1 Samel 3:7 - Maktub gə́ To gə Kəmee

⁷ Samel gər Njesigənea̰ el ɓəi ləm, ta lə Njesigənea̰ ya kara inja kəmee’g el ɓəi ləm tɔ.

1 Samel 3:7 ပူးပေါင်းရင်းမြစ်များ

Jeremi 9:24

Njesigənea̰ pana: Aa ooje, ndɔje d’isi ree gə mba kam m’ar bo̰ néra deḛ lai gə́ d’inja tamɔd dee ɓa ɓó meḛ dee el lé ɔs ta dee’g keneŋ,

Néra Njékaḭkulaje 19:2

Loo gə́ seḭ unje meḛ sí lé see seḭ taaje Ndilmeenda gə meḛ sí ya wa. Deḛ tel d’ilá keneŋ pana: Ta lə Ndilmeenda ya kara oso mbi sí’g to gə́ yeḛ si loo gə́ bèe’g el ya ɓəi.

1 Njé gə́ Kɔrḭtə 13:11

Loo gə́ ma m’nai gə́ ŋgon ɓəi lé tapa ŋgon ɓa m’pa ləm, gə takə̰ji ŋgon ɓa m’ə̰ji ləma, gə ta la̰ji ŋgon ɓa m’la̰ji məəm’g ləm tɔ. Loo gə́ m’as dəw ndá néra ŋgon lé m’njané kɔ.

1 Samel 3:6

Njesigənea̰ tel ɓar Samel gogo ya ɓəi. Ndá Samel ḭ aw rɔ Eli’g pana: Yḛ̀ m’aar nee, mbata i ɓarm. Eli ilá keneŋ pana: Ŋgonəm, ma m’ɓari el. Tel aw to naŋg.

1 Samel 3:8

Njesigənea̰ ɓar Samel gɔl kára ya ɓəi, gə́ njekɔm’g gɔl munda ləa. Ndá Samel ḭ aw rɔ Eli’g pana: Oiyo, yḛ̀ m’aar nee, mbata i ɓarm. Eli oo to gə́ Njesigənea̰ ɓa aw ɓar ŋgon neelé.