá mbai Dabid lé man rəa ar dee no̰ Njesigənea̰’g mee ɓee’d gə́ Ebro̰. Deḛ d’wa dəa gə ubu d’undá ne gə́ mbai lə Israɛlje.

Teḛ-Raga 24:1

Ala ula Moyis pana: Al ree rɔ Njesigənea̰’g i seḭ gə Aaro̰, gə Nadab, gə Abihu, gə ŋgatɔgje lə Israɛlje rɔ-siri ndá seḭ a kundaje barmba gə kuree ɗegəse.

Teḛ-Raga 3:16

Maji kari aw mbo̰ ŋgatɔgje lə Israɛlje na̰’d ula dee pana: Njesigənea̰, Ala lə bɔ síje-je teḛ dɔm’g, Ala lə Abrakam, gə Isaak, gə Jakob tɔ. Yeḛ pana: Neḛ n’ila kəm neḛ dɔ sí’g, neḛ n’oo né gə́ deḛ ra sə sí mee ɓee gə́ Ejiptə’g tɔ,

1 Samel 1:19

Deḛ d’ḭ gə ndɔ rad tɔɓəi loo gə́ d’aw d’unda barmba no̰ Njesigənea̰’g mba̰ ndá deḛ tel d’aw mee kəi’g lə dee gə́ to Rama lé. Elkana to gə An gə́ dené ləa lé ndá Njesigənea̰ ar mee olé dəa’g.

1 Samel 11:3

Ŋgatɔgje gə́ Jabɛs d’ulá pana: Ya̰ loo as ndɔ siri ar sí gə mba kar sí j’ula njékaḭkulaje dɔ naŋg gə́ Israɛl’g bura ɓa. Ɓó lé dəw kára gə́ to njetaa dɔ sí godo ndá j’a kɔm rɔ sí yəg jii’g ɓəi.

1 Samel 7:17

Tɔɓəi yeḛ tel ree Rama loo gə́ kəi ləa to keneŋ. Lée neelé yeḛ gaŋg rəwta lə Israɛlje keneŋ ləm, yeḛ ra loo-nékinjaməs keneŋ ar Njesigənea̰ ləm tɔ.

1 Samel 8:10

Samel ndaji taje lə Njesigənea̰ lai ar koso-dəwje gə́ dəjee mbai lé ya.