1 Samel 30:8 - Maktub gə́ To gə Kəmee

⁸ Bèe ɓa Dabid dəji Njesigənea̰ pana: See m’a kun dɔ gɔl njérɔje nee wa. See m’a kiŋga dee ya wa. Njesigənea̰ tel ilá keneŋ pana: Un dɔ gɔl dee ndá i a kiŋga dee ləm, i a taa dee gə́ d’wa dee ɓər lé kɔm dee tar ya ləm tɔ.

1 Samel 30:8 ပူးပေါင်းရင်းမြစ်များ

Gḭ-Néje 14:16

Bèe ɓa yeḛ taa nébaoje lai tel ne gogo ləm, yeḛ tel ne gə ŋgokea̰ Lɔt gə néje ləa gə denéje gə koso-dəwje lé kara lai ləm tɔ.

2 Samel 5:19

Dabid dəji Njesigənea̰ pana: See m’a kḭ kaw rɔ gə Pilistije wa. See i a kya̰ dee jim’g ya wa. Ndá Njesigənea̰ ila Dabid keneŋ pana: Aw ya mbata m’a kya̰ Pilistije neelé jii’g ya.

2 Samel 5:23

Dabid dəji Njesigənea̰ ndá Njesigənea̰ ulá pana: I a kaw el, nɛ turu rɔi goo dee’g gogo ndá i a kiŋga dee no̰ kag-kɔlje’g.

Pakɔsje 50:15

Maji kar sí ɓarje rim ndɔ néurti’g Ndá m’a kɔr sí keneŋ kar sí ulaje ne rɔnduba dɔm’g ya.

Pakɔsje 91:15

Yeḛ a ɓar rim ndá m’a kilá keneŋ ləm, M’a nai səa dan néurti’g ləm, M’a karee ɔr dəa kúla’g ləma, M’a kula rɔnduba dəa’g ləm tɔ.

Teḛ-Raga 15:9

Njéba̰je lé pana: N’a tubaje goo dee, n’a kwa deeje garəm, N’a kunda deeje banrɔ tɔ, Dal ba̰ lə neḛje kara n’a raje karee as lée’g ya, N’a kɔrje kiambas haar ndá Ji neḛje ɓa n’a tuji deeje ne.

Bula lə Israɛlje 27:21

Yeḛ a ree kaar no̰ Eləajar gə́ to njekinjanéməs’g lé mba kar Eləajar aw no̰ Njesigənea̰’g gə mbata ləa mba karee gər ne né gə́ kəm ra gə goo né gə́ urim ɓa a tɔjee, togə́bè Josué ləm, gə Israɛlje lai ləma, gə koso-dəwje lai ləm tɔ d’a kaw gə goo ndukun lə Eləajar ləm, d’a tel ree gə goo ndukun ləa ləm tɔ.

Njéga̰g-Rəwtaje 20:18

Togə́bè ɓa Israɛlje d’ḭ d’aw Betel dəji ne Ala pana: See na̰ ɓa mbuna sí’g a kaw kédé no̰ sí’g mba kaw rɔ gə Bḛjamije lé wa. Njesigənea̰ ila dee keneŋ pana: Judaje ɓa d’a kaw kédé.

Njéga̰g-Rəwtaje 20:23

Ndá Israɛlje d’ḭ d’aw no̰ no̰ Njesigənea̰’g saar kàrkemetag. Deḛ dəji Njesigənea̰ pana: See to kəm kar sí j’awje gə́ kédé mba rɔ gə Bḛjamije gə́ to ŋgako̰ síje lé ya ɓəi wa. Njesigənea̰ ila dee keneŋ pana: Awje aw rɔje sə dee ya.

Njéga̰g-Rəwtaje 20:28

ndá mee ndəa’g neelé Pines, ŋgolə Eləajar, gə́ to ŋgoka Aaro̰ ɓa to njekaar no̰ Ala’g lé. Deḛ dəjee pana: See j’a kɔr rɔ kaw rɔ gə Bḛjamije gə́ to ŋgako̰ síje lé əsé j’a kaw el wa. Njesigənea̰ ila dee keneŋ pana: Awje ya mbata bèlè m’a kuba dee kya̰ dee ji sí’g ŋga.

Njéga̰g-Rəwtaje 8:4

Gedeo̰ teḛ Jurdɛ̰ ndá yeḛ gaŋg mán, yeḛ ləm gə njérɔje gə́ tɔl-munda (300) gə́ d’aw səa na̰’d ləm tɔ, deḛ lé dao yaa̰ ya nɛ deḛ tuba njéba̰je lə dee ya ɓəi.

1 Samel 10:22

Deḛ tel dəji Njesigənea̰ tɔɓəi pana: See dəw lé ree nee ya wa. Njesigənea̰ pana: Yeḛ iya rəa mbuna nékodoje’g kən.

1 Samel 14:37

Togə́bè Sawul dəji Njesigənea̰ pana: See m’a kas k’aw tuba Pilistije wa. See i a kya̰ dee ji Israɛlje’g ya wa. Nɛ mee kàree’g neelé Njesigənea̰ tel ilá ta’g el.

1 Samel 23:2

Togə́bè Dabid dəji Njesigənea̰ pana: See m’a kaw rɔ gə Pilistije nee mba dum dee wa. Njesigənea̰ ilá keneŋ pana: Aw ndá i a dum dɔ Pilistije taa ne dɔ njé gə́ Keyila ya.

1 Samel 23:4

Togə́bè Dabid tel dəji Njesigənea̰ ya tɔɓəi. Njesigənea̰ tel ilá keneŋ pana: Ḭta aw Keyila, mbata m’ya̰ Pilistije meḛ jii’g ya.

1 Samel 28:6

Sawul dəji Njesigənea̰ ta ndá Njesigənea̰ ilá ta’g gə ni el ləm, gə néje lə njekinjanéməs gə́ ɓaree urim el ləma, gə ndu njéteggintaje el ləm tɔ.

1 Samel 30:18

Néje lai gə́ Amalekje d’odo lé Dabid tel taa ləm, denéje ləa gə́ joo lé kara yeḛ taa dee ji dee’g ləm tɔ.

1 Samel 30:19

Dəw lə dee kára kara igi el, deḛ gə́ gɔ-gɔ əsé gə deḛ gə́ boo-boo el ləm, ŋgon gə́ diŋgam əsé ŋgon gə́ dené el ləma, né kára kara gə́ d’un gə́ nébanrɔ lé əsé taa ji dee’g lé kara el ləm tɔ. Dabid tel gə néje lai neelé ya.