1 Samel 30:14 - Maktub gə́ To gə Kəmee

¹⁴ Jeḛ j’awje wai par gə́ dɔkɔl lə Keretje, dɔ naŋg ɓee’g lə Judaje ləma, gə dɔkɔl lə Kaleb ləm tɔ ndá jeḛ n’rooje Siklag dula-dula tɔ.

1 Samel 30:14 ပူးပေါင်းရင်းမြစ်များ

2 Samel 8:18

Seraja to njendaji-maktub, Benaja, ŋgolə Jeojoda to mbai dɔ Keretje gə Peletje, ndá ŋgalə Dabid lé to njékinjanéməsje tɔ.

1 Mbaije 1:38

Togə́bè ɓa Sadɔk, njekinjanéməs aw gə Natan, njetegginta ləm, gə Benaja, ŋgolə Jeojoda ləma, gə Keretje gə Peletje ləm tɔ, deḛ d’ar Salomo̰ uba ko̰ kunda-mulayḛ̀je lə mbai Dabid ndá deḛ d’aw səa Giho̰ tɔ.

1 Mbaije 1:44

Yeḛ ula Sadɔk, njekinjanéməs ləm, gə Benaja, ŋgolə Jeojoda ləma, gə Keretje gə Peletje ləm tɔ ar dee d’aw səa ndá deḛ d’aree uba ko̰ kunda-mulayḛ̀je lə mbai ya.

1 Sôrta Gḭka-Israɛlje 18:17

Benaja, ŋgolə Jeojoda to mbai dɔ Keretje gə Peletje ndá ŋgalə Dabid ɓa to dəwje gə́ boo mbɔr mbai’g ya.

Ejekel 25:16

gelee gə́ nee ɓa Mbaidɔmbaije gə́ Njesigənea̰ pa ne togə́bè pana: Aa ooje, n’a kula ji neḛ ndiŋ dɔ Pilistije’g ndá n’a tuji Keretje ləm, ges deḛ gə́ nai ta baa-boo-kad’g lé kara n’a tuji dee pugudu ya ləm tɔ.

Soponi 2:5

Meeko̰ a koso dɔ dəwje lai gə́ d’isi ta baa-boo-kad’g Gə́ to ginkojije gə́ Keret. Seḭ Kana̰je gə́ dɔ naŋg gə́ Pilisti lé Njesigənea̰ pata ɔs sí ne rəw! Yeḛ pana: N’a tuji sí pugudu kar dəwje godo mee ɓee’g neelé.

Jujé 14:13

Juje tɔr ndia dɔ Kaleb, ŋgolə Jepune’g, tɔɓəi yeḛ aree Ebro̰ gə́ né kea̰-yeḛ tɔ.

Jujé 15:13

Deḛ d’ar Kaleb, ŋgolə Jepune loo gə́ wɔji dəa mbuna Judaje’g to gə́ Njesigənea̰ un ne ndia ar Josué lé, deḛ d’aree Kirjat-Arba gə́ to Ebro̰: Arba lé to bɔ Anakje tɔ.

Jujé 21:12

Nɛ loo-ndɔje lə ɓee-boo neelé gə ɓee-kogoje ləa lé d’ar Kaleb, ŋgolə Jepune gə́ né kea̰-yeḛ.

1 Samel 25:3

Ri dəw neelé lə Nabal ŋga ri dené ləa ɓa lə Abigayil. Yeḛ neelé to dené gə́ kəmee àr ləm, ma̰də yaa̰ ləm tɔ nɛ ŋgabee lé to dəw gə́ kədərə yaa̰ ləm, to njemeeyèr dɔ néreaje’g ləm tɔ. Yeḛ to gə́ gel bɔ’g lə Kaleb.

1 Samel 30:1

Mee ndɔ gə́ njekɔm’g munda’g lé loo gə́ Dabid gə njérɔje ləa ree Siklag ndá Amalekje ree wai par gə́ dɔkɔl lə ɓee neelé ləm, gə d’ila rɔ dɔ Siklag’d ləm tɔ ndá, deḛ tuji ɓee gə́ Siklag pugudu-pugudu ləm, rée pər ləm tɔ.

1 Samel 30:13

Dabid dəjee pana: See i to dəw lə nawa. See ḭ ra wa. Yeḛ tel ilá keneŋ pana: Ma m’to ŋgon gə́ Ejiptə, m’ra kula lə dəw kára gə́ to gə́ Amalek, nɛ aa oo, as ndɔ munda gə́ ɓémje ubam ya̰’m ya, mbata rɔm tom.

1 Samel 30:15

Dabid dəjee pana: See i a kɔr nɔm teḛ səm rɔ kudu-njérɔje’g nee wa. Ndá yeḛ ilá’g pana: Ubu rɔi gə ri Ala ləi am to gə́ i a tɔlm el ləm, a kilam ji ɓémje’g el ləm tɔ ndá m’a kari teḛ rɔ kudu-njérɔje’g nee ya.

1 Samel 30:16

Bèe ɓa yeḛ tel to njekɔrnea̰ mba tɔjee ne rəw. Ndá aa ooje, Amalekje taa loo pəl-pəl, d’usɔ gə d’ai ləm, gə ndam ləm tɔ mbata boo-néje gə́ d’odo gə́ nébanrɔ ɓee lə Pilistije ləm, gə ɓee gə́ Juda ləm tɔ.