1 Samel 7:17 - Maktub gə́ To gə Kəmee

¹⁷ Tɔɓəi yeḛ tel ree Rama loo gə́ kəi ləa to keneŋ. Lée neelé yeḛ gaŋg rəwta lə Israɛlje keneŋ ləm, yeḛ ra loo-nékinjaməs keneŋ ar Njesigənea̰ ləm tɔ.

1 Samel 7:17 ပူးပေါင်းရင်းမြစ်များ

Gḭ-Néje 33:20

Lée neelé yeḛ ra loo-nékinjaməs keneŋ unda ne ria lə El-Elohe-Israɛl kɔr gelee pana: Ala lə Israɛlje lé.

Gḭ-Néje 35:7

Yeḛ ra loo-nékinjaməs keneŋ ndá yeḛ unda ri loo neelé lə El-Bétel. Mbata lé gə́ neelé ɓa Ala riba səa dɔ rəa keneŋ loo gə́ yeḛ si aḭ ne ŋgokea̰ lé.

Esai 10:29

Deḛ dəs mbuna looje’g Ndá to Geba tɔ, Njé gə́ Rama ndəb pəd-pəd ləm, Njé gə́ Gibea gə́ wɔji dɔ Sawul lé buŋga na̰ d’aḭ ləm tɔ.

Njéga̰g-Rəwtaje 4:5

Yeḛ si gel tumbur’d gə́ ɓaree tumbur lə Debora gə́ to mbuna Rama gə Betel’g lé ɓa si gaŋg rəwta, kaar mbal’g lə Eprayim, ndá Israɛlje ree rəa’g mba karee gaŋg rəwta lə dee.

Njéga̰g-Rəwtaje 6:24

Gedeo̰ ra loo-nékinjaməs lée’g neelé ar Njesigənea̰ ndá yeḛ unda ria lə Njesigənea̰ gə́ Njemeelom, loo-nékinjaməs neelé to Opra, mee ɓee-boo’g lə gel-bɔje lə Abiejer saar teḛ mee ndəa gən lé tɔ.

1 Samel 1:1

Dəw kára bèe to dəw gə́ Ramatayim-Sopim, ɓee gə́ to dɔ mbal’g lə Eprayim, dəw neelé ria lə Elkana. Yeḛ to ŋgolə Jeroham, gə́ to ŋgolə Elihu, gə́ to ŋgolə Tou, gə́ to ŋgolə Sup, yeḛ neelé to gə́ ginkoji’g lə Eprata.

1 Samel 1:19

Deḛ d’ḭ gə ndɔ rad tɔɓəi loo gə́ d’aw d’unda barmba no̰ Njesigənea̰’g mba̰ ndá deḛ tel d’aw mee kəi’g lə dee gə́ to Rama lé. Elkana to gə An gə́ dené ləa lé ndá Njesigənea̰ ar mee olé dəa’g.

1 Samel 11:15

Koso-dəwje lai d’ḭ d’aw Gilgal, d’aw d’unda Sawul gə́ mbai no̰ Njesigənea̰’g loo gə́ Gilgal. Lée neelé ɓa deḛ d’inja nékinjanéməsje gə́ ka̰ kɔm na̰’d no̰ Njesigənea̰’g keneŋ tɔɓəi lé neelé ɓa Sawul gə koso-dəwje gə́ Israɛl lai d’al rɔ dee gə boo-rɔkal keneŋ tɔ.

1 Samel 14:35

Sawul unda loo-nékinjaməs ar Njesigənea̰. Yee ɓa to loo-nékinjaməs gə́ dɔtar gə́ yeḛ unda wɔji ne dɔ Njesigənea̰ ya.

1 Samel 15:34

Samel ɔd aw par gə́ Rama ləm, Sawul kara ɔd aw gə́ kəi ləa gə́ to Gibea gə́ ka̰ Sawul ləm tɔ.

1 Samel 2:11

Elkana tel aw mee kəi’g ləa gə́ Rama ndá ŋgon lé ra kula lə Njesigənea̰ no̰ Eli’d gə́ to njekinjanéməs lé.

1 Samel 28:3

Samel lé wəi mba̰. Israɛlje mbo̰ dɔ na̰ no̰ yée ləm, dubee dɔ naŋg’d ləa gə́ Rama ləm tɔ. Sawul lé tuba njéɓar ndil dəwje gə́ d’wəi ləm, gə njéndo̰-ərje ləm tɔ mee ɓeeko̰’g ləa lai.

1 Samel 8:4

Ŋgatɔgje gə́ Israɛl lai mbo̰ dɔ na̰ ree d’iŋga Samel Rama.

1 Samel 9:12

Deḛ d’ila dee keneŋ pana: Oiyo, yeḛ si no̰ sí gən ya. Nɛ ɔsje rɔ sí ɓad mbata ɓogənè yeḛ ree mee ɓee-boo’g mba kinja nékinjaməs gə́ wɔji dɔ koso-dəwje dɔdərloo’g tar.