1 Samel 4:10 - Maktub gə́ To gə Kəmee

¹⁰ Pilistije rɔ ndá deḛ dum dɔ Israɛlje lé. Nana kara aḭ aw mee kəi-kubu’g ləa-ləa. Rɔ lé ndum dəwje mburug-mburug ndá tɔl Israɛlje gə́ to gə́ goŋ-rɔje as tɔl-dɔg-loo-rɔ-munda (30.000).

1 Samel 4:10 ပူးပေါင်းရင်းမြစ်များ

2 Samel 18:17

Deḛ d’un nin Absalɔm d’ilá mee bwa gə́ boi gə́ to dan mee kag-kɔr’g ndá deḛ daa kɔri-ərje dɔ na̰’d dəa’g ndiil. Israɛlje d’aḭ d’ar nana kara aw mee kəi-kubu’g ləa-ləa.

2 Samel 18:7

Lée neelé kuraje lə Dabid dum dɔ Israɛlje ndá mee ndəa gə́ neelé deḛ tɔl dəwje tɔl-dɔg-loo-rɔ-joo (20.000).

2 Samel 19:8

Bèe ndá maji kari ḭ tar unda loo teḛ raga aw ula kuraje ləi ta gə́ a gɔl meḛ dee. Mbata ma mani gə ri Njesigənea̰, ɓó lé i unda loo teḛ raga el ndá dəw kára kara a nai səi loondul’g nee el. Bèe ndá né neelé ɓa a to majel mbata ləi unda némajelje lai gə́ teḛ dɔi’g un kudee basi’g saar teḛ ɓasinè ya.

2 Samel 20:1

Lée neelé dəw gə́ njemeeyèr kára si keneŋ ria lə Seba, ŋgolə Bikri, dəw gə́ Bḛjami. Yeḛ lé im to̰to̰ ndá yeḛ pana: Jeḛ lé né lə sí kára kara to rɔ Dabid’g el ləm, Nédɔji lə sí to rɔ ŋgolə Isai’g el ləm tɔ! Seḭ Israɛlje lé maji kar nana kara tel aw kəi-kubu’g ləa-ləa ya.

1 Mbaije 12:16

Loo gə́ Israɛlje lai d’oo to gə́ mbai lé oo ta lə dee el ndá koso-dəwje tel d’ila mbai’g lé pana: See ɗi lə síjeḛ ɓa to rɔ Dabid’g wa. Nénduba lə síjeḛ to na̰’d gə ka̰ ŋgolə Isai el! Israɛl, awje kəi-kubuje’g lə sí. Seḭ njé’g lə Dabid, raje né gə mbata lə gin bauje lə sí. Bèe ɓa Israɛlje lai tel d’aw mee kəi-kubuje’g lə dee ya tɔ.

1 Mbaije 22:36

Loo gə́ kàr andə mba̰ ndá d’ila mber mbuna njérɔje’g lai pana: Maji kar nana kara tel aw mee ɓee-boo’g ləa ləm, nana kara tel aw kəi ləa ləm tɔ.

2 Mbaije 14:12

Israɛlje dum dɔ Judaje ar nana kara aḭ aw mee kəi-kubu’g ləa-ləa.

2 Sôrta Gḭka Israɛlje 13:17

Abija gə njérɔje ləa dum dɔ dee tɔl dee bula yaa̰, deḛ tɔl bao-rɔje gə́ to njésiŋgamoŋje mbuna Israɛlje’g as tɔl-dɔg-loo-tɔl-mi (500.000).

2 Sôrta Gḭka Israɛlje 25:22

Israɛlje dum dɔ Judaje ndá nana kara aḭ aw mee kəi-kubu’g ləa-ləa.

Pakɔsje 78:9

Eprayimje gə́ d’ɔm nérɔje rɔ dee’g ləm, Deḛ gə́ rɔ gə ɓandaŋgje rɔ dee’g lé Deḛ tel gir dee d’ila d’ar njéba̰je ndɔ rɔ’g neelé d’aḭ.

Jeremi 7:12

Bèe ndá awje Silo mee loo gə́ deḛ d’unda gə kəmee d’am gə́ m’ar rim ɓar keneŋ kédé ndá ooje né gə́ ma m’ra keneŋ mbata meeyèr lə dəwje ləm gə́ Israɛl.

Ləbije 26:17

M’a tel girm kar sí ndá njéba̰je lə sí d’a dum dɔ sí, deḛ gə́ d’wa sí gə meḛ dee d’a ko̰ɓee dɔ sí’g ləm, lé tuba sí el kara seḭ a kaḭje gə́ kaḭ ləm tɔ.

Tel tura Godndu 28:15

Nɛ ɓó lé seḭ ilaje koji dɔ torndu Njesigənea̰ Ala’g lə sí el ləm, ɓó lé seḭ aaje dɔ ndukunje ləa gə godndiaje lai gə́ ma m’un m’ar sí ɓogənè el ləm tɔ ndá, aa ooje, ndɔlje gə́ d’a kwa dɔ sí ɓa to nee:

Tel tura Godndu 28:25

Njesigənea̰ a kar njéba̰je lə sí dum sí, seḭ a teḛje kawje gə mba rɔje sə dee gə rəw gə́ kára ba ndá seḭ a kaḭje no̰ dee’g gə rəwje siri, tɔɓəi seḭ a toje né rɔkul gə́ boo lə ɓeeko̰je lai gə́ dɔ naŋg nee.

1 Samel 3:11

Togə́bè ɓa Njesigənea̰ ula Samel pana: M’a gə ra né mee ɓee gə́ Israɛl kar nana kara gə́ a koo ndá mbia a kudu jigi karee si jiŋ.

1 Samel 4:2

Pilistije ree d’aar loo-kaar dee’g gə mba rɔ gə Israɛlje ndá rɔ lé ḭ ya tɔ. Pilistije tɔl Israɛlje loo-rɔ’g d’as dəwje tɔl-dɔg-loo-sɔ (4.000) jén bèe.