1 Samel 7:12 - Maktub gə́ To gə Kəmee

¹² Samel un mbal kára ila mbuna Mispa’g gə Seḭ’g ndá yeḛ ɓaree Eben-Ejer, mbata yeḛ pana: Njesigənea̰ la sə sí saar teḛ loo gə́ nee’g.

1 Samel 7:12 ပူးပေါင်းရင်းမြစ်များ

Gḭ-Néje 22:14

Abrakam unda ri loo neelé lə Jehoba-Jire kɔr gelee pana: Njesigənea̰ to nje-kar sí né gə́ jeḛ j’aw ndée. Gelee gə́ nee ɓa ɓogənè kara deḛ pa ne pana: Dɔ mbal’g lə Njesigənea̰ lé d’a kar sí né gə́ j’aw ndée keneŋ.

Gḭ-Néje 35:14

Jakob unda nékolé-mee loo gə́ Ala ulá ta keneŋ lé, to nékolé-mee gə́ ra gə kɔr mbalje ndá yeḛ saga nékar gə́ ka̰ kai ləm, gə ubu ləm tɔ dɔ’g.

Pakɔsje 71:17

Ǝi Ala, loo gə́ m’nai ne basa ya saar ɓasinè lé i nja ɓa ndoom né, Saar teḛ ɓasinè ya ma m’ila mber kula raije gə́ maji péd-péd lé ya.

Pakɔsje 71:6

Loo gə́ m’unda loo mee kɔm’g teḛ ya saar ɓasinè lé Ma m’gəd rɔm rɔi’g ya, I nja ɓa am m’unda loo mee kɔm’g m’teḛ, I lé ma m’pidii ta-ta ɓó ma lal el tɔ.

Teḛ-Raga 17:15

Yen ŋga Moyis ra loo-nékinjaməs unda ria lə Njesigənea̰ ɓa to gə́ nékɔr gelm.

Esai 19:19

Mee ndəa’g neelé ya loo-nékinjaməs lə Njesigənea̰ a to keneŋ mbuna ɓeeje gə́ Ejiptə ləm, nékolé-mee gə́ d’unda tar gə́ wɔji dɔ Njesigənea̰ a to rəw-nim-ɓee’g lé ləm tɔ.

Néra Njékaḭkulaje 26:22

Nɛ mbɔl dɔ la gə́ Ala lé la səm lé m’isi ne saar m’teḛ ɓogənè m’ɔr ne goo ta ləa no̰ mbaije’g ləm, gə no̰ dəwje gə́ kari ləm tɔ. Ta néje gə́ njéteggintaje ləm gə Moyis pa ləm pana: A gə ree lé yee ɓa m’aar dɔ’g ɓó m’ya̰ rəbee bèe el.

2 Njé gə́ Kɔrḭtə 1:10

Yeḛ nja ɓa ɔr sí ta yoo gə́ togə́bè ya ləm, j’unda meḛ sí yel dəa’g mba karee teḛ sə sí ta yoo’g ndɔ gə́ raŋg’d ɓəi tɔ.

Jujé 4:9

Juje tɔs kɔr mbalje dɔg-giree-joo gə́ raŋg dɔ na̰’d dan baa’d gə́ Jurdɛ̰ tɔ, loo gə́ njékinjanéməsje gə́ to njékun sa̰duk manrɔje d’aar naŋg keneŋ lé ndá kɔr mbalje neelé to keneŋ, un kudee mee ndəa gən saar teḛ ɓogənè tɔ.

1 Samel 14:35

Sawul unda loo-nékinjaməs ar Njesigənea̰. Yee ɓa to loo-nékinjaməs gə́ dɔtar gə́ yeḛ unda wɔji ne dɔ Njesigənea̰ ya.

1 Samel 4:1

Samel un ta pa ar Israɛlje lai. Ndá Israɛlje lé teḛ d’aw d’iŋga Pilistije mba rɔ sə dee. Deḛ d’wa loo-si dee mbɔr Eben-Ejer’g dəb ləm, Pilistije kara d’wa loo-si dee Apek’g ləm tɔ.

1 Samel 5:1

Pilistije d’un sa̰duk-manrɔ lə Ala d’ḭ ne Eben-Ejer d’aw ne Asdod.

1 Samel 7:11

Koso-dəwje gə́ Israɛl d’unda loo Mispa teḛ ndá tuba Pilistije, tɔɓəi deḛ tɔl dee saar teḛ ne loo gə́ bər’g lə Bet-Kar tɔ.