1 Samel 5:7 - Maktub gə́ To gə Kəmee

⁷ Loo gə́ deḛ d’oo né gə́ to togə́bè ndá dəwje gə́ Asdod pana: Maji kar sa̰duk-manrɔ lə Ala lə Israɛlje lé to ɓee lə sí nee el mbata jia wɔi dɔ sí’g ndiŋ-ndiŋ ləm, gə dɔ magə-Dago̰ gə́ to magə lə sí lé ləm tɔ.

1 Samel 5:7 ပူးပေါင်းရင်းမြစ်များ

2 Samel 6:9

Dabid ɓəl Njesigənea̰ mee ndəa’g neelé aree pana: Bèe ŋga see sa̰duk-manrɔ lə Njesigənea̰ a ree rɔm’g to gə́ ban wa.

1 Sôrta Gḭka-Israɛlje 15:13

Mbata seḭ nja mee ndɔ gə́ dɔtar’g lé seḭ godoje loo gə́ Njesigənea̰ ar sí j’uduje lé, mbata jeḛ lé jeḛ n’sa̰geeje gə goo godndu lé el.

Teḛ-Raga 10:7

Kuraje lə Parao̰ d’ulá pana: See dəw neelé a to gum kwa sí ya bèe-bèe saar gə́ ndɔ gə́ ra wa. Maji kari ya̰ dəwje neelé ar dee d’aw gə mba pole Njesigənea̰ Ala lə dee. Ɓee gə́ Ejiptə lé si tuji gə́ tuji nɛ see i oo el ya ɓəi wa.

Teḛ-Raga 12:33

Njé gə́ Ejiptə d’ɔs kudu dəwje lé ɓɔḭ-ɓɔḭ ləm, d’ɔs rɔ dee ɓad tuba dee ne mee ɓee’g lé ləm tɔ mbata dee pana: N’a gə kwəije lai.

Teḛ-Raga 8:28

Nɛ Parao̰ lé mée ndər gɔl kára ya tɔɓəi ndá yeḛ ya̰ dəwje lé ar dee d’aw el tɔ.

Teḛ-Raga 8:8

Moyis gə Aaro̰ d’unda loo kəi lə Parao̰ teḛ. Tɔɓəi Moyis no̰ ɓar Njesigənea̰ wɔji ne dɔ kurkuduje gə́ yeḛ unda ne Parao̰ lé.

Teḛ-Raga 9:28

Raje tamaji ta Njesigənea̰’g mba kar ndi gə́ ndaŋg gə ndi kwɔji lé gaŋg ndá m’a kya̰ loo kar sí awje ya ɓó dəw a kɔg sí naŋg el ŋga.

Jeremi 46:25

Njesigənea̰ gə́ njeboo-néje gə́ to Ala lə Israɛlje lé pana: Aa ooje, m’a ra né gə́ kədərə gə Amo̰, magə gə́ No ləm, gə Parao̰, gə Ejiptə, gə magəje ləa, gə mbaije ləa ləma, gə Parao̰ gə deḛ lai gə́ d’ɔm meḛ dee dəa’g lé ləm tɔ.

Jeremi 48:7

Mbata i ɔm məəi dɔ kula raije’g ləm, Gə dɔ nébaoje’g ləi ləm tɔ lé Ndá i kara d’a dum dɔi tɔ. Ala ləi gə́ ria lə Kemos lé A kaw ɓee-ɓər’g Gə njékinjanéməsje gə mbaije ləa na̰’d.

1 Samel 4:8

Meeko̰ oso dɔ sí’g ya! See na̰ ɓa a taa sí ji magəje gə́ njésiŋgamoŋje’g nee wa. To magəje gə́ nee ɓa kunda njé gə́ Ejiptə lai gə yoo-kosoje gə́ gə ri dee ri dee dɔdilaloo’g lé ya.

1 Samel 5:6

Ji Njesigənea̰ wɔi ndiŋ-ndiŋ dɔ njé gə́ Asdod’g ndá yeḛ ila tuji dɔ dee’g tɔ. Yeḛ ar gab tal kudu njé gə́ Asdod’g gə goo looje’g lai gə́ wɔji dəa lé ləm tɔ.

1 Samel 5:8

Deḛ d’ula kula ɓar mbaije lə Pilistije d’ar dee ree mbo̰ dɔ na̰ rɔ dee’g ndá deḛ dəji dee pana: See ɗi ɓa j’a ra gə sa̰duk-manrɔ lə Ala lə Israɛlje lé wa. Mbaije lé tel d’ila dee keneŋ pana: Maji kar dee d’un sa̰duk-manrɔ lé d’aw ne Gat. Deḛ d’un sa̰duk-manrɔ lə Ala lə Israɛlje lé d’aw ne keneŋ ya tɔ.

1 Samel 6:20

Njé gə́ Bet-Semes lé pana: See na̰ ɓa askəm kaar no̰ Njesigənea̰’g, yeḛ gə́ to Ala gə́ njerɔkunda lé wa. See rɔ na̰ ɓa sa̰duk-manrɔ lé a kaw əw keneŋ kya̰ sí wa.