1 Samel 7:16 - Maktub gə́ To gə Kəmee

¹⁶ Gə ləbje kára-kára lai lé yeḛ aw njaa gugu dɔ loo teḛ Betel ləm, gə Gilgal ləma, gə Mispa ləm tɔ ndá yeḛ gaŋg rəwta lə Israɛlje mee looje’g neelé lai tɔ.

1 Samel 7:16 ပူးပေါင်းရင်းမြစ်များ

Gḭ-Néje 28:19

Yeḛ unda ri loo neelé lə Betel. Nɛ kédé lé ri ɓee-boo neelé lə Luj.

Gḭ-Néje 35:6

Jakob gə deḛ lai gə́ d’aw səa lé teḛ Luj gə́ to Betel, mee ɓee gə́ Kana̰.

Pakɔsje 75:2

Ǝi Ala, jeḛ m’pidiije, jeḛ m’pidiije ya, Jeḛ m’ɓarje ne rii ta sí’g wəl-wəl ləm, J’ilaje mbər néraije gə́ maji dum ya ləm tɔ.

Ojee 5:1

Seḭ njékinjanéməsje, ooje ta neelé! Seḭ njékɔrno̰ Israɛlje, síje gèŋ! Seḭ gel-bɔje lə mbai, Tugaje mbi sí ooje ne ta! Mbata seḭ ɓa rəwta-gaŋg neelé wɔji dɔ sí Mbata seḭ toje gə́ gum gə́ mee ɓee gə́ Mispa ləm, Seḭ toje gə́ ba̰də gə́ d’ila dɔ mbal gə́ Tabɔr’g ləm tɔ.

Amɔs 5:5

Maji kar sí saŋgmje Betel el ləm, Awje Gilgal el ləma, Dəsje awje Beer-Seba el ləm tɔ. Mbata njé gə́ Gilgal lé d’a kwa dee ɓər ləm, Betel kara a tuji pugudu-pugudu ləm tɔ.

Jujé 18:26

gə Mispé, gə Kepira, gə Mosa,

Jujé 5:10

Israɛlje d’isi Gilgal ndá, ndɔ dɔg-giree-sɔ mee naḭ’g neelé loo gə́ kàr a gə kur naŋg ndá deḛ ra naḭ Pag mee ndag-loo gə́ Jeriko tɔ.

Jujé 5:9

Njesigənea̰ ula Juje pana: Ɓogənè m’ɔr ta rɔkul gə́ Ejiptə dɔ sí’g mba̰. Gelee gə́ nee ɓa d’unda ne ri loo neelé lə Gilgal un kudee mee ndəa gən saar teḛ ne ɓogənè tɔ.

Njéga̰g-Rəwtaje 10:4

Ŋganeeje gə́ diŋgam deḛ rɔ-munda, d’uba ŋgan mulayḛ̀je-je rɔ-munda ləm, ɓee-kogoje lə dee as rɔ-munda ləm tɔ, saar teḛ mee ndəa gən lé deḛ ɓar dee ɓee-booje lə Jayir gə́ to mee ɓee’d gə́ Galaad ya.

Njéga̰g-Rəwtaje 12:14

Yeḛ aw gə ŋganje gə́ diŋgam rɔ-sɔ ləm, gə ŋgakeaje rɔ-munda ləm tɔ, deḛ lé t’uba ŋgan mulayḛ̀je-je rɔ-siri. Abdon lé to njegaŋ-rəwta dɔ Israɛlje’g as ləbee jinaijoo.

Njéga̰g-Rəwtaje 5:10

Seḭ gə́ ubaje ko̰-mulayḛ̀je-je gə́ ndá ləm, Gə seḭ gə́ nésije lə sí to kubuje gə́ lab naŋg ləma, Gə seḭ gə́ njaaje dan rəw’g ləm tɔ lé Ɔsje pa.

1 Samel 10:17

Samel ɓar koso-dəwje ar dee mbo̰ dɔ na̰ no̰ Njesigənea̰’g loo’d gə́ Mispa.

1 Samel 11:14

Samel ula koso-dəwje lé pana: Gə́ reeje ar sí j’awje Gilgal mba gɔl rəw ko̰ɓee lé karee to njaŋg ŋga.

1 Samel 7:5

Samel pana: Mbo̰je Israɛlje lai dɔ na̰’d loo gə́ Mispa ndá m’a ra tamaji ta Njesigənea̰’g mbata lə sí.