1 Samel 3:9 - Maktub gə́ To gə Kəmee

⁹ Bèe ɓa yeḛ ula Samel lé pana: Ɔd aw to naŋg. Ɓó lé ɓari ɓəi ndá i a pana: Pata, Njesigənea̰, mbata kura ləi oo ndui ya. Ndá Samel tel aw to loo-tée’g tɔ.

1 Samel 3:9 ပူးပေါင်းရင်းမြစ်များ

Pakɔsje 85:8

Njesigənea̰, maji kari ar sí j’oo meemaji ləi ləm, Kaji ləi lé kara maji kari ar sí j’aji ne ya ləm tɔ.

Pakɔsje 85:9

M’a kur mbim mba koo ne ta gə́ Ala Njesigənea̰ pa lé Mbata yeḛ pata wɔji ne dɔ meelɔm Ar koso-dəwje ləa ləm, gə majikojije ləa ləm tɔ Mba kar dee tel d’oso ne dan néra mbə’g gogo el.

Teḛ-Raga 20:19

Deḛ d’ula Moyis pana: I nja ula sí ta ndá j’a kooje ya, nɛ maji kar Ala ɓa ula sí el nà banelə j’a kwəije.

Esai 6:8

M’oo ndu Mbaidɔmbaije gə́ pana: See na̰ ɓa n’a kulá karee aw mbata lə neḛje wa. Ma m’ilá keneŋ m’pana: Yḛ̀ m’aar nee, ulam am m’aw.

Loo gə́ killa rea kəm Daniel’g 10:19

Tɔɓəi yeḛ ulam pana: I gə́ Ala undai dan kəmee’g lé maji kari ɓəl el ləm, si gə meelɔm ləma, wa rɔi kɔgərɔ wa diŋgam məəi’g ləm tɔ! Loo gə́ yeḛ si ulam ta bèe-bèe ndá siŋgam tel ree rɔm’g am m’pana: Maji kar mbai ləm pata ya mbata i am siŋgam mba̰ ya.

Néra Njékaḭkulaje 9:6

Sool unda bala tigi-tigi ɓəl undá badə gaŋgee, aree pana: Mbaidɔmbaije, see ɗi ɓa i ndigi kam m’ra wa. Tɔɓəi Mbaidɔmbaije ulá pana: Uba naŋg ḭta aw uru mee ɓee’g ndá d’a kulai né gə́ kəm kari ra ɓəi.

Jujé 5:14

Yeḛ ilá keneŋ pana: Wah! ma m’to ɓé-njérɔje lə Njesigənea̰ gə́ m’ree ɓasinè ɓəi. Juje oso nea̰’g bəbərə dəb kəmee naŋg dəjee pana: See ta ɗi ɓa mbai ləm a kula kura ləa wa.

1 Samel 3:10

Njesigənea̰ ree ɓaree to gə́ kédé lé ya ɓəi pana: Samel, Samel! Ndá Samel ndigi təa’g pana: Pata, mbata kura ləi oo ndui ya.

1 Samel 3:8

Njesigənea̰ ɓar Samel gɔl kára ya ɓəi, gə́ njekɔm’g gɔl munda ləa. Ndá Samel ḭ aw rɔ Eli’g pana: Oiyo, yḛ̀ m’aar nee, mbata i ɓarm. Eli oo to gə́ Njesigənea̰ ɓa aw ɓar ŋgon neelé.