1 Samel 30:26 - Maktub gə́ To gə Kəmee

²⁶ Loo gə́ Dabid tel ree Siklag ndá yeḛ un ges nébanrɔ ula ne ar ŋgatɔgje gə́ Juda gə́ to baokuraje ləa ula dee ne taje nee pana: Aa ooje, ta nébanrɔ gə́ m’taa ji njéba̰je’g lə Njesigənea̰ ɓa m’wa ne sə sí noji nee ya.

1 Samel 30:26 ပူးပေါင်းရင်းမြစ်များ

Gḭ-Néje 33:11

Ma m’ra ndòo rɔi’g, maji kari taa nénoji ləm gə́ ma m’ree ne rɔi’g lé ya. Mbata Ala ar nénojije ləa taa rɔm pəl-pəl ndá m’lal né kára el. Yeḛ oma̰ səa saar ar Esawu taa nénoji ləa lé ya tɔ.

2 Samel 1:1

Goo kwəi’g lə Sawul lé Dabid ḭ loo təd rɔ Amalekje’g ndá yeḛ si Siklag as ndɔ joo.

2 Mbaije 5:15

Léegəneeya yeḛ ɔs tel gə dəwje gə́ gée’g lai aw ne rɔ dəw lə Ala’g lé aw aar ne nea̰’g ulá pana: Aa oo, ɓasinè ma m’gər to gə́ dɔ naŋg nee lai lé Ala gə́ raŋg godo nɛ mee ɓee’g lə Israɛlje ya kára ba. Ma m’ra ndòo rɔi’g mba kari taa gə́ nénoji ji kura’g ləi ya.

Pakɔsje 35:27

Deḛ lai gə́ d’al rɔ dee mbata ta wa dɔm el lé Maji kar dee d’iŋga rɔlel gə boo-rɔkal ləm, Maji kar dee pa lal kila ta dee naŋg pana: Maji kula rɔnduba dɔ Njesigənea̰’d Gə́ ndigi kar kura ləa si dan meelɔm’g lé.

Pakɔsje 68:18

Pusu-rɔje lə Njesigənea̰ lé Kudu kára lé bula digi-digi, bula digi-digi as loo dɔg-dɔg, Mbaidɔmbaije lé si mbuna dee’g, Sinai lé to mee loo gə́ to gə kəmee’g.

Esai 32:8

Nɛ dəw gə́ njemeemaji lé wɔji rəw néraje gə́ maji ɓa mée’g ləm, Yeḛ aar njaŋg dɔ rəw néraje ləa gə́ maji gə́ yeḛ wɔji lé ləm tɔ.

2 Njé gə́ Kɔrḭtə 9:5

Kar ŋgako̰ síje d’aw d’iŋga sí kédé ɓa, j’a korè goo dee ɓəi lé yee ɓa ma m’oo gə́ né gə́ kəm ra ya mba kar dee d’oo sə sí goo nojikwa gə́ seḭ unje ndu sí gə mba kwa gə deḛ gə́ to gə kəmee lé bèe ɓa gə mba kar sí waje dɔ gɔlee jəb-jəb ləm, mba karee to nojimeenda gə́ gəd ɓó dəw a bəg sí dɔ’g el ləm tɔ.

1 Samel 18:17

Sawul ula Dabid pana: Aa oo, m’a kari Merab, ŋgondərm gə́ dené ləi. Maji kari wa rɔi gə́ diŋgam ya ra né am ləm, rɔ rɔje lə Njesigənea̰ ləm tɔ. Nɛ Sawul pa mée’g pana: Ma m’ndigi kun jim kɔrɔ ne rəa el, nɛ maji kar ji Pilistije ɓa ɔrɔ rəa.

1 Samel 25:27

Mbai ləm, maji kari taa né gə́ kura ləi gə́ dené ree ne ari lé ləm, maji kar dee kai dəwje gə́ d’aw goo mbai’g ləm lé ləm tɔ.

1 Samel 25:28

M’ra ndòo rɔi’g, ar məəi oso lemsé dɔ néra gə́ majel’g lə kura ləi gə́ dené mbata Njesigənea̰ a kar kəi lə mbai ləm kiriŋ naŋg kiriŋ-kiriŋ ya. Ar məəi oso lemsé ya mbata i mbai ləm tɔ njekɔs gel rɔje lə Njesigənea̰ ndá dəw a kiŋga néra gə́ majel məəi’g nda̰ el.

1 Samel 30:20

Dabid taa nékulje gə́ lam-lam gə njé gə́ boi-boi tɔ ndá deḛ gə́ d’ɔr no̰ koso-nékulje neelé deḛ pana: Né neelé to nébanrɔ lə Dabid.

1 Samel 30:25

Un kudee mee ndəa’g neelé saar gə́ kédé ndá deḛ ra togə́bè ya d’aree to gə́ godndu ləm, gə néjiɓee lə Israɛlje ləm tɔ saar teḛ mee ndəa gən ya.