1 Samel 6:14 - Maktub gə́ To gə Kəmee

¹⁴ Pusu lé ree mee ndɔ’g lə Juje, dəw gə́ Bet-Semes ndá yee aar naŋg keneŋ. Lée neelé biri mbal to keneŋ. Deḛ ria kag pusu lé ləm, deḛ d’inja ko̰ maŋgje lé gə́ nékinjaməs gə́ ka̰ roo kar Njesigənea̰ ləm tɔ.

1 Samel 6:14 ပူးပေါင်းရင်းမြစ်များ

2 Samel 24:18

Mee ndəa’g neelé Gad aw rɔ Dabid’g ulá pana: Ḭ aw ra loo-nékinjaməs ar Njesigənea̰ loo-kunda-kó’g lə Arabna, dəw gə́ Yebus lé.

2 Samel 24:22

Arabna ula Dabid pana: Maji kar mbai ləm gə́ to mbai lé taa loo-kunda-kó lé ya ləm, maji karee inja nékinjanéməsje gə́ taa kəmee lé keneŋ ləm tɔ, aa oo, bɔ maŋgje d’a to nékinjaməs gə́ ka̰ roo ləm, pusuje gə kageeje lé d’a to gə́ kir ləm tɔ.

2 Samel 24:25

Lée neelé Dabid ra loo-nékinjaməs keneŋ ar Njesigənea̰ ndá yeḛ inja nékinjanéməsje gə́ ka̰ roo ləm, gə nékinjanéməsje gə́ ka̰ kɔm na̰’d ləm tɔ. Togə́bè ɓa Njesigənea̰ ar mée oso né lemsé dɔ ɓee’g ndá yeḛ ar yoo-koso lé əw rəa dɔ Israɛlje’g tɔ.

1 Mbaije 19:21

Loo gə́ yeḛ ya̰ Eli gə kuree ndá yeḛ tel ree wa bɔ maŋgje joo inja dee gə́ nékinjanéməsje ləm, yeḛ ndiri dakas dee gə néməməna̰ gə kag-kɔs lə maŋgje lé ya ar dəwje d’usɔ ləm tɔ. Tɔɓəi yeḛ ɔd aw goo Eli’g aw ra né aree tɔ.

Teḛ-Raga 20:24

Maji kar sí ubaje naŋg gə́ loo-nékinjaməs gə mba kar sí injaje nékinjanéməsje lə sí gə́ ka̰ roo ləm, gə nékinjanéməsje lə sí gə́ ka̰ kɔm na̰’d sad ləm tɔ gə́ to gə́ badje lə sí gə maŋgje lə sí lé keneŋ. Loo lai gə́ m’a kar meḛ dəwje olé dɔ rim’g ndá m’a ree pər gə́ rɔ sí’g ləm, m’a tɔr ndum dɔ sí’g keneŋ ləm tɔ.

Njéga̰g-Rəwtaje 21:4

Bèlè lookàree ndá koso-dəwje d’ḭta gə ndɔ rad, deḛ ra loo-nékinjaməs lée’g neelé ndá d’inja nékinjanéməsje gə́ ka̰ roo ləm, gə nékinjanéməsje gə́ wɔji dɔ kɔm na̰’d ləm tɔ.

Njéga̰g-Rəwtaje 6:26

Gée gə́ gogo i a kunda loo-nékinjaməs kar Njesigənea̰, Ala ləi dɔ kɔr mbal’g neelé. I a kwa bɔ maŋg gə́ njekɔm’g joo lé ndá i a kḭjá gə́ nékinjaməs gə́ ka̰ roo gə kag-magə gə́ i kunda təd lé.

1 Samel 11:5

Nɛ aa ooje, Sawul lé ḭ ndɔ goo maŋgje’g ləa ndá yeḛ pana: See ɗi ɓa ra koso-dəwje ar dee no̰ ne bèe wa. Deḛ d’ɔr goo ta gə́ njé gə́ Jabɛs pa lé.

1 Samel 20:29

Yeḛ pana: N’ra ndòo rɔm’g mba kam m’ya̰ neḛ m’ar neḛ n’aw mbata mee ɓee-boo’g lə neḛ lé nékinjaməs gə́ wɔji dɔ njémeekəije lə neḛ to keneŋ. Ɓó lé neḛ n’taa kəm rəgm ndá maji kam m’ya̰ neḛ m’ar neḛ n’aw kalaŋ n’aw n’oo ŋgako̰ neḛje lé ɓa. Gelee gə́ nee ɓa yeḛ ree ne ta ka-nésɔ’g lə mbai lé el gə mbəa.

1 Samel 6:13

Dəwje gə́ Bet-Semes d’ar d’inja kó mee wəl-loo’g. Loo gə́ deḛ d’un kəm dee ɓèd d’ila dɔ sa̰duk-manrɔ’g lé ndá deḛ d’al rɔ dee mba koo gə́ deḛ d’ée lé.

1 Samel 6:18

Néndajije gə́ to tana gə yəgje gə́ ra dee gə larlɔr to keneŋ ya, to gə goo bula lə ɓee-booje gə́ siŋga dee to ləm, əsé ŋgan-ɓeeje gə́ lal ndògo-bɔrɔje ləm tɔ. Biri mbal gə́ d’unda sa̰duk-manrɔ lə Njesigənea̰ dɔ’g lé to nétɔji ndá biri mbal neelé saar ɓogənè kara to mee ndɔ’g lə Juje, dəw gə́ Bet-Semes lé.