1 Samel 4:4 - Maktub gə́ To gə Kəmee

⁴ Togə́bè deḛ d’ula kula Silo d’ar dee d’un sa̰duk-manrɔ lə Njesigənea̰ gə́ njeboo-néje gə́ loo-siée to mbuna Nékundaje gə́ dara’g lé ree ne. Opni gə Pines, ŋgalə Eli gə́ joo lé d’aar keneŋ gə sa̰duk-manrɔ lə Ala na̰’d tɔ.

1 Samel 4:4 ပူးပေါင်းရင်းမြစ်များ

2 Samel 15:24

Sadɔk kara aw sə dee na̰’d ar Ləbije lai gə́ d’odo sa̰duk-manrɔ lə Ala kara d’aw səa na̰’d tɔ. Deḛ d’unda sa̰duk-manrɔ lə Ala naŋg ndá Abiatar tuga loo aw aar tar saar loo gə́ koso-dəwje d’unda loo mee ɓee’g teḛ lai mba̰ ɓa tɔ.

2 Samel 6:2

Tɔɓəi Dabid gə deḛ lai gə́ nai rəa’g lé d’ḭ Baale-Juda d’aw gə mba kar dee ree gə sa̰duk-manrɔ lə Ala, to sa̰duk nee gə́ deḛ ɓar ri Njesigənea̰ gə́ njeboo-néje gə́ njési dɔ Nékundaje gə́ dara’g lé dɔ’g lé ya.

2 Mbaije 19:15

ra ne tamaji nee ar Njesigənea̰ pana: Njesigənea̰, Ala lə Israɛlje, i gə́ si dɔ kuraje gə́ dara gə́ ɓar dee Nékundaje gə́ dara! I nja kára ba kiao ɓa to Ala dɔ ɓeeko̰je’g lai gə́ dɔ naŋg nee ləm, i ɓa gə́ njekunda dara gə naŋg nee ləm tɔ.

Pakɔsje 80:1

Pakɔs lə Asap gə́ ar bao-pa mba karee ɔs sə dee lé. D’ɔs gə ndu gwɔs pa gə́ pana: Pudu ndujaje.

Pakɔsje 80:2

I gə́ to njekul Israɛlje ləm, I gə́ ɔr no̰ Jisepje asəna gə koso-nékulje bèe ləm tɔ lé Maji kari kɔd mbii ila tag ya. I gə́ si dɔ Nékundaje gə́ dara gə́ tar lé Maji kar ndogó ləi ndogó ɔr jol-jol!

Pakɔsje 99:1

Njesigənea̰ lé o̰ ɓee, Dəwje ndəb ne pəd-pəd, Yeḛ si dɔ kalimbai gə́ to dɔ Nékundaje gə́ dara’g lé tar ndoi Ar naŋg yə ne ɓugu-ɓugu.

Esai 37:16

Njesigənea̰ gə́ njeboo-néje, Ala lə Israɛlje, i gə́ si dɔ kuraje gə́ dara’d gə́ ɓar dee Nékundaje gə́ dara! I nja kára ba to Ala mbata lə ɓeeko̰je lai gə́ dɔ naŋg nee ləm, i ɓa gə́ njekunda dara gə naŋg nee ləm tɔ.

Malasi 1:9

Ɓasinè lé maji kar sí raje tamaji ta Ala’g lé mba karee oo kəm sí lootondoo’g ya! To seḭ ya ɓa né gə́ togə́bè lé ḭ rɔ sí’g. See yeḛ a kwa sí gə́ rəa’g gə meendakaḭ wa. Njesigənea̰ gə́ njeboo-néje lé ɓa dəji sí togə́bè.

Bula lə Israɛlje 4:15

Loo gə́ Aaro̰ gə ŋganeeje gə́ diŋgam d’a tɔl kula gə́ wɔji dɔ kɔm né lé dɔ loo’d gə́ to gə kəmee doi’g, gə dɔ nékulaje lai gə́ wɔji dɔ kəi-kubu-si-Ala bém tɔ ndá ŋgalə Keatje d’a ree loo gə́ d’a gə kḭ kaw keneŋ lé mba kodo dee, nɛ d’a kɔrɔ rɔ néje gə́ to gə kəmee neelé el nà d’a kwəi. Yee nee ɓa to kula gə́ wɔji dɔ njékodo néje gə́ d’ɔm ji ŋgalə Keatje’g mee kəi-kubu-kiŋga-na̰’g lé.

Bula lə Israɛlje 4:5

Loo gə́ d’a gə kḭ mba kaw ndá Aaro̰ gə ŋganeeje gə́ diŋgam d’a ree kɔr kubu gaŋg mee kəi lé ndá d’a kila kubu neelé dɔ sa̰duk kɔrgoota’g,

Bula lə Israɛlje 7:89

Loo gə́ Moyis andə mee kəi-kubu-kiŋga-na̰’g mba kwɔji ta gə Njesigənea̰ ndá yeḛ oo ndu dəw gə́ ɓar wɔji səa ta gə́ ḭ mbuna Nékundaje gə́ dara gə́ joo gə́ to dɔ kidata sa̰duk gə́ ka̰ meekoso lemsé gə́ to dɔ sa̰duk kɔrgoota’g lé. Yeḛ wɔji ta gə Njesigənea̰ tɔ.

1 Samel 1:24

Loo gə́ yeḛ ɔgee mbà mba̰ ndá yeḛ aw səa gə bɔ maŋgje munda ləm, gə nduji gə́ ndá léréré as nékwɔji kwɔi-lə-né rɔ-munda ləma, gə mán-nduú gə́ mḭ mee ɓɔl-ndar’g kára ləm tɔ. Yeḛ aw səa kəi-si Njesigənea̰’d gə́ to Silo lé. Ŋgon lé nai gɔ ɓəi.

1 Samel 14:3

Akija, ŋgolə Akitub, ŋgoko̰ I-Kabod gə́ to ŋgolə Pines gə́ to ŋgolə Eli, njekinjanéməs lə Njesigənea̰ loo gə́ Silo’g lé ula kubu épod rəa’g. Njérɔje lé gər to gə́ Jonatan teḛ aw el.

1 Samel 2:22

Eli ɓuga yaa̰ ndá yeḛ oo ta néra ŋganeeje gə́ dee ra kəm Israɛlje’g bura lé ya. Yeḛ oo to gə́ deḛ to gə denéje gə́ mbo̰ dɔ na̰ tarəw kəi-kubu-kiŋga-na̰’g tɔ.