1 Samel 6:20 - Maktub gə́ To gə Kəmee

²⁰ Njé gə́ Bet-Semes lé pana: See na̰ ɓa askəm kaar no̰ Njesigənea̰’g, yeḛ gə́ to Ala gə́ njerɔkunda lé wa. See rɔ na̰ ɓa sa̰duk-manrɔ lé a kaw əw keneŋ kya̰ sí wa.

1 Samel 6:20 ပူးပေါင်းရင်းမြစ်များ

2 Samel 6:7

Yen ŋga oŋg lə Njesigənea̰ ḭ səa pu dɔ Uja’g ndá Ala undá mbata nérea gə́ to lée’g el lé. Uja wəi lée’g neelé ya mbɔr sa̰duk-manrɔ’g lə Ala.

2 Samel 6:9

Dabid ɓəl Njesigənea̰ mee ndəa’g neelé aree pana: Bèe ŋga see sa̰duk-manrɔ lə Njesigənea̰ a ree rɔm’g to gə́ ban wa.

Pakɔsje 76:7

Loo gə́ i Ala lə Jakob lé tɔji dee jii ndá Njérɔ gə kundaje gə kundaje lə dee na̰’d deḛ toɓi ndələŋ.

Ləbije 11:44

Mbata ma m’to Njesigənea̰, Ala lə sí, seḭ a kɔrje rɔ sí kundaje gə kəmee ndá seḭ a toje ne dəwje gə́ to gə kəmee mbata ma nja m’to njerɔkunda ya. Seḭ a karje rɔ sí tel to né gə́ mina̰ mbata lə néje nee lai gə́ d’ag naŋg gə ta meḛ dee lé el.

Ləbije 11:45

Mbata ma m’to Njesigənea̰ gə́ m’ar sí undaje loo mee ɓee gə́ Ejiptə teḛje mba kam m’to ne Ala lə sí ləm, gə mba kar sí-seḭje kara toje ne dəwje gə́ to gə kəmee ləm tɔ, mbata ma nja m’to njerɔkunda ya.

Malasi 3:2

See na̰ ɓa a kaskəm kisi kəmba ndɔ ree’g ləa wa. See na̰ ɓa a kaar tar ndɔ gə́ yeḛ a teḛ lé wa. Mbata yeḛ a to kasəna gə pər lə njelḛ̀ lar ləm, a kasəna gə ya̰-kià lə njétogo kubuje kar dee ndá bèe ləm tɔ.

Lugu 5:8

Loo gə́ Simo̰ Piɛrə oo togə́bè ndá yeḛ rəm bəbərə oso naŋg no̰ Jeju’g ulá pana: Mbaidɔmbaije, ɔr rɔi rɔm’g gə́ gogo mbata ma m’to njekaiya.

Lugu 8:37

Yen ŋga njé gə́ mee ɓee gə́ Gerasaje lé lai to ta Jeju’g pəgə-pəgə, ra ndòo rəa’g gə mba karee sa rəa rɔ dee’g rəw gə́ raŋg mbata deḛ ɓəl kədm-kədm. Jeju uru mee to’g ɔs tel aw tɔ.

Loo gə́ killa rea kəm Ja̰’g 6:17

Mbata boo-oŋg lé kàree teḛ mba̰ ndá see na̰ ɓa askəm kaar dɔ gɔlee’g njaŋg wa.

1 Samel 5:7

Loo gə́ deḛ d’oo né gə́ to togə́bè ndá dəwje gə́ Asdod pana: Maji kar sa̰duk-manrɔ lə Ala lə Israɛlje lé to ɓee lə sí nee el mbata jia wɔi dɔ sí’g ndiŋ-ndiŋ ləm, gə dɔ magə-Dago̰ gə́ to magə lə sí lé ləm tɔ.