1 Samel 7:9 - Maktub gə́ To gə Kəmee

⁹ Samel wa ŋgon badə gə́ ta mbà’g, ḭjá bura gə́ nékinjaməs gə́ ka̰ roo ar Njesigənea̰. Yeḛ no̰ ɓar Njesigənea̰ mbata lə Israɛlje ndá Njesigənea̰ ilá keneŋ ya.

1 Samel 7:9 ပူးပေါင်းရင်းမြစ်များ

Pakɔsje 50:15

Maji kar sí ɓarje rim ndɔ néurti’g Ndá m’a kɔr sí keneŋ kar sí ulaje ne rɔnduba dɔm’g ya.

Pakɔsje 99:6

Moyis gə Aaro̰ mbuna njékinjanéməsje’g ləa ləm, Samel kara mbuna deḛ gə́ no̰ ɓar ria’g lé ləm tɔ Deḛ neelé no̰ ɓar ri Njesigənea̰ ndá Yeḛ ar dee né gə́ deḛ dəjee lé ya.

Jeremi 15:1

Njesigənea̰ ulam togə́bè pana: Lée Moyis gə Samel ya d’aar no̰ neḛ’g mba ra rəwta lə koso-dəwje neelé kara n’a koo kəmtondoo lə deḛje neelé el. Tuba dəwje neelé no̰m’g ɔm dee əw mba kar dee d’ɔd d’aw.

Ləbije 22:27

Ŋgon maŋg əsé ŋgon badə əsé ŋgon bya̰, loo gə́ d’ojee ndá a nai gel kea̰’g as ndɔ siri, un kudee mee ndɔ’g jinaijoo ləa saar gə́ kédé lé yee a kaskəm to nékinjaməs gə́ ka̰ roo kar Njesigənea̰ karee taa kəmee rəgm ya.

Tel tura Godndu 9:26

M’a m’ra tamaji ta Njesigənea̰’g m’pana: Mbaidɔmbaije gə́ Njesigənea̰, maji kari tuji koso-dəwje ləi el, deḛ gə́ to nédɔji ləi gə́ i taa dee gə goo dum dɔ loo ləi ləm, i ar dee d’unda loo mee ɓee gə́ Ejiptə teḛ gə goo ji siŋgamoŋ ləi gə́ ɓar mèr-mèr ləm tɔ.

Maktub gə́ Jak ula ne ar ngan-Allaje 5:16

Tegje gin kaiya lə sí gə́ raga arje na̰ ləm, raje tamaji mbata lə na̰ ləm tɔ mba kar kəm sí tuga ne sib. Tamaji gə́ rara gə́ njemeekarabasur ra gə́ ɓar mḭ ndá to tamaji gə́ mḭ ya.

Njéga̰g-Rəwtaje 6:26

Gée gə́ gogo i a kunda loo-nékinjaməs kar Njesigənea̰, Ala ləi dɔ kɔr mbal’g neelé. I a kwa bɔ maŋg gə́ njekɔm’g joo lé ndá i a kḭjá gə́ nékinjaməs gə́ ka̰ roo gə kag-magə gə́ i kunda təd lé.

Njéga̰g-Rəwtaje 6:28

Loo gə́ dəwje gə́ mee ɓee-boo’g neelé d’ḭ tar gə ndɔ rad ndá aa oo, loo-nékinjaməs lə Baal lé jura naŋg ləm, kag-magə gə́ to gə kəmee gə́ d’unda dɔ’g lé təd ləma, tɔɓəi bɔ maŋg gə́ njekɔm’g joo lé d’ḭjá gə́ nékinjaməs gə́ ka̰ roo dɔ loo-nékinjaməs gə́ ra lé ləm tɔ.

1 Samel 10:8

Tɔɓəi i a kḭ nɔm’g kédé kaw Gilgal ndá aa oo, m’a kḭ kaw rɔi’g kaw kinja nékinjanéməsje gə́ ka̰ roo ləm, gə nékinjanéməsje gə́ ka̰ kɔm na̰’d ləm tɔ. I a ŋgina as ndɔ siri saar kam m’ree rɔi’g gə mba kam m’ulai né gə́ kəm kari ra ɓa.

1 Samel 12:17

See jeḛ j’isije naḭ kinja koje’g ŋga el wa. M’a dəji Njesigənea̰ ndá yeḛ a k’ar ndi ndaŋg ləm, gə ndi a kər ləm tɔ. Maji kar sí gərje, maji kar sí ooje to gə́ dəji gə́ seḭ dəjije mbai lé to né gə́ kəm ra kəm Njesigənea̰’g el.

1 Samel 16:2

Samel pana: See m’a kaw to gə́ ban wa. Sawul a koo taree ndá a tɔlm. Nɛ Njesigənea̰ ulá pana: I a kwa ma̰də maŋg jii’g kaw ne ndá a pana: I ree mba kinja nékinjaməs kar Njesigənea̰.

1 Samel 2:35

N’a kunda njekinjanéməs lə neḛ gə́ to majikoji keneŋ, yeḛ gə́ a ra né to gə́ mee neḛ wɔji. N’a kar ŋgakeaje d’ɔs goo na̰ gə́ kédé-kédé ndá yeḛ a njaa no̰ yeḛ gə́ n’wa dəa gə ubu’g lé ta-ta ya.

1 Samel 7:17

Tɔɓəi yeḛ tel ree Rama loo gə́ kəi ləa to keneŋ. Lée neelé yeḛ gaŋg rəwta lə Israɛlje keneŋ ləm, yeḛ ra loo-nékinjaməs keneŋ ar Njesigənea̰ ləm tɔ.

1 Samel 9:12

Deḛ d’ila dee keneŋ pana: Oiyo, yeḛ si no̰ sí gən ya. Nɛ ɔsje rɔ sí ɓad mbata ɓogənè yeḛ ree mee ɓee-boo’g mba kinja nékinjaməs gə́ wɔji dɔ koso-dəwje dɔdərloo’g tar.