1 Samel 30:23 - Maktub gə́ To gə Kəmee

²³ Nɛ Dabid pana: Ŋgakɔmje, maji kar sí raje né gə́ togə́bè dɔ néje’d gə́ Njesigənea̰ ar sí lé el. Mbata yeḛ nja ɓa aa dɔ sí ləm, yeḛ ya̰ kudu-njérɔje gə́ ree gə́ mba rɔ sə sí lé ji sí’g ləm tɔ.

1 Samel 30:23 ပူးပေါင်းရင်းမြစ်များ

Gḭ-Néje 19:7

Yeḛ pana: Ŋgakɔmje, ma m’ra ndòo rɔ sí’g, maji kar sí raje né gə́ majel togə́bè el.

Habakuk 1:16

Gelee gə́ nee ɓa deḛ d’inja ne nékinjaməs d’ar buraje lə dee ləm, Deḛ roo ne néje gə́ ə̰də sululu d’ar bura-masaŋ lə dee ləm tɔ. Mbata mbɔl dɔ dee ɓa kɔr naḭ ubu lə dee to ne keneŋ ləm, Nésɔ lə dee gə́ lel ta’g lé Taa ne rɔ dee pəl-pəl ləm tɔ.

Néra Njékaḭkulaje 22:1

Ŋgakɔmje gə bɔmje gə́ dəwje, ooje ta ləm gə́ m’a gə pa ɓasinè gə mba taa ne dɔm lé.

Néra Njékaḭkulaje 7:2

Etien tel ilá keneŋ pana: Ŋgakɔmje-je gə bɔmje-je, ooje ta ləm maji. Ala gə́ njero̰duba lé teḛ kəm bɔ síjeḛ Abrakam’g təsərə, loo gə́ yeḛ si Mesɔpotami kédé ɓa yeḛ aw si Sara̰ ɓəi, yeḛ ulá pana:

Tel tura Godndu 8:10

Loo gə́ seḭ a ko̰je muru kaareeje as sí nag ndá seḭ a pidije ne Ala lə sí gə́ Njesigənea̰ mbata lə ɓee gə́ maji gə́ yeḛ ar sí lé.

Tel tura Godndu 8:17

Meḛ sí dɔ rɔ sí’g nà a paje meḛ sí’g pajena: Siŋga sí gə ji sí gə́ ɓar mèr-mèr ɓa jeḛ j’iŋgaje ne nébaoje neelé.

Tel tura Godndu 8:18

Arje meḛ sí olé dɔ Njesigənea̰ Ala’g lə sí mbata to yeḛ nja ɓa gə́ ar sí siŋga sí kar sí iŋgaje ne nébaoje gə mba karee to njaŋg, to gə́ yeḛ ra ɓogənè, gə goo manrɔ ləa gə́ yeḛ un ne ndia ar bɔ síje-je lé.

Njéga̰g-Rəwtaje 19:23

Dəw gə́ njekəi lé teḛ aar no̰ dee’g ula dee pana: Wah ŋgakɔmje, m’ra ndòo rɔ sí’g mba kar sí raje né gə́ majel gə́ togə́bè el, mbata dəw neelé ree mee kəi’g ləm ɓó maji kar sí raje səa nérɔkul neelé el.

1 Samel 2:7

Njesigənea̰ ar dəw tel to njendoo ləm, Yeḛ ar dəw to bao ləm tɔ. Yeḛ ar dəw ula dəa ləm, Yeḛ ar dəw unda dəa tar ləm tɔ.

1 Samel 30:22

Njérɔje lai gə́ to njémeeyèrje gə njéra nékori-korije mbuna deḛ gə́ d’aw gə Dabid lé d’un ta pa pana: Deḛ lé d’aw sə sí el lé ndá jeḛ j’a kar dee nébanrɔ gə́ jeḛ n’taaje lé el tɔ. Nɛ nana kara dené ləa gə ŋganeeje ba ya ɓa j’a karee ndá d’a kaw sə dee.

1 Samel 30:24

Ndá see na̰ ɓa a koo ndu sí dɔ né’d gə́ neelé wa. Lé riri kara yeḛ gə́ aw loo-rɔ’g ləm, Gə yeḛ gə́ si ta nékodoje’g ləm tɔ lé D’a kai na̰ né karee as na̰-na̰ ya: Deḛ d’a kaar na̰’d ya kai na̰ né.

1 Samel 30:8

Bèe ɓa Dabid dəji Njesigənea̰ pana: See m’a kun dɔ gɔl njérɔje nee wa. See m’a kiŋga dee ya wa. Njesigənea̰ tel ilá keneŋ pana: Un dɔ gɔl dee ndá i a kiŋga dee ləm, i a taa dee gə́ d’wa dee ɓər lé kɔm dee tar ya ləm tɔ.