1 Samel 6:19 - Maktub gə́ To gə Kəmee

¹⁹ Njesigənea̰ kunda dəwje gə́ Bet-Semes loo gə́ deḛ d’aar tən mee sa̰duk-manrɔ lə Njesigənea̰ lé. Yeḛ tɔl dəwje rɔ-siri mbuna koso-dəwje’g. Yen ŋga koso-dəwje ndiŋga ndòo mbata Njesigənea̰ tɔl dee gə yoo-koso gə́ to ɓəl bèe ya.

1 Samel 6:19 ပူးပေါင်းရင်းမြစ်များ

2 Samel 6:7

Yen ŋga oŋg lə Njesigənea̰ ḭ səa pu dɔ Uja’g ndá Ala undá mbata nérea gə́ to lée’g el lé. Uja wəi lée’g neelé ya mbɔr sa̰duk-manrɔ’g lə Ala.

2 Sôrta Gḭka Israɛlje 25:21

Yen ŋga Joas, mbai gə́ Israɛl lé ɔr rɔ aw mba k’aw rɔ ndá deḛ gə Amasia, mbai gə́ Juda lé d’iŋga na̰ mee ɓee gə́ Bet-Semes dɔ naŋg gə́ Juda mba rɔ na̰ tɔ.

Teḛ-Raga 19:21

Njesigənea̰ ula Moyis pana: Risi ur naŋg, ɔg dəwje rədədə mba kar dee nar na̰ loo mba teḛ ne rɔ Njesigənea̰’g mba koo loo, nà banelə njé gə́ na̰je bula mbuna dee’g d’a tuji ne.

Teḛ-Raga 33:4

Loo gə́ dəwje d’oo ta né ndəji kɔr neelé ndá ɓəŋgərə dee a gə ti dus, ar dəw kára kara ula néra basa əsé néra ma̰də rəa’g el.

Bula lə Israɛlje 1:51

Loo gə́ d’a gə kḭ kaw gə kəi-kubu lé loo gə́ raŋg’d ndá Ləbije ɓa d’a tɔr kaw ne ya, loo gə́ d’a gə ra kəi-kubu lə Ala keneŋ ndá Ləbije ɓa d’a la tar ya ləm tɔ, dəw gə́ gelee ɓəd ɓa tibi mbɔree ndá d’a tɔlee gə́ tɔl ya.

Bula lə Israɛlje 4:15

Loo gə́ Aaro̰ gə ŋganeeje gə́ diŋgam d’a tɔl kula gə́ wɔji dɔ kɔm né lé dɔ loo’d gə́ to gə kəmee doi’g, gə dɔ nékulaje lai gə́ wɔji dɔ kəi-kubu-si-Ala bém tɔ ndá ŋgalə Keatje d’a ree loo gə́ d’a gə kḭ kaw keneŋ lé mba kodo dee, nɛ d’a kɔrɔ rɔ néje gə́ to gə kəmee neelé el nà d’a kwəi. Yee nee ɓa to kula gə́ wɔji dɔ njékodo néje gə́ d’ɔm ji ŋgalə Keatje’g mee kəi-kubu-kiŋga-na̰’g lé.

Bula lə Israɛlje 4:18

Undaje kəmkàr dɔ rɔ sí’g mba kar ginkojije lə gel-bɔje lə Keatje lé d’a kɔr dee mbuna Ləbije’g el.

Bula lə Israɛlje 4:20

Bèe ɓa Keatje d’a kandə kaw keneŋ gə mba koo néje gə́ to keneŋ lé el nà d’a kwəi.

Njé gə́ Kolosə 2:18

Maji kar dəwje gə́ d’wa ndòo rɔ dee pole ne kuraje gə́ kára lé su kəm sí nar sə sí néngwɔd lə sí d’wa d’ɔr ji sí’g el. Débeeje neelé d’ya̰ rɔ dee dan némḭdije’g lə dee ləm, deḛ ti ne rɔ dee hər-hər gə goo takə̰jije lə dee gə́ ka̰ darɔ lé ləm tɔ.

1 Piɛrə 4:17

Rəwta-gaŋg lé ndəa teḛ mba̰ ndá d’a kun kudee mee kəi’g lə Ala ya. Nɛ ɓó lé d’un kudee ɓee lə síjeḛ ŋga, see deḛ gə́ d’ila koji dɔ Tagə́maji’g lə Ala el lé see ndɔ gə́ rudu lə dee-deḛ lé a to né gə́ ban dɔ dee’g wa.