1 Samel 5:6 - Maktub gə́ To gə Kəmee

⁶ Ji Njesigənea̰ wɔi ndiŋ-ndiŋ dɔ njé gə́ Asdod’g ndá yeḛ ila tuji dɔ dee’g tɔ. Yeḛ ar gab tal kudu njé gə́ Asdod’g gə goo looje’g lai gə́ wɔji dəa lé ləm tɔ.

1 Samel 5:6 ပူးပေါင်းရင်းမြစ်များ

Gḭ-Néje 41:31

D’a koo kəm kó gə́ unda yaa̰ kédé el ŋga mbata ɓoo-boo gə́ a korè gée lé a kunda dee naŋg rə̰dəŋ-rə̰dəŋ ya.

Maktub gə́ wɔji dɔ Jɔb 31:3

See tuji lé wɔji dɔ njemeeyèr el wa. See meeko̰ wɔji dɔ njera né kori-kori el wa.

Pakɔsje 145:20

Njesigənea̰ lé tɔs kəmee dɔ deḛ lai gə́ d’undá dan kəm dee’g, Nɛ njémeeyèrje lai lé Yeḛ tuji dee pugudu-pugudu.

Pakɔsje 147:6

Njesigənea̰ lé to njegəd deḛ gə́ kəm dee to ndòo, Nɛ njémeeyèrje lé yeḛ rəm sə dee orè dee naŋg més.

Pakɔsje 32:4

Mbata dan kàrá gə loondul’g lé Jii wɔi dɔm’g ndiŋ-ndiŋ ləm, Siŋgam tudu kurum-kurum Asəna gə loo tudu gə́ naḭ palboo’g bèe ləm tɔ.

Pakɔsje 78:66

Yeḛ kunda njéba̰je ləa gə́ d’aḭ nea̰’g ləm, Yeḛ ar rɔkul-boo gə́ to gə no̰ lé dəb dɔ dee’g ləm tɔ.

Teḛ-Raga 9:3

aa oo, ji Njesigənea̰ a kwɔi dɔ koso-nékulje’g ləi gə́ d’aar loo ndɔ’g, dɔ kundaje’g ləm, dɔ mulayḛ̀je-je’g ləm, dɔ jambalje’g ləm, dɔ maŋgje’g ləma, gə dɔ badje’g ləm tɔ, yoo-koso gə́ to ɓəl kədm-kədm a teḛ dɔ dee’g tɔ.

Néra Njékaḭkulaje 13:11

Aa oo, ɓasinè, ji Mbaidɔmbaije a dar dɔi ndá i a to njekəmtɔ kuree əw waga ɓó a koo kàr el. Léegəneeya loondul dəb dəa’g bigim aree mam loo bab-bab mba saŋg dəwje kar dee ndɔree.

Tel tura Godndu 28:27

Njesigənea̰ a kunda sí gə bairaŋ to gə́ yeḛ unda ne njé gə́ Ejiptə bèe ləm, gə gab ləm, gə ŋgaŋguna ləma, gə ŋgər ləm tɔ, gə́ a kər el.

1 Samel 5:11

Deḛ d’ula kula ɓar mbai dɔ Pilistije d’ar dee ree mbo̰ dɔ na̰ rɔ dee’g ndá deḛ pana: Ulaje gə sa̰duk-manrɔ lə Ala lə Israɛlje lé gə mba karee tel aw loo toree’g gogo mba karee ar síjeḛ gə dəwje lə sí j’wəije ne na̰’d el. Mbata mee ɓee-boo’g bura lé néɓəl gə́ as yoo to keneŋ. Ji Ala wɔi ndiŋ-ndiŋ dɔ dee’g ya.

1 Samel 5:7

Loo gə́ deḛ d’oo né gə́ to togə́bè ndá dəwje gə́ Asdod pana: Maji kar sa̰duk-manrɔ lə Ala lə Israɛlje lé to ɓee lə sí nee el mbata jia wɔi dɔ sí’g ndiŋ-ndiŋ ləm, gə dɔ magə-Dago̰ gə́ to magə lə sí lé ləm tɔ.

1 Samel 5:9

Nɛ gée gə́ gogo loo gə́ d’un d’aw ne ndá ji Njesigənea̰ wɔi dɔ ɓee-boo’g neelé ndiŋ-ndiŋ ar dee d’aw dɔ na̰’d wur-wur. Yeḛ ar gab tal kudu dee’g rus-rus un kudee dɔ ŋganje’g saar teḛ ne dɔ njé gə́ tɔg’d tɔ.