1 Samel 30:3 - Maktub gə́ To gə Kəmee

³ Dabid gə njérɔje ləa ree mee ɓee-boo’g ndá aa oo, ɓee-boo lé rée dula-dula. Denéje lə dee, gə ŋgan deeje gə́ diŋgam gə njé gə́ dené kara t’wa dee gə́ ɓərje d’aw sə dee tɔ.

1 Samel 30:3 ပူးပေါင်းရင်းမြစ်များ

Pakɔsje 34:19

Njesigənea̰ aar mbɔr deḛ gə́ ɓəŋgərə dee ti dus’g lé Yeḛ aji deḛ gə́ ndil dee unda bala tigi-tigi lé tɔ.

Ǝbrəje 12:6

Mbata dəw gə́ Mbaidɔmbaije undá dan kəmee’g ɓa yeḛ wɔjee kəmkàr ləm, Ŋganeeje lai gə́ taa kəmee lé kara yeḛ unda dee gə kag-kɔbə ləm tɔ.

Loo gə́ killa rea kəm Ja̰’g 3:9

Aa oo, deḛ gə́ d’isi kəi-kwa-dɔ-na̰’g lə Njekurai gə deḛ gə́ tar rɔ dee gə́ Jibje nɛ deḛ to Jibje el nɛ deḛ gaŋgta gə́ gaŋg lé ma nja m’a kodo dee kari ya. Aa oo, m’a kar dee ree d’ula dɔ dee naŋg gɔli’g ləm, m’a kar dee gəri gə́ dəw gə́ m’undai dan kəm’g ləm tɔ.

1 Samel 27:3

Dabid gə dəwje ləa d’isi Gat mbɔr Akis’g. Deḛ lé nana kara si gə njémeekəije ləa-ləa, tɔɓəi Dabid si gə denéje ləa gə́ joo gə́ ri dee lə Ahinoam, dəw gə́ Jisreel ləm, gə Abigayil gə́ Karmel gə́ to dené lə Nabal kédé lé ləm tɔ.

1 Samel 30:2

Deḛ t’wa denéje gə dəwje lai gə́ d’iŋga dee keneŋ lé, deḛ gə́ gɔ-gɔ gə deḛ gə́ boo-boo gə́ ɓərje. Deḛ tɔl dəw kára kara el nɛ d’ɔm dee rəbə d’isi d’aw sə dee.

1 Samel 30:4

Yen ŋga Dabid gə njérɔje gə́ d’aw səa lé d’ɔr ndu dee gə́ tar wəl no̰ saar d’ar siŋga dee gə́ kəm no̰ ne gə́ kédé-kédé lé godo.