1 Samel 6:12 - Maktub gə́ To gə Kəmee

¹² Ko̰ maŋgje lé d’un rəw gə́ aw gə́ Bet-Semes ya njoroŋ. Deḛ njaa gə rəw neelé ya ɗéged-ɗéged gə no̰ ta dee’g ta-ta ɓó deḛ tel dɔkɔl əsé dɔgel el. Mbaije lə Pilistije dan goo dee saar teḛ ne ŋgaŋ ɓee gə́ Bet-Semes.

1 Samel 6:12 ပူးပေါင်းရင်းမြစ်များ

1 Mbaije 4:9

Ŋgolə Deker guburu ɓee gə́ Makas ləm, gə Saalbim ləm, gə Bet-Semes ləm, gə Elo̰ ləma, gə Bet-Hanan ləm tɔ.

Teḛ-Raga 8:15

Ndá njéra némɔrije lé d’ula Parao̰ pana: Yee neelé to ŋgaw ji Ala ya. Mee Parao̰ ndər aree udu mbia dɔ ta’g lə Moyis gə Aaro̰, gə goo ta gə́ Njesigənea̰ pa kédé lé tɔ.

Bula lə Israɛlje 20:19

Israɛlje d’ilá keneŋ pana: Jeḛ j’a kawje gə rəw-kwɔi ɓa, ɓó lé jeḛ gə nékulje lə sí j’aije mán ləi ndá j’a kogaije laree, j’a dəsje gə gɔl sí tar ya ɓó j’a raje né gə́ raŋg el.

Jujé 15:10

Yee ḭ Baala tel təa par gə́ dɔ-gó, par gə́ mbal gə́ Seir ləm, dəs dəb loo gə́ dɔgel lə mbal gə́ Jarim aw Kesalo̰ ləm, rəm aw Bet-Semes ləma, dəs ɓee gə́ Timna ləm tɔ.

1 Samel 6:11

Deḛ d’unda sa̰duk-manrɔ lə Njesigənea̰ lé mee pusu’g gə ŋgon sa̰duk gə́ néndajije gə́ to tana gə yəg gə́ ra gə larlɔr ləm, gə néndajije gə́ to tana gə nékubaje ləm tɔ keneŋ tɔ.

1 Samel 6:13

Dəwje gə́ Bet-Semes d’ar d’inja kó mee wəl-loo’g. Loo gə́ deḛ d’un kəm dee ɓèd d’ila dɔ sa̰duk-manrɔ’g lé ndá deḛ d’al rɔ dee mba koo gə́ deḛ d’ée lé.

1 Samel 6:9

Undaje kəm sí gée’g maji. Ɓó lé yee un rəw gə́ wɔji dɔ ŋgaŋ ɓee par gə́ Bet-Semes ndá to Njesigənea̰ gə́ ra sə sí néurtije gə́ to ɓəl neelé ya. Ɓó lé bèe el tɔ ndá j’a gər to gə́ to jia-yeḛ ɓa unda sí el nɛ to né gə́ teḛ dɔ sí’g gə́ teḛ ya.