1 Samel 4:9 - Maktub gə́ To gə Kəmee

⁹ Seḭ Pilistije lé waje rɔ sí kɔgərɔ gə́ diŋgamje mba kar sí toje ɓərje lə Ǝbrəje to gə́ deḛ to ne ɓərje lə sí kédé lé bèe el. Waje rɔ sí gə́ diŋgamje ya rɔ deeje.

1 Samel 4:9 ပူးပေါင်းရင်းမြစ်များ

2 Samel 10:12

Wa rɔi kɔgərɔ ləm, ar sí j’waje diŋgam meḛ sí’g ləm tɔ mbata lə koso-dəwje lə sí ləm, gə mbata ɓee-booje lə Ala lə sí ləm tɔ ndá maji kar Njesigənea̰ ra né gə́ yeḛ oo gə́ né gə́ maji kəm ra ya.

Esai 14:2

Ginkoji dəwje gə raŋg d’a kwa dee kaw sə dee mee ɓeeje’g lə dee gogo ndá ŋgaka Israɛlje d’a taa ɓee neelé gə́ né ka̰ dee-deḛ asəna gə kuraje gə́ diŋgam gə njé gə́ dené bèe, d’a kwa dee-deḛ gə́ d’wa dee ɓər kédé lé gə́ ɓərje lə dee ləm, d’a ko̰ɓee dɔ deḛ gə́ kédé d’ula kəm dee ndòo lé ləm tɔ.

Esai 33:1

Meeko̰ a koso dɔi-i gə́ njetujilooje lai’g Nɛ deḛ tujii el ɓəi ləm, I gə́ njekun dɔ loo Nɛ deḛ d’un dɔi el ɓəi ləm tɔ! Loo gə́ i a kunda ŋgaŋ tuji looje lai ndá D’a tujii ləm, Loo gə́ i a kunda ŋgaŋ kun dɔ loo lé ndá D’a kun dɔi ləm tɔ!

1 Njé gə́ Kɔrḭtə 16:13

Sije kəmba arje kəm sí ɔs loo pal-pal ləm, aarje dɔ meekun’g lə sí njaŋg ləm, waje rɔ gə́ diŋgam ləma, aarje kɔgərɔ ləm tɔ.

Njéga̰g-Rəwtaje 10:7

Oŋg lə Njesigənea̰ ḭ səa pu dɔ Israɛlje’g ndá yeḛ uba dee ya̰ dee ji Pilistije’g ləm, gə ji Amo̰je ləm tɔ.

Njéga̰g-Rəwtaje 13:1

Israɛlje tel ra né gə́ taa kəm Njesigənea̰ el ya tɔɓəi, ar Njesigənea̰ uba dee ya̰ dee ji Pilistije’g as ləb rɔ-sɔ.

1 Samel 14:21

Ǝbrəje gə́ kédé d’oso gel Pilistije’g d’aw sə dee na̰’d loo-si dee’g ləm, d’isi mbuna dee’g looje gə́ ɓəd-ɓəd ləm tɔ lé nja tel d’ɔm na̰’d gə Israɛlje gə́ d’aw gə Sawul gə Jonatan lé.

1 Samel 4:8

Meeko̰ oso dɔ sí’g ya! See na̰ ɓa a taa sí ji magəje gə́ njésiŋgamoŋje’g nee wa. To magəje gə́ nee ɓa kunda njé gə́ Ejiptə lai gə yoo-kosoje gə́ gə ri dee ri dee dɔdilaloo’g lé ya.