1 Samel 8:11 - Maktub gə́ To gə Kəmee

¹¹ Yeḛ pana: Aa ooje, néje gə́ wɔji dɔ mbai gə́ a gə ko̰ dɔ sí lé ɓa nee: Yeḛ a twa ŋgan síje gə́ diŋgam kunda dee gə́ njékal pusu-rɔje ləm, gə mbuna njérɔ gə kundaje’g ləa ləm tɔ mba kar deḛ d’aḭ ne no̰ pusu-rɔ’g ləa.

1 Samel 8:11 ပူးပေါင်းရင်းမြစ်များ

2 Samel 15:1

Goo néje’g neelé Absalɔm iŋga pusu-rɔ kára ləm gə kundaje ləm gə dəwje rɔ-mi gə́ to njé k’aḭ nea̰’gje ləm tɔ.

1 Mbaije 1:5

Adonija, ŋgolə Dabid gə́ yeḛ ojee gə Agit lé ar beelé ɔs mée aree ḭ gə dɔ rəa pana: Ma nja m’a to mbai. Yeḛ mbo̰ pusu-rɔje gə njérɔ gə kundaje ləm, ar dəwje rɔ-mi d’aiŋgwɔd nea̰’g ləm tɔ.

1 Mbaije 10:26

Salomo̰ mbo̰ pusu-rɔje ləm, gə njérɔ gə kundaje ləm tɔ, pusu-rɔje d’as tɔl-dɔg gə dəa tɔl-sɔ (1.400) ləm, njérɔ gə kundaje d’as tɔl-dɔg-loo dɔ-giree-joo (12.000) ləm tɔ, yeḛ unda dee mee ɓee-booje’g loo gə́ pusu-rɔje ləa to keneŋ ləm, gə Jerusalem mbɔr mbai’g ləm tɔ.

1 Mbaije 12:10

Aa ooje, ta gə́ basaje gə́ tɔg səa na̰’d d’ulá karee pa lé ɓa nee: I a pa togə́bè kar koso-dəwje gə́ dəjii pana: Bɔbije unda nékodo gə́ wɔi dɔ sí’g nɛ i ɓa yḛ̀ maji kari aree wɔilɔ dɔ sí’g pélè lé i a kula dee togə́bè pana: Ŋgon jim boi ur dɔ reŋ bɔmje’g.

1 Mbaije 12:4

Bɔbije unda nékodo gə́ wɔi dɔ sí’g. I ɓa yḛ̀ ɓasinè maji kari ar nékodo gə́ wɔi gə́ bɔbije unda dɔ sí’g ar sí n’raje ne kula ɓər lé aree wɔilɔ dɔ sí’g pélè ndá j’a ra né kari ya.

1 Mbaije 14:27

Mbai Roboam ra dərje gə larkas taa ne tor dee tɔɓəi yeḛ ɔm dərje lé ji ɓé-njérɔkwɔilɔje’d gə́ to njékaḭ bada dɔ looje gə́ ŋgəm takəije lə mbai mba kar dee ŋgəm dee maji tɔ.

1 Mbaije 18:46

Bèe ɓa, ji Njesigənea̰ to ne dɔ Eli’g, aree wa kubu ləa gə́ tɔ ne rḛgee aḭ ne no̰ Akab’g saar teḛ ne tarəwkɔg gə́ Jisreel lé tɔ.

1 Samel 10:25

Samel ar koso-dəwje gər né gə́ wɔji dɔ ɓeeko̰ ndá yeḛ ndaŋg taree mee maktub’g ila no̰ Njesigənea̰’g. Tɔɓəi yeḛ ya̰ koso-dəwje lai ar nana kara aw kəi ləa-ləa ya.

1 Samel 14:52

Ləbje lai gə́ Sawul si ne kəmba lé rɔ gə́ nuŋga kəd-kəd to mbuna dee-deḛ gə Pilistije’g ya. Loo gə́ kəm Sawul oso dɔ dəw gə́ siŋgá to kɔgərɔ-kɔgərɔ’g ləm gə to bao-rɔ ləm tɔ ndá léegəneeya yeḛ ɔree aree nai loo-kula’g ləa tɔ.

1 Samel 22:7

Sawul ula kuraje ləa gə́ d’aar mbɔree’g lé pana: Ooje maji, seḭ Bḛjamije! See ŋgolə Isai lé a kar sí-seḭ lai loo-ndɔje gə loo-ndɔ-nduúje wa. See a kar sí-seḭ lai toje mbai dɔ dəwje gə́ tɔl-dɔg-dɔg (1.000) gə mbai dɔ dəwje gə́ tɔl-tɔl (100) wa.

1 Samel 8:9

Maji kari oo ta lə dee ya nɛ ndəji ɓa ndəji dee kɔr ləm, ar dee gər né gə́ wɔji dɔ mbai gə́ a gə ko̰ dɔ dee lé ləm tɔ.