1 Samel 6:5 - Maktub gə́ To gə Kəmee

⁵ Maji kar sí raje néndajije gə́ to tana gə nékubaje lə sí ləm, gə yəgje gə́ njétuji ɓeeje lə sí ləm tɔ ndá ulaje ne rɔnduba dɔ Ala lə Israɛlje’g lé. Dɔmaji-nà yeḛ a kun jia gə́ wɔi ndiŋ-ndiŋ lé dɔ sí’g gə́ raŋg ləm, gə dɔ magəje’g lə sí ləma, gə dɔ ɓee’g lə sí ləm tɔ.

1 Samel 6:5 ပူးပေါင်းရင်းမြစ်များ

1 Sôrta Gḭka-Israɛlje 16:28

Seḭ gel-bɔje lə ginkoji dəwje gə raŋg lé Ulaje rɔnduba dɔ Njesigənea̰’g ləm, Ilaje riɓar dəa’g ləm tɔ.

1 Sôrta Gḭka-Israɛlje 16:29

Ulaje rɔnduba dɔ ri Njesigənea̰’g. Unje nékarje lə sí reeje ne nea̰’g, Undaje barmba no̰ Njesigənea̰’g. Dan néje gə́ bə̰dərə bə̰ gə́ to gə kəmee doi lé!

Pakɔsje 18:44

I ɔrm mbuna koso-dəwje gə́ njémaḭtaje’g ləm, I undam gə́ mbai dɔ ginkoji dəwje gə raŋg ləm tɔ. Dəwje gə́ m’gər dee kédé el lé ra kula d’am.

Pakɔsje 32:4

Mbata dan kàrá gə loondul’g lé Jii wɔi dɔm’g ndiŋ-ndiŋ ləm, Siŋgam tudu kurum-kurum Asəna gə loo tudu gə́ naḭ palboo’g bèe ləm tɔ.

Pakɔsje 39:10

Ma lé m’isi dɔ mundu m’teḛ tam el Mbata to i nja ɓa ra née ya.

Pakɔsje 66:3

Ulaje Ala pajena: Néraije lé to ɓəl kədm-kədm, Njéba̰je ləi lé kara bɔr bèli Mbata boo-siŋgamoŋ ləi ya.

Teḛ-Raga 12:12

Mee til’g neelé n’a njaa mee ɓee gə́ Ejiptə ndá n’a kila tuji dɔ ŋgandərje lai gə́ mee ɓee gə́ Ejiptə’g, un kudee dɔ ŋgandər dəwje’g saar teḛ ne dɔ ŋgandər daje’g ləm, n’a gaŋgta dɔ magəje’g lai gə́ to Ejiptə lé ləm tɔ. Neḛ n’to Njesigənea̰.

Teḛ-Raga 8:17

Ɓó lé i ya̰ dəwje lə neḛ ar dee d’aw el ndá n’a kula gə kəm mbàje kɔm dee dɔi’g ləm, gə dɔ kuraje’g ləi ləm, gə dɔ dəwje’g ləi ləma, gə dɔ kəije’g ləi ləm tɔ, kəm mbàje neelé d’a rusu mee kəije lə njé gə́ Ejiptə tub-tub ləm, d’a taa dɔ naŋg pəl-pəl ləm tɔ.

Teḛ-Raga 8:24

Parao̰ pana: M’a kya̰ loo kar sí awje dɔdilaloo’g mba kinja nékinjanéməsje kar Ala lə sí gə́ Njesigənea̰ ya, nɛ loo gə́ a gə kawje ndá kaw ɓa seḭ a kawje loo gə́ əw el. Maji kar sí raje tamaji mbata ləm ya.

Teḛ-Raga 8:5

Moyis ula Parao̰ pana: I nja wɔji kàr gə́ m’a ra ne tamaji ta Njesigənea̰’g mbata lə mbai ləm, gə mbata kuraje ləi ləma, gə mbata dəwje ləi ləm tɔ, gə mba karee ɔr kurkuduje neelé pam dɔi’g ləm, gə dɔ kəije’g ləi ləm tɔ. Ndá d’a nai mee baa’g ya ba ŋga.

Esai 19:1

Ndərta gə́ pa wɔji dɔ ɓee gə́ Ejiptə. Aa ooje, pélé lə ndi gə́ aiŋgwɔd kalaŋ lé Yee ɓa Njesigənea̰ uba aw ne Ejiptə, Bèe ɓa magəje gə́ Ejiptə d’unda bala tigi-tigi nea̰’g ləm, Mee Ejiptəje kara təd ne mán ləm tɔ.

Esai 42:12

Maji kar dee d’ula rɔnduba dɔ Njesigənea̰’g ləm, Maji kar dee d’ila mber pidee dɔgoré-looje’g ləm tɔ.

Jeremi 13:16

Ulaje rɔnduba dɔ Njesigənea̰, Ala’g lə sí Kédé ɓa gə mba karee ar loondul teḛ ɓəi ləm, Kédé ɓa gə mba kar sí tugaje gɔl sí mbalje gə́ loondul dəb dɔ dee’g ləm tɔ, Seḭ ŋginaje lookàr, Nɛ yeḛ telee gə́ loondul ləm, Yeḛ aree tel to loondul gə́ ndul njudu-njudu ləm tɔ.

Jeremi 3:13

Maji kar sí tegje gin néra gə́ kori-korije lə sí ləm, Maji kar sí tegje gin majikoji el lə sí No̰ Njesigənea̰, Ala’g lə sí ləm, Gə kaw gə́ seḭ awje yo gə́ nee no̰ magəje gə́ dɔ ɓee’g gel kagje lai gə́ to təb ləma, Gə mbad gə́ seḭ mbad kooje Ne ta ləm saar lé ləm tɔ. Njesigənea̰ ɓa pa bèe.

Joɛl 2:25

Tɔgərɔ ya, néje gə́ beedéje Gə baigo̰je gə lámje gə ma̰daŋje Gə́ to bao-rɔje ləm tuji mee ləbje gə́ kédé lé M’a tel ne kar sí gogo.

Junas 3:9

See na̰ ɓa gər wa. Banelə Ala a tel gə ndia kar goo takə̰ji ləa yɔr ləm, a kuba oŋg ləa kya̰ lal kar sí n’tujije ne ləm tɔ.

Malasi 2:2

Njesigənea̰ gə́ njeboo-néje lé pana: Ɓó lé seḭ ooje ta el ləm, əsé arje ta kula rɔnduba dɔ rim’g lé wa dɔɓəŋgərə sí el ləm tɔ ndá m’a kar ndɔl oso mbuna sí’g ləm, m’a kila ndɔl dɔ nétɔrnduje’g lə sí ləm tɔ. Oiyo, m’a kila ndɔl dɔ’g ya mbata seḭ arje taree wa dɔɓəŋgərə sí el.

Bula lə Israɛlje 33:4

Njé gə́ Ejiptə lé dubu dəwje lə deḛ lai gə́ Njesigənea̰ tɔl deḛ gə́ to ŋgandər deeje lé, togə́bè ɓa Njesigənea̰ gaŋg ne ta dɔ magəje’g lə dee tɔ.

Tagə́maji gə́ Ja̰ ndang 9:24

Parisiḛje tel ɓar yeḛ gə́ kédé to njekəmtɔ neelé gɔl joo d’ulá pana: Maji kari ula rɔnduba dɔ Ala’g, jeḛ n’gər gao dəw neelé to gə́ njekaiya ya.

Jujé 7:19

Juje ula Akan pana: Ŋgonəm, ula rɔnduba dɔ Njesigənea̰, Ala lə Israɛlje’g ləm, ila riɓar dəa’g ləm tɔ. Tɔɓəi ulam né gə́ i ra ɓó iya səm dəa el.

Loo gə́ killa rea kəm Ja̰’g 11:13

Mee kàree’g neelé naŋg yə ɓugu-ɓugu ndá dəb ɓee-boo lé tuji loo-kára ndá debeeje nai jinaikara. Dəwje tɔl-dɔg-loo-siri d’wəi keneŋ ndá dɔkal deeje gə́ nai lé ɓəl yaa̰ ləm, d’ula ne rɔnduba dɔ Ala’g gə́ si dara lé ləm tɔ.

Loo gə́ killa rea kəm Ja̰’g 14:7

Yeḛ pata gə ndia gə́ boi wəl pana: Ɓəlje Ala, ulaje rɔnduba dəa’g mbata kàr gaŋgta ləa teḛ mba̰. Yeḛ gə́ unda dara gə naŋg nee ləm, gə baa-boo-kad gə ŋgira manje lai ləm tɔ lé maji kar sí wáje meḛ sí’g ya.

Loo gə́ killa rea kəm Ja̰’g 16:9

pər-boo lé o̰ dəwje ya ndá d’ila ndɔl dɔ ri Ala gə́ njedum dɔ tuji-booje’g neelé. Nɛ deḛ d’ɔs badm tel dɔ néra deeje gə́ majel mba kula rɔnduba dəa’g el.

1 Samel 5:11

Deḛ d’ula kula ɓar mbai dɔ Pilistije d’ar dee ree mbo̰ dɔ na̰ rɔ dee’g ndá deḛ pana: Ulaje gə sa̰duk-manrɔ lə Ala lə Israɛlje lé gə mba karee tel aw loo toree’g gogo mba karee ar síjeḛ gə dəwje lə sí j’wəije ne na̰’d el. Mbata mee ɓee-boo’g bura lé néɓəl gə́ as yoo to keneŋ. Ji Ala wɔi ndiŋ-ndiŋ dɔ dee’g ya.

1 Samel 5:9

Nɛ gée gə́ gogo loo gə́ d’un d’aw ne ndá ji Njesigənea̰ wɔi dɔ ɓee-boo’g neelé ndiŋ-ndiŋ ar dee d’aw dɔ na̰’d wur-wur. Yeḛ ar gab tal kudu dee’g rus-rus un kudee dɔ ŋganje’g saar teḛ ne dɔ njé gə́ tɔg’d tɔ.

1 Samel 6:8

Seḭ a kunje sa̰duk-manrɔ lə Njesigənea̰ lé kundaje mee pusu’g ləm, seḭ a kundaje ŋgon sa̰duk mbɔree’g mba kɔm néje gə́ ra gə larlɔr gə́ seḭ arje Njesigənea̰ gə́ nékar gə́ ka̰ kuga dɔ kaiya lé keneŋ ləm tɔ. Ndá seḭ a kyá̰je kaareeje aw.