1 Samel 30:16 - Maktub gə́ To gə Kəmee

¹⁶ Bèe ɓa yeḛ tel to njekɔrnea̰ mba tɔjee ne rəw. Ndá aa ooje, Amalekje taa loo pəl-pəl, d’usɔ gə d’ai ləm, gə ndam ləm tɔ mbata boo-néje gə́ d’odo gə́ nébanrɔ ɓee lə Pilistije ləm, gə ɓee gə́ Juda ləm tɔ.

1 Samel 30:16 ပူးပေါင်းရင်းမြစ်များ

2 Samel 13:28

Absalɔm un ndia ar kuraje ləa pana: Ooje maji, loo gə́ kido tɔl Amno̰ ar rəa lelee aree aw al rəa mbata kido ɓa m’a kula si pana: Tɔlje Amno̰! Ndá tɔleeje ya ɓó ɓəlje el, see to ma ɓa gə́ njekun ndum kar sí el wa. Aarje njaŋg ɓó gə waje diŋgam meḛ sí’g to!

1 Sôrta Gḭka-Israɛlje 4:43

Deḛ tɔl ges Amalekje gə́ nai ndá deḛ taa tor dee saar teḛ ne mee ndɔ gə́ ɓogənè tɔ.

Maktub gə́ wɔji dɔ Jɔb 20:5

Kun baŋga lə njémeeyèrje kuree to gə́ lam ba ləm, Rɔlel lə njehulai kara kuree əw waga ba ləm tɔ lé see i gər bèe el wa.

Pakɔsje 119:162

Ta ləi ya kára ba ɓa m’al ne rɔm Asəna gə yeḛ gə́ iŋga boo-nébanrɔ lé.

Teḛ-Raga 32:6

Bèlè loo-karee lé, deḛ d’ḭta gə ndɔ rad ndá deḛ d’inja nékinjaməs gə́ ka̰ roo ləm, gə njé gə́ wɔji dɔ kɔm na̰’d ləm tɔ. Koso-dəwje lé d’isi naŋg gə mba sɔ gə kai ɓa gə mba kuba loo kḭ ndam ɓəi.

Esai 22:13

Nɛ aa ooje, boo-rɔkal gə rɔlel to keneŋ! Deḛ tɔl maŋgje gə badje ləm, Deḛ d’usɔ da gə d’ai mán-nduú ləm tɔ Pa ne pana: Ar sí j’usɔje gə j’aije Mbata bèlè j’a gə kwəije!

Esai 9:3

Mbata néməməna̰ gə́ wɔi gwɔs dee’g ləm, Gə kag-tɔs gə́ d’unda ne bargir dee ləma, Gə ndəi gə́ d’ula ne kəm dee ndòo ləm tɔ lé I təd dee ne rém-rém to gə́ mee ndəa’g lə Madianje bèe.

1 Njé gə́ Tesalonikə 5:3

Loo gə́ dəwje d’a si pana: Kari ba, loo to maji lɔm ɓəi! ... Ndá léegəneeya tuji a kuba dee naŋg bus asəna gə ndóo gə́ ɔs dené ɓɔḭ ɓa loo kaḭ a godo.

Jujé 22:8

yeḛ ula dee pana: Telje awje kəi-kubuje’g lə sí gə boo-nébaoje ləm, gə koso-nékulje gə́ bula digi-digi ləma, gə larnda, gə larlɔr, gə larkas, gə larndul, gə kubuje bula gə́ d’ur kugu ndor-ndor ləm tɔ. Néba̰rɔ lə njéba̰je lə sí lé maji kar sí kaije ŋgako̰ síje sə sí tɔ.

Njéga̰g-Rəwtaje 8:11

Gedeo̰ un rəw-kaw njé gə́ d’isi mee kəi-kubuje’g par gə́ bər lə Noba gə Jogbea ndá yeḛ rɔ gə njérɔje gə́ d’ə̰ji meḛ dee’g pana: N’isije lɔm lé.

1 Samel 30:14

Jeḛ j’awje wai par gə́ dɔkɔl lə Keretje, dɔ naŋg ɓee’g lə Judaje ləma, gə dɔkɔl lə Kaleb ləm tɔ ndá jeḛ n’rooje Siklag dula-dula tɔ.

1 Samel 30:15

Dabid dəjee pana: See i a kɔr nɔm teḛ səm rɔ kudu-njérɔje’g nee wa. Ndá yeḛ ilá’g pana: Ubu rɔi gə ri Ala ləi am to gə́ i a tɔlm el ləm, a kilam ji ɓémje’g el ləm tɔ ndá m’a kari teḛ rɔ kudu-njérɔje’g nee ya.