1 Samel 6:17 - Maktub gə́ To gə Kəmee

¹⁷ Aa ooje, néje gə́ ra gə larlɔr ndaji ne nékubaje gə́ Pilistije d’ar Njesigənea̰ gə́ nékoga dɔ kaiya lé ɓa nee: kára gə mba Asdod ləm, kára gə mba Gaja ləm, kára gə mba Askalo̰ ləm, kára gə mba Gat ləma, kára gə mba Ekro̰ ləm tɔ.

1 Samel 6:17 ပူးပေါင်းရင်းမြစ်များ

2 Samel 1:20

Maji kar sí paje taree Gat’g el ləm, Ilaje ne mbər sor taree Rəwje gə́ Askalo̰ el ləm tɔ Nà ŋgama̰dje gə́ ɓee gə́ Pilisti’g D’a kal ne rɔ dee ləm, Nà ŋgalə njélal kinja tamɔd deeje gə́ dené D’a kun ne baŋga ləm tɔ.

2 Samel 21:22

Dəwje gə́ sɔ neelé to ŋgalə Rapa gə́ Gat. Ji Dabid gə ji kuraje ləa ɓa tuji dee ya.

2 Mbaije 1:2

Ndɔ kára bèe Ahajia teḛ kəmbolè kəi-mbai’g ləa gə́ Samari gə́ to dɔ maree’g oso ar rəa tée yaa̰, yen ŋga yeḛ ula njékulaje ləa pana: Awje aw dəjije Baal-Jebub, magə gə́ Ekro̰ ooje, see doo gə́ m’iŋga neelé m’a kaji ne ya wa.

2 Sôrta Gḭka Israɛlje 26:6

Yeḛ rɔ gə Pilistije ndá yeḛ təd ndògo-bɔrɔ gə́ Gat ləm, gə ndògo-bɔrɔ gə́ Jabne ləma, gə ndògo-bɔrɔ gə́ Asdod ləm tɔ, tɔɓəi yeḛ unda ɓee-booje dɔ naŋg’d gə́ Asdod ləm, gə mbuna Pilistije’g ləm tɔ.

Jeremi 25:20

M’ar Arabi bura ləm, gə mbaije lai gə́ ɓee gə́ Uts ləma, gə mbaije lə Pilistije lai gə́ d’isi Askalo̰ gə Gaja gə Ekro̰ gə ges loo gə́ Asdod gə́ nai ləm tɔ lé d’ai.

Ləbije 5:7

Ɓó lé siŋgá as karee iŋga ma̰də badə əsé ma̰də bya̰ el ndá yeḛ a kwa dərndaje joo əsé ŋgan dərkulje joo gə́ nékinjaməs ləa gə́ wɔji dɔ kal dɔ godndu Njesigənea̰ mbata yee gə́ kára a to yee gə́ wɔji dɔ kɔr ta dəa’g ləm, yee gə́ raŋg a to ka̰ roo ləm tɔ.

Amɔs 1:6

Njesigənea̰ pa togə́bè pana: Gə mbata kaiya ra Gajaje gə́ aw gə́ kédé-kédé lé ndá N’a tel gə ndu neḛ nda̰ el, Mbata deḛ d’wa koso-dəwje bula Gə́ ɓərje d’ɔm dee ji Edɔmje’g.

Amɔs 6:2

Dəsje awje ɓee gə́ Kalne ooje ləm, Ḭje keneŋ awje saar teḛje Amat Gə́ to ɓee-boo lə Pilistije ləma, Awje Gat, ɓee lə Pilistije ləm tɔ. See ɓee-booje gə́ neelé To maji d’ur dɔ ɓeeko̰je’g lə sí gə́ joo nee wa. Esé see dɔ naŋg lə dee tad yaa̰ unda ka̰ sí-seḭ wa.

Tel tura Godndu 28:27

Njesigənea̰ a kunda sí gə bairaŋ to gə́ yeḛ unda ne njé gə́ Ejiptə bèe ləm, gə gab ləm, gə ŋgaŋguna ləma, gə ŋgər ləm tɔ, gə́ a kər el.

Njéga̰g-Rəwtaje 1:18

Judaje taa Gaja gə dɔ naŋgje ləa ləm, gə Askalo̰ gə dɔ naŋgje ləa ləma, gə Ekro̰ gə dɔ naŋgje ləa ləm tɔ.

Njéga̰g-Rəwtaje 14:19

Gée gə́ gogo Ndil Njesigənea̰ dəb dəa’g ndá yeḛ ḭ aw Askalo̰. Yeḛ tɔl dəwje keneŋ rɔ-munda, tɔr kubuje lə dee, tɔɓəi ar deḛ gə́ njériba dɔ gosota né gə́ to loo-kiya’g lé kubuje gə́ ka̰ taa ne tor mar deeje. Nɛ oŋg ḭ səa pu aree tel aw kəi lə bɔbeeje.

Njéga̰g-Rəwtaje 16:1

Samso̰ aw ɓee gə́ Gaja, yeḛ oo kaiya dené kára ndá yeḛ aw rəa’g.

Njéga̰g-Rəwtaje 16:21

Pilistije d’ubá d’wá ndá tɔr guburu kəmeeje. Deḛ d’aw səa Gaja ndá deḛ teá gə kúla larje gə́ kas. Yeḛ ɓa to njekwa kag mbal kusu kó kusu ne kó mee kəi daŋgai’g.

1 Samel 5:1

Pilistije d’un sa̰duk-manrɔ lə Ala d’ḭ ne Eben-Ejer d’aw ne Asdod.

1 Samel 5:10

Yen ŋga deḛ d’ula gə sa̰duk-manrɔ lə Ala ɓee-boo gə́ Ekro̰. Loo gə́ sa̰duk-manrɔ lə Ala teḛ Ekro̰ ndá njé gə́ Ekro̰ d’ila ndu dee naŋg wəl pana: Deḛ ree gə sa̰duk-manrɔ lə Ala lə Israɛlje mba kar sí j’wəije ne, jeḛ ləm gə dəwje lə sí ləm tɔ.

1 Samel 5:8

Deḛ d’ula kula ɓar mbaije lə Pilistije d’ar dee ree mbo̰ dɔ na̰ rɔ dee’g ndá deḛ dəji dee pana: See ɗi ɓa j’a ra gə sa̰duk-manrɔ lə Ala lə Israɛlje lé wa. Mbaije lé tel d’ila dee keneŋ pana: Maji kar dee d’un sa̰duk-manrɔ lé d’aw ne Gat. Deḛ d’un sa̰duk-manrɔ lə Ala lə Israɛlje lé d’aw ne keneŋ ya tɔ.

1 Samel 6:4

Pilistije dəji dee pana: See nékar gə́ ban ɓa j’a kunje karee wa. Deḛ tel d’ila dee keneŋ pana: A karje kɔr larlɔr gə́ tana gə nékuba mi ləm, yee gə́ tana gə yəgje gə́ ndaji dee mi ləm tɔ gə goo bula lə mbaije lə Pilistije mbata yoo-koso gə́ kára ba ya oso dɔ sí’g lai ləm, gə dɔ mbaije’g lə sí ləm tɔ.