1 Samel 30:6 - Maktub gə́ To gə Kəmee

⁶ Dabid si dan boo-néurti’g mbata d’wɔji-kwɔji tilá gə kɔri-ər. Meḛ njérɔje lai adə dee mbag-mbag, nana kara mbata ŋganeeje gə́ diŋgam gə njé gə́ dené tɔ. Nɛ Dabid wa mée kɔgərɔ, gəd ne rəa rɔ Njesigənea̰, Ala’g lé ləa.

1 Samel 30:6 ပူးပေါင်းရင်းမြစ်များ

Gḭ-Néje 32:7

Njékaḭkulaje lé tel ree rɔ Jakob’g d’ulá pana: Jeḛ j’awje rɔ ŋgokɔḭ Esawu’g lé ndá yeḛ si njaa gə́ rɔi’g nee gə dəwje tɔl-sɔ gə mba kiŋgai ne.

2 Samel 17:8

Tɔɓəi Usai pana: I gər bɔbije gə njérɔje ləa gao, deḛ to bao-rɔje gə́ ra oŋg yaa̰ asəna gə da-urs gə́ mee wala’d gə́ dəw wa ŋganeeje bèe. Bɔbije to njerɔ ndá yeḛ a to na̰’d gə koso-dəwje loondul’g nee el.

2 Mbaije 4:27

Loo gə́ yeḛ teḛ rɔ dəw’g lə Ala dɔ mbal’g ndá yeḛ unda barmba gɔlee’g. Gehaji ree rəa’g gə mba kɔsee gə́ raŋg nɛ dəw lə Ala ulá pana: Yá̰ mbata mée to kərm ndá Njesigənea̰ iya səm dəa ɓó riba səm dəa kédé el.

Maktub gə́ wɔji dɔ Jɔb 13:15

Aa oo, yeḛ a tɔlm, nékṵdamee-yel dɔ’g ləm godo, Nɛ nea̰-yeḛ’g lé m’a kɔr ta gə́ wɔji dɔ panjaam ya.

Pakɔsje 116:10

M’unda məəm dɔi’g loo gə́ m’pana: Nékəmndoo al dɔm sula lé.

Pakɔsje 138:3

Mee ndɔ gə́ m’ɓar ne rii lé I ilam keneŋ am ne né gə́ m’aw ndée ya, I ula diŋgam məəm’g ləm, ar siŋgam ḭ dɔ maree’g ləm tɔ.

Pakɔsje 18:2

Ǝi Njesigənea̰, i gə́ to siŋgam lé Ma m’undai dan kəm’g ya.

Pakɔsje 18:6

Ta dɔɓar to tag mbata ləm ləm, Bandəje lə yoo kara d’aḭ dɔm kɔr-kɔr ləm tɔ.

Pakɔsje 25:17

Néurtije gə́ d’ar ɓəŋgərəm ti dus lé D’ḭ dɔ maree’d gə́ kédé-kédé ndá, Maji kari ɔrm dan néɓəŋgərətije’g ləm ya kari.

Pakɔsje 27:14

Maji kari ar məəi to yel gə́ dɔ Njesigənea̰’g! Maji kari wa diŋgam məəi’g ɓó gə wa məəi kɔgərɔ! Maji kari ar məəi to yel gə́ dɔ Njesigənea̰’g ya.

Pakɔsje 31:24

Seḭ majikojije lé Maji kar sí undaje Njesigənea̰ dan kəm sí’g. Mbata Njesigənea̰ lé Aa dɔ deḛ gə́ d’ɔm meḛ dee dəa’g, Nɛ yeḛ ar bo̰ néra njébeeleje Ɔs ta dee’g bɔsɔrɔ ya.

Pakɔsje 42:11

Loo gə́ njékula kəm ndooje d’ula sul dɔm’g Ar dee d’ulam ne lal kwa ta dee kəw pana: See Ala ləm si ra ɓəi wa. Ndá siŋgarɔmje d’iri ne njigi-njigi.

Pakɔsje 42:5

Meem olé dɔ loo gə́ m’njaa dan koso-dəwje gə́ gugu dɔm sub lé Am m’njaa ne no̰ dee’g par gə́ kəi’g lə Ala, M’njaa ne dan ndu pa rɔlel’g gə ndu pa ra oiyo’g Gə́ koso-dəwje pa loo ra boo-naḭje’g. Loo gə́ m’la̰ji toree məəm’g ndá Ma m’ndá ne məəm kaḭ.

Pakɔsje 42:7

Ŋgaw məəm lé təd mán ya, Gelee gə́ nee ɓa m’ə̰ji dɔi’g un gelee ɓee gə́ Jurdɛ̰ ləm, Un gelee mbal gə́ Hermo̰ Saar teḛ ne dɔ mbal gə́ Misəar ləm tɔ.

Pakɔsje 56:11

Ma m’nduba rɔm ká gin Ala’g lé ləm, Gə́ ma m’pidi tapea lé ləm, Ma m’nduba rɔm ká gin Njesigənea̰’g ləm, Gə́ ma m’pidi tapea lé ləm tɔ.

Pakɔsje 62:1

Pakɔs lə Dabid gə́ ar bao-pa mba karee ɔs sə dee gə goo ta lə Jedutun lé.

Pakɔsje 62:5

D’ɔm meḛ dee na̰’d téréré Gə mba kɔs dəw neelé gə́ loo-siée to tar sab karee oso tuji ne, D’al rɔ dee dɔ taŋgɔm’g, Dɔ ta dee ɓa ndutɔr ḭ keneŋ Nɛ meḛ dee gə́ kəi lé ta ndɔl ɓa teḛ keneŋ tɔ.

Pakɔsje 71:4

Ala ləm, maji kari ɔrm ji njemeeyèr’g lé ləm, Gə ji njehulai gə́ to gayim-dəw’g lé ləm tɔ.

Pakɔsje 71:5

Mbata Mbaidɔmbaije gə́ Njesigənea̰, i lé to nékunda-meem-yel dɔ’g ya! Loo gə́ m’nai ne basa ya saar ɓasinè lé M’ɔm məəm dɔi’g ya.

Teḛ-Raga 17:4

Moyis no̰ gə́ rɔ Njesigənea̰’g pana: See ɗi ɓa m’a ra gə koso-dəwje neelé wa. Nai lam bèe gə mba kar dee tilam gə kɔri-ər.

Gosota-Kəmkàrje 18:10

Ri Njesigənea̰ lé to gad-kəi-kaar-kɔgərɔ, Njemeekarabasur aḭ iya rəa keneŋ si ne gə meekulɔm.

Esai 25:4

Mbata kédé i to loo-kiya-rɔ Le yeḛ gə́ siŋgá godo ləm, Loo-kiya-rɔ lə njenékəmndoo Gə́ si dan néurti’g ləm, Gə néko̰-dɔ-loo loo gə́ lel-boo ula ləma, Gə ndil-ko̰-dɔ-loo loo gə́ kàr ɔs yaa̰ ləm tɔ, Mbata lel ta njékorè dɔ dəwje naŋg lé To asəna gə lel-mal gə́ unda ndògo-bɔrɔ naŋg bèe.

Jeremi 16:19

Njesigənea̰ i lé to siŋgam, Gə loo-gəd-rɔm, Gə loo-kiya-rɔm ndɔ nékəmndoo’g! Ginkoji dəwje gə raŋg d’a kḭ rudu naŋg’d ree rɔi’g Ndá d’a kulai pana: Bɔ síje-je lé taŋgɔm ləm, Gə magəje gə́ kari ba ləm To ɓa gə́ nénduba lə dee.

Junas 2:2

Junas gə́ to mee ka̰ji’g neelé ra tamaji ta Njesigənea̰, Ala’g ləa.

Bula lə Israɛlje 14:10

Boo-dəwje lai d’wɔji-kwɔji tila dee gə kɔri-ər. Ndá rɔnduba lə Njesigənea̰ teḛ dɔ kəi-kubu-kiŋga-na̰’g kəm Israɛlje’g lai.

Matiyo 21:9

Deḛ gə́ njaa nea̰’g gə deḛ gə́ ndɔm gée’g lé ra né tar u-u-u pana: Hosana, arje ŋgon Dabid. Maji kar dɔkaisəgərə nai gə yeḛ gə́ ree gə ri Mbaidɔmbaije lé. Hosana, arje deḛ gə́ d’isi mee loo gə́ to tar sab lé ləm tɔ.

Matiyo 27:22

Pilatə dəji dee pana: Ŋga see Jeju gə́ deḛ ɓaree Kristi lé see ri ɓa m’a ra səa ɓəi wa. Deḛ lai d’unda ndu dee na̰’d d’ilá keneŋ pana: Maji kar dee ɗaree kaar kag’d.

Tagə́maji gə́ Ja̰ ndang 8:59

Yen ŋga Jibje d’odo kɔri-ər gə mba tilá ne. Nɛ Jeju sa rəa ḭ mee kəi-Ala’g unda loo teḛ raga.

Njé gə́ Rɔmə 4:18

Abrakam lé nékunda mee yel dɔ’g lé godo nɛ yeḛ unda mée yel ləm, ɔm mée dɔ’g ləm tɔ. Yee ɓa yeḛ tel to ne bɔ ginkoji dəwje bula-bula to gə́ deḛ d’ulá kédé pana: Ŋgakeaje d’a bula togə́bè ya.

Njé gə́ Rɔmə 4:20

Mée bə̰gəree aree maḭ gə rəa dɔ ndukun’g lə Ala el. Nɛ meekun ləa ɔs dɔ maree’g gə́ kédé-kédé aree ula ne rɔnduba dɔ Ala’g ləm,

Njé gə́ Rɔmə 8:31

See j’a pa ban dɔ ta’g neelé ɓəi wa. Ɓó lé Ala nai sə sí ndá see na̰ ɓa a koma̰ sə sí gə dɔrea wa.

2 Njé gə́ Kɔrḭtə 1:6

Ɓó lé j’isi dan némeeko̰’g ndá to gə mba gɔl ne meḛ sí-seḭ ləm, mba kar sí iŋgaje ne kaji ləm tɔ. Esé lé deḛ gɔl meḛ sí d’ar sí j’isi dan meelɔm’g kara yee ɓa to gə mba gɔl ne meḛ sí-seḭ kar meḛ sí to ne lɔm loo gə́ seḭ ilaje meḛ sí po̰-po̰ dan némeeko̰’g gə́ to asəna gə ka̰ síjeḛ lé tɔ.

2 Njé gə́ Kɔrḭtə 4:8

Néje ɓəd-ɓəd gə́ ra sí lé un kəi sí lad ya nɛ rəd ɓa rəd sí el, d’ar sí j’isi dan néurti’g nɛ meḛ sí ila kas bilim el,

2 Njé gə́ Kɔrḭtə 7:5

Tɔgərɔ ya, un kudee mee ndəa gə́ jeḛ n’teḛ Masedoinə lé j’oo loo kwa rɔ sí ndɔ kára kara el. Néje ɓəd-ɓəd ɔs kaar sí: rɔ to né gə́ raga ləm, ɓəl to né gə́ meḛ sí’g ləm tɔ.

Ǝbrəje 13:6

Togə́bè ɓa j’askəm pa rədədə pana: Mbaidɔmbaije to gə́ njela səm, M’a ɓəl né kára kara el. See ɗi ɓa dəw askəm ra səm ɓəi wa.

Njéga̰g-Rəwtaje 18:25

Danje d’ulá pana: Ar ndui ɓar dɔ sí’g el, ɓó lé bèe el ndá dəwje gə́ to njéo̰gje d’a kḭ kɔm na̰ dɔ sí’g karee to gin tuji ləi-i ləm, gə ka̰ njémeekəije ləi ləm tɔ.

Njéga̰g-Rəwtaje 20:22

Israɛlje lé d’ula diŋgam meḛ na̰’d ndá tel d’wa dɔ gɔl rɔ dee gogo gə rɔ mee loo gə́ d’aar keneŋ mee ndɔ gə́ dɔtar’g lé.

1 Samel 1:10

Dan némeekad’g lé An ra tamaji ta Njesigənea̰’g no̰ ne ɓugudu-ɓugudu tɔ.

1 Samel 23:16

Yen ŋga Jonatan, ŋgolə Sawul lé ḭ aw rɔ Dabid’g mee kag-kɔr’g. Ndá yeḛ ula diŋgam mée’g dɔ kɔm gə́ yeḛ ɔm mée dɔ Ala’g lé

1 Samel 28:15

Samel dəji Sawul pana: See gelee ban ɓa i jɔgm am m’unda loo m’teḛ wa. Sawul ilá keneŋ pana: M’isi dan boo-néurti’g. Pilistije ree rɔ səm ndá Ala ɔr rəa rɔm’g. Yeḛ ilam ta gə́ gə ndu njéteggintaje el ləm, gə nije el ləm tɔ. Yee gə́ bèe ɓa m’ɓari ne mba kari am m’gər ne né gə́ kəm ra ya.