1 Samel 4:21 - Maktub gə́ To gə Kəmee

²¹ Yen ŋga yeḛ unda ri ŋgon lé lə I-Kabod pana: Rɔnduba sa rəa rɔ Israɛl’g. Mbata sa̰duk-manrɔ lə Ala gə́ deḛ taa ləm, mbata lə məmeeje gə ŋgabeeje lé ləm tɔ ɓa yeḛ pa ne bèe gə mbəa.

1 Samel 4:21 ပူးပေါင်းရင်းမြစ်များ

Pakɔsje 106:20

Rɔnduba lə Ala Deḛ mbél ne néndaji maŋg gə́ aar sɔ mu bèe.

Pakɔsje 26:8

Njesigənea̰, kəi-sii gə́ i si keneŋ lé Ma m’unda dan kəm’g, To loo gə́ rɔnduba ləi to keneŋ.

Pakɔsje 78:61

Nésiŋgamoŋ ləa gə boo-ronduba ləa lé Yeḛ ya̰ meḛ ji njéba̰je’g ləa ar dee d’aw ne ɓee gə́ raŋg.

Pakɔsje 78:64

Njékinjanéməsje ləa lé d’wəi yoo-kiambas ləm, Njékəisiŋgaje ləa lé deḛ no̰ dee el ləm tɔ.

Jeremi 2:11

Ginkoji dəwje gə́ magəje lə dee To gə́ kankəm né el lé See d’odo mbél ne magəje gə́ raŋg wa. Nɛ koso-dəwje ləm d’un rɔnduba lə dee Mbél ne né gə́ a la sə dee el.

Nɔ̰-ndôo gə́ wɔji dɔ Jerusalem 2:1

Ɗi togə́bè wa. Ɓa Njesigənea̰ ar oŋg ḭ səa pu Ɓa dəb ne rigim dɔ ŋgoma̰də gə́ Sio̰’g lé wa. Boo-nérɔnduba lə Israɛl gə́ ndɔḭ wər-wər lé Yeḛ ḭ səa dara ɔsee piriŋ ilá naŋg! Yeḛ ar mée wəi dɔ nétura-gɔl-kɔm’g ləa Mee ndɔ oŋg’d ləa lé tɔ.

Ojee 9:12

Ɓó lé d’odo ŋgan deeje kara M’a taa dee ji dee’g kédé ɓó d’a tɔg el, Meeko̰ a koso dɔ dee’g loo gə́ m’a kuba dee kya̰ dee lé.

1 Samel 14:3

Akija, ŋgolə Akitub, ŋgoko̰ I-Kabod gə́ to ŋgolə Pines gə́ to ŋgolə Eli, njekinjanéməs lə Njesigənea̰ loo gə́ Silo’g lé ula kubu épod rəa’g. Njérɔje lé gər to gə́ Jonatan teḛ aw el.

1 Samel 2:34

Nétɔji gə́ a kari oo ne to gə́ ta nee to tɔgərɔ ya lé a to né gə́ a teḛ dɔ ŋganije joo gə́ ri dee lə Opni gə Pines. Mee ndɔ gə́ kára ba ya d’a kwəi keneŋ joo bɔr.

1 Samel 3:12

Mee ndəa’g neelé ta néje lai gə́ m’pa m’wɔji ne dɔ Eli gə dɔ njémeekəije ləa lé m’a kar dee d’aw lée’g béréré ya. M’a kun kudu ra ləm, m’a tɔl taree bém ləm tɔ.

1 Samel 4:11

Pilistije lé taa sa̰duk-manrɔ lə Ala ləm, Opni gə Pines, ŋgalə Eli gə́ joo lé kara d’wəi ləm tɔ.

1 Samel 4:22

Yeḛ pana: Rɔnduba sa rəa rɔ Israɛl’g mbata sa̰duk-manrɔ lə Ala gə́ deḛ taa lé.