1 Samel 7:6 - Maktub gə́ To gə Kəmee

⁶ Togə́bè ɓa deḛ mbo̰ dɔ na̰ loo gə́ Mispa ya tɔ. Deḛ to mán d’aw tər naŋg no̰ Njesigənea̰’g ləm, d’ɔg meḛ dee ɓoo mee ndəa’g neelé ləm tɔ pa ne pana: Jeḛ n’raje kaiya j’ɔsje ne Njesigənea̰ rəw ya! Ndá Samel gaŋg rəwta lə Israɛlje loo’d gə́ Mispa ya.

1 Samel 7:6 ပူးပေါင်းရင်းမြစ်များ

Gḭ-Néje 31:49

Deḛ d’unda ria lə Mispa to mbata Laba̰ pana: Maji kar Njesigənea̰ aa dɔi-i ləm, gə aa dɔm-ma ləm tɔ, loo gə́ j’as kila kəm sí dɔ na̰’d el lé.

2 Samel 14:14

Lé riri kara j’a kwəi gə́ kwəi ya ndá j’a to kasəna gə mán gə́ ula naŋg gə́ askəm tel mbo̰ na̰ gogo el. Ala ɔr kəmə lə dəw el nɛ yeḛ ndigi mba kar njekaḭ lé si əw kəmee’g loo-kaḭ’g ləa el.

1 Mbaije 8:47

ɓó lé deḛ nja d’ə̰ji ta meḛ dee’g mee ɓee-ɓər gə́ d’aw sə dee keneŋ ɓa deḛ tel ra ndòo rɔi’g mee ɓee gə́ d’aw sə dee gə́ ɓər keneŋ lé pa ne pana: Jeḛ n’raje kaiya, n’raje néje gə́ majel, jeḛ n’raje néje gə́ to lée’g el

1 Sôrta Gḭka-Israɛlje 11:18

Yen ŋga bao-rɔje munda dəs dan mee loo-si njérɔje’g lə Pilistije d’aw to mán gə́ to mee bwa-mán gə́ to tarəwkɔg’d lə ɓee gə́ Betlehem lé. Deḛ tel ree ne d’ar Dabid. Nɛ Dabid ndigi kai mán lé el ndá yeḛ tər naŋg no̰ Njesigənea̰’g tɔ.

2 Sôrta Gḭka Israɛlje 20:3

Ɓəl unda Josapat badə gaŋgee aree wɔji mée’g gə mba dəji Njesigənea̰ ta ndá yeḛ ila mber ta kɔg-mee-ɓoo mee ɓee gə́ Juda’g lai.

Nehemi 9:27

Yee ɓa i uba dee ya̰ dee ne ji njéba̰je’g lə dee Ar dee d’ula kəm dee ndòo. Nɛ mee ndɔ néurti’g lə dee lé deḛ no̰ gə́ rɔi’g Ndá i oo ndu dee mee dara gə́ tar Tɔɓəi gə goo boo-meekɔrjol ləi lé I ar dee njétaa dɔ deeje Gə́ d’aji dee ji njéba̰je’g lə dee tɔ.

Maktub gə́ wɔji dɔ Jɔb 16:20

Baokuraje ləm d’undam gə́ nékogo Nɛ Ala ɓa m’ra ndòo rəa’g gə mán-no̰ kəm’g.

Maktub gə́ wɔji dɔ Jɔb 3:24

Tuma̰ ŋgururu-ŋgururu ɓa gə́ muru ko̰ ləm ləm, Ndu kii ləm ɓa taa loo pəl-pəl to gə́ mán bèe ləm tɔ.

Maktub gə́ wɔji dɔ Jɔb 33:27

Yeḛ ɔs pa no̰ dəwje’g pana: Neḛ n’ra kaiya n’al ne dɔ néra gə́ danasur, Nɛ Ala ar bo̰ néra neḛ ɔs ta neḛ’g to gə́ kəm karee ɔs ta neḛ’g lé el.

Maktub gə́ wɔji dɔ Jɔb 40:4

Aa oo, ma m’to gə́ né el. See ta ɗi ɓa m’a tel kilai’g wa. Ma m’ila jim tam’g sud.

Maktub gə́ wɔji dɔ Jɔb 42:6

Gelee gə́ nee ɓa ma m’gaŋgta dɔ rɔm’g m’wa ne ndòo rɔm Dan babur’g ləm, gə dan bu pər’g ləm tɔ.

Pakɔsje 106:6

Jeḛ lé n’raje kaiya to gə́ bɔ síje-je bèe, Jeḛ lé n’raje néje gə́ kori-kori ləm, Jeḛ n’raje néje gə́ majel ya ləm tɔ.

Pakɔsje 119:136

Man-no̰ ruba kəm’g asəna gə kəm-rəw-mán gə́ aḭ kuji-kuji bèe Mbata dəwje d’aa dɔ godndui el.

Pakɔsje 42:3

M’aw ndòo Ala gə́ to Ala gə́ Njesikəmba lé Asəna gə dəw gə́ kṵdaman tɔlee bèe. See ndɔ gə́ ra ɓa m’a teḛ kaar no̰ Ala’g lé wa.

Pakɔsje 6:6

Dəw gə́ wəi mba̰ lé mée olé dɔi’g el. See na̰ ɓa a kɔs gajii ɓee lə njé gə́ d’wəi’g lé wa.

Pakɔsje 62:8

Ala nja kára ba ɓa kaji ləm gə rɔnduba ləm d’ḭ rəa’g. Biri mbal gə́ to siŋgam ləm, gə njo̰loo-kula-dɔ ləm ləm tɔ lé to rɔ Ala’g lé ya.

Jeremi 31:19

Loo gə́ j’undaje rɔ sí ɓad rɔi’g ndá Jeḛ n’tel j’waje ndòo rɔ sí ləm, Loo gə́ kəm sí inja dɔ néramajelje’g Le sí ndá jeḛ n’kundaje kaar sí ndai-ndai ləm tɔ, Rɔkul gə kəm sɔḭ wa kəm sí Mbata rɔkul né gə́ jeḛ n’raje Gə́ basa gə́ lə sí lé wa dɔ sí.

Jeremi 36:9

Mee naḭ gə́ njekɔm’g jinaikara mee ləb gə́ njekɔm’g mi gə́ Jojakim, ŋgolə Jojias, mbai gə́ Juda o̰ ne ɓee lé d’ila mber kɔg-mee-ɓoo no̰ Njesigənea̰’g mbata koso-dəwje gə́ Jerusalem lai ləm, gə mbata koso-dəwje lai gə́ d’ḭ mee ɓee-booje gə́ Juda ree Jerusalem ləm tɔ.

Jeremi 9:1

Wai! Lée m’iŋga ŋgon Kəi-to-mbàje dɔdilaloo’g ndá M’a kuba koso-dəwje ləm kya̰ dee kaw əw keneŋ! Mbata deḛ lai to njémɔdkaiyaje ləm, Deḛ to kudu dəwje gə́ njékun dɔ mar deeje ləm tɔ.

Nɔ̰-ndôo gə́ wɔji dɔ Jerusalem 2:11

Man-no̰ tɔ kəm wə-wə ləm, Ŋgan siḭm mbirim mba̰-mba̰ ləma, Siŋgam teḛ rɔm’g wɔndə ləm tɔ. Mbata tuji gə́ oso dɔ dəwje’g ləm ləm, Gə mbata ŋganje gə ŋganje gə́ ta mbà’d Gə́ d’aw d’ila mbir-mbir mee ɓee’g lé ləm tɔ.

Nɔ̰-ndôo gə́ wɔji dɔ Jerusalem 3:49

Man-no̰ gə́ ruba kəm’g neelé A gaŋg el ləm, a kəw el ləm tɔ

Nɔ̰-ndôo gə́ wɔji dɔ Jerusalem 5:16

Dəwje d’oo sí gə́ né kəm dee’g el ləm! Némeeko̰ gə ban ɓa bèe wa! Mbata jeḛ n’raje kaiya ya.

Ejekel 20:4

Ma ŋgon-dəw lé see ma m’ndigi gaŋgta dɔ dee’g wa. See ma m’ndigi gaŋgta dɔ dee’g wa. Maji kam m’ar dee gər néraje gə́ mina̰ gə́ bɔ deeje-je ra lé ɓa.

Ojee 5:1

Seḭ njékinjanéməsje, ooje ta neelé! Seḭ njékɔrno̰ Israɛlje, síje gèŋ! Seḭ gel-bɔje lə mbai, Tugaje mbi sí ooje ne ta! Mbata seḭ ɓa rəwta-gaŋg neelé wɔji dɔ sí Mbata seḭ toje gə́ gum gə́ mee ɓee gə́ Mispa ləm, Seḭ toje gə́ ba̰də gə́ d’ila dɔ mbal gə́ Tabɔr’g ləm tɔ.

Joɛl 2:12

Njesigənea̰ pa tɔɓəi pana: Ɓasinè lé, gə́ telje reeje rɔm’g gə ŋgaw meḛ sí bura ləm, Gə kɔg-mee-ɓoo ləm, gə no̰ ləma, Gə no̰ sii mbigi-mbigi ləm tɔ.

Ləbije 16:29

Yee gə́ nee ɓa to godndu gə́ to saar gə no̰ mbata lə sí: ndɔ dɔg lə naḭ gə́ njekɔm’g siri lé seḭ a saŋgje rɔ sí ləm, seḭ a raje kula kára kara el ləm tɔ, lé gə́ kojiɓee əsé dəw-dɔ-ɓee gə́ si mbuna sí’g kara a ra bèe ya.

Ləbije 26:40

Nɛ d’a teggin néra kori-korije lə dee-deḛ gə ka̰ bɔ deeje-je gə́ raga ləm, gə kuba gə́ d’ubam d’ya̰’m lé ləma, gə kɔs gə́ deḛ d’ɔsm rəw lé ləm tɔ,

Lugu 15:18

M’a kuba naŋg kḭ kaw rɔ bɔm’g ndá m’a kulá pana: Bɔm, ma m’ra kaiya m’ula ne sul dɔ dara’g ləm, gə dɔi-i’g ləm tɔ.

Jujé 18:26

gə Mispé, gə Kepira, gə Mosa,

Njéga̰g-Rəwtaje 10:10

Israɛlje no̰ rɔ Njesigənea̰’g pana: Jeḛ n’raje kaiya mbata j’ubaje Ala lə sí j’yá̰ m’poleje magə-Baalje ya.

Njéga̰g-Rəwtaje 10:15

Israɛlje d’ula Njesigənea̰ pana: Jeḛ n’raje kaiya ya, maji kari ra sə sí né to gə́ məəi ndigi. Nɛ né kára ba lé maji kari taa dɔ sí ɓogənè ya kɔgərɔ kari.

Njéga̰g-Rəwtaje 2:4

Loo gə́ kura lə Njesigənea̰ gə́ dara pa taje neelé ar Israɛlje lai ndá koso-dəwje d’ɔr ndu dee wəl gə́ tar gə no̰ tɔ.

Njéga̰g-Rəwtaje 20:23

Ndá Israɛlje d’ḭ d’aw no̰ no̰ Njesigənea̰’g saar kàrkemetag. Deḛ dəji Njesigənea̰ pana: See to kəm kar sí j’awje gə́ kédé mba rɔ gə Bḛjamije gə́ to ŋgako̰ síje lé ya ɓəi wa. Njesigənea̰ ila dee keneŋ pana: Awje aw rɔje sə dee ya.

Njéga̰g-Rəwtaje 20:26

Israɛlje lai gə koso-dəwje bura d’ḭ d’aw Betel, deḛ no̰ ləm, d’isi lée’g neelé no̰ Njesigənea̰’g d’ɔg ne meḛ dee ɓoo saar kàrkemetag ləma, d’inja nékinjaməs gə́ ka̰ roo gə nékinjaməs gə́ wɔji dɔ kɔm na̰’d no̰ Njesigənea̰’g ləm tɔ.

Njéga̰g-Rəwtaje 3:10

Tɔɓəi Ndil Njesigənea̰ dəb dəa’g aree tel to njegaŋ-rəwta mee ɓee gə́ Israɛl. Yeḛ teḛ aw gə mba rɔ ndá Njesigənea̰ ya̰ Kusan-Risəatayim, mbai gə́ Mesɔpotami lé jia’g ndá jia gə́ ɓar mèr-mèr lé aree dum ne dəa ya.

1 Samel 1:15

An tel ilá keneŋ pana: Wah! mbai ləm, ma m’to dené gə́ m’isi dan kəmndoo’g ɓó m’ai kido əsé nékai gə́ mḭ el. Nɛ ma m’ila rɔm no̰ Njesigənea̰’d gə́ kila ya.

1 Samel 10:17

Samel ɓar koso-dəwje ar dee mbo̰ dɔ na̰ no̰ Njesigənea̰’g loo’d gə́ Mispa.

1 Samel 12:10

Bèe ɓa deḛ no̰ ɓar Njesigənea̰ pana: Jeḛ n’raje kaiya, mbata jeḛ j’ubaje Njesigənea̰ j’yá̰je ndá jeḛ poleje magə-Baalje gə magə-Astartéje ya. Ɓasinè lé maji kari ɔr sí ji njéba̰je’g lə sí ndá j’a raje né kari-i ya.

1 Samel 7:15

Samel to njegaŋ-rəwta gə́ Israɛl mee ləbje lai gə́ yeḛ si ne kəmba lé.