1 Samel 31:7 - Maktub gə́ To gə Kəmee

⁷ Israɛlje gə́ d’aar kel wəl-loo gə́ nee ləm, gə deḛ gə́ d’aar kel Jurdɛ̰’d gə́ nee ləm tɔ lé, loo gə́ d’oo to gə́ Israɛlje d’aḭ ləm, Sawul gə ŋganeeje d’wəi ləm tɔ ndá deḛ d’uba ɓee-booje lə dee d’ya̰ d’aḭ tɔ. Bèe ɓa Pilistije ɓa d’aw d’isi keneŋ tɔ.

1 Samel 31:7 ပူးပေါင်းရင်းမြစ်များ

Ləbije 26:32

M’a kar ɓee lə sí tel to dɔ nduba mba kar njéba̰je lə sí gə́ d’a ree sí keneŋ lé kara kaar dee a kwa dee ne paḭ kar dee d’isi ne jim tɔ.

Ləbije 26:36

Deḛ gə́ mbuna sí’d gə́ d’a si kəmba mee ɓee’g lə njéba̰je lə dee lé m’a kar meḛ dee təd mán, kaa kamje gə́ lel ula ne lé a ɓar goo dee’g kar dee d’aḭ, tɔɓəi d’a kaḭ ne gə́ kaḭ to gə́ dəw aḭ ne no̰ kiambas’g bèe ləm, lé dəw tuba dee el kara d’a toso kwəi ləm tɔ.

Tel tura Godndu 28:33

Koso-dəwje gə́ seḭ a gər deeje el ya d’a sɔ néndɔ lə sí ləm, gə néje lai gə́ seḭ iŋgaje loo-kula’g lə sí ləm tɔ ndá ndɔje lai d’a kula kəm sí ndòo ləm, d’a ra sə sí né gə́ kədərə ləm tɔ.

Njéga̰g-Rəwtaje 6:2

Ji Madianje wɔi dɔ Israɛlje’g ndiŋ-ndiŋ. Gə mba kunda rɔ dee ji Madianje’g gaŋg ndá Israɛlje d’aḭ d’aw d’iya rɔ dee loo gə́ mbalje ta̰ keneŋ ləm, mee bolè mbalje’g ləma, gə mbuna kɔr mbalje gə́ ka̰ ŋgəm loo ləm tɔ.

1 Samel 13:6

Njérɔje gə́ Israɛl d’oo to gə́ d’un kəi dee lad mbata ɓeb dee ɓeb ndá deḛ d’aw d’iya rɔ dee mee bolè mbalje’g ləm, gə mee bèmèje’g ləm, gə mbuna mbalje’g ləm, gə mee kəi-gadje’g ləma, gə mee godə-bwa-manje’g ləm tɔ.

1 Samel 13:7

Ǝbrəje gə́ na̰je kara d’unda mán baa gə́ Jurdɛ̰ gaŋg d’aḭ d’aw ɓeeje gə́ Gad gə Galaad tɔ. Sawul ɓa nai Gilgal ɓəi ndá njérɔje lai gə́ nai rəa’g lé d’unda bala tigi-tigi.

1 Samel 31:6

Togə́bè ɓa Sawul gə ŋganeeje gə́ munda ləm, gə njekodo nérɔje ləa ləma, gə njérɔje ləa lai ləm tɔ lé d’wəi na̰’d mee ndəa’g neelé.

1 Samel 31:8

Bèlè lookàree ndá Pilistije ree mba tɔr néje gə́ to rɔ dee gə́ d’wəi’g lé ndá deḛ d’iŋga nin Sawul gə ŋganeeje gə́ munda gə́ to naŋg dɔ mbal’d gə́ Gilboa lé.