1 Samel 6:7 - Maktub gə́ To gə Kəmee

⁷ Ɓasinè, maji kar sí raje pusu gə́ sigi kára, tɔɓəi twaje ko̰ maŋgje gə́ ŋgan deeje d’aw d’il mbà dee ɓəi ləm, gə gə́ d’ula néməməna̰ gwɔb dee’g gɔl kára el ɓəi ləm tɔ. Ɔm deeje na̰’d gə néməməna̰ ta pusu’g ndá twaje ŋgan deeje gə́ ndolè goo dee lé awje sə dee kəi.

1 Samel 6:7 ပူးပေါင်းရင်းမြစ်များ

2 Samel 6:3

Deḛ d’unda sa̰duk-manrɔ lə Ala mee pusu gə́ sigi’g ndá d’ḭ ne mee kəi’g lə Abinadab gə́ to dɔdərloo’g tar. Uja gə Ahjo, ŋgalə Abinadab ɓa d’ɔr no̰ pusu gə́ sigi neelé.

1 Sôrta Gḭka-Israɛlje 13:7

Deḛ d’un sa̰duk-manrɔ lə Ala gə́ to mee kəi’g lə Abinadab lé ree d’unda mee pusu’d gə́ sigi mba ree ne. Ndá Uja gə Ahjo ɓa d’ɔr no̰ pusu lé.

Bula lə Israɛlje 19:2

Aa ooje, ta neelé to godndu gə́ Njesigənea̰ un ndia dɔ’g njaŋg pana: Maji kar sí ulaje Israɛlje mba kar dee ree gə maŋg gə́ kas gə́ rəa ila ɓal el ləm, rəa ya̰ maree el ləma, d’ila néməməna̰ gwɔbee’g gɔl kára kara el ləm tɔ d’ar sí.

Tel tura Godndu 21:3

Loo gə́ d’iŋga ɓee-boo gə́ to mbɔr nin’g dəb lé mba̰ ndá ŋgatɔgje gə́ mee ɓee-boo’g neelé d’a kwa ma̰də maŋg gə́ ra kula gɔl kára el ɓəi ləm, gə d’ila néməməna̰ gwɔsee’g el ɓəi ləm tɔ.

Tel tura Godndu 21:4

D’a kaw gə́ ma̰də maŋg lé kəm-rəw-mán’d gə́ mán yi keneŋ el saar ləm, lé neelé ndɔ el ləma, dubu né keneŋ el ləm tɔ ndá lé neelé ɓa d’a təd gina gwɔb ma̰də maŋg neelé keneŋ mee kəm-rəw-mán’g lé.