1 Samel 3:19 - Maktub gə́ To gə Kəmee

¹⁹ Samel ra tɔg. Njesigənea̰ nai səa ar taje ləa lai aw lée’g béréré ya.

1 Samel 3:19 ပူးပေါင်းရင်းမြစ်များ

Gḭ-Néje 21:22

Mee ndəa’g neelé Abimelek, deḛ gə Pikɔl gə́ to ɓé-njérɔje ləa d’aw rɔ Abrakam’g d’ulá pana: Ala nai səi dɔ néje lai gə́ i ra’g lé ya.

Gḭ-Néje 28:15

Aa oo, ma m’nai səi ləm, m’a ŋgəmi loo gə́ rara gə́ i a kaw keneŋ ləma, m’a tel səi dɔ naŋg ɓee gə́ nee ləm tɔ Mbata m’a kubai kya̰’i el saar m’a ra né lai gə́ ma m’ulai lé ya ɓa.

Gḭ-Néje 39:2

Njesigənea̰ nai gə Jisəb ar teḛkɔr ləa dan gée. Yeḛ si kəi lə ɓéeje gə́ to dəw gə́ Ejiptə lé.

Gḭ-Néje 39:3

Ɓéeje oo to gə́ Njesigənea̰ nai səa ləm, oo to gə́ Njesigənea̰ ar kula reaje lai gə́ yeḛ ra lé teḛkɔr ləm tɔ.

1 Mbaije 8:56

Maji kar dɔ ri Njesigənea̰ ai səgərə, yeḛ gə́ ar koso-dəwje ləa gə́ Israɛl loo-kwa-rɔ dee gə goo ndukunje ləa. Taje ləa lai gə́ maji gə́ yeḛ ar kura ləa Moyis pa lé yee gə́ kára bèe gə́ lal ra née lé godo.

2 Mbaije 10:10

Maji kar sí ooje maji, taje lai gə́ Njesigənea̰ pa dɔ gel-bɔje’g lə Akab lé né kára kara a koso naŋg kari ba el, mbata Njesigənea̰ lé ar néje lai gə́ yeḛ pa gə ndu kura ləa Eli lé aw lée’g béréré ya.

2 Mbaije 15:12

Togə́bè ɓa né gə́ Njesigənea̰ pa taree njaŋg ar Jehu lé aw lée’g béréré mbata yeḛ pana: Ŋganeeje d’a si dɔ kalimbai’g lə Israɛlje saar ŋgakeaje-je gə́ njekɔm’g sɔ lé.

2 Mbaije 22:16

Njesigənea̰ pa togə́bè pana: Aa ooje, n’a gə kar nékəmndoo teḛ dɔ loo gə́ nee’g ləm, gə dɔ koso-dəwje gə́ d’isi keneŋ ləm tɔ gə goo taje lai gə́ to mee maktub’d gə́ mbai gə́ Juda tura lé ya.

Esai 43:2

Ɓó lé seḭ aw gaŋgje mán ndá M’a nai sə sí Ndá baa-booje d’a tur dɔ sí el, Ɓó lé seḭ njaaje dan pər’g ndá A roo sí el ləm, Ndo̰ pər a kunda sí bilim el ləm tɔ.

Esai 44:26

Ta gə́ kura ləm pa lé m’aree to njaŋg, Deḛ gə́ m’ula dee lé M’ar ta gə́ deḛ pa lé aw lée’g béréré, Ma m’pata m’wɔji dɔ Jerusalem m’pana: Dəwje d’a tel si keneŋ ɓəi ləm, M’pata wɔji dɔ ɓee-booje gə́ Juda m’pana: D’a tel gɔl dee gogo ləma, Dɔ nduba lə dee lé M’a kar dee tel d’unda gogo ləm tɔ.

Esai 55:11

Togə́bè ɓa taje gə́ teḛ tam’g lé D’a tel ree rɔm’g Lal kar née teḛ el ləm, Lal ra né gə́ məəm ndigi el ləma, Lal ra torndum kar néje gə́ m’wɔji lé d’aw lée’g béréré el ləm tɔ.

Matiyo 1:23

Aa oo, ŋgoma̰də a taa kèm ndá a koji ŋgon gə́ diŋgam, D’a kunda ria lə Emanuɛl (tel ta koji sí, Ala nai sə síjeḛ).

Lugu 1:28

Kura gə́ dara neelé andə aw loo gə́ Mari sí keneŋ ndá ulá pana: Lapia ɓòo, i gə́ si dan noji’g bèdèg: Mbaidɔmbaije lé jia nai rɔi’g ɓəi.

Lugu 1:80

Ŋgon neelé ra tɔg pir-pir ar rəa to kəmba ŋgəŋ ŋgəŋ-ŋgəŋ lə ndil tɔ. Tɔɓəi yeḛ si dɔdilaloo’g saar teḛ ne ndɔ gə́ yeḛ nduba ne rəa gə́ raga kəm Israɛlje’g lé.

Lugu 2:40

Ŋgon neelé ra tɔg pir-pir ləm, rəa to kəmba ŋgəŋ-ŋgəŋ ləm tɔ. Kəmkàr rusu mée njḭ-njḭ ləm, noji lə Ala nai səa ya ləm tɔ.

Lugu 2:52

Jeju lé ra tɔg ar kəmee àr raŋg raŋg ləm, ra tɔg gə́ darɔ’g ləma, yeḛ taa kəm Ala gə kəm dəwje ləm tɔ.

2 Njé gə́ Kɔrḭtə 13:11

Ŋgakɔmje, ges ta gə́ nai lé maji kar sí ndaje meḛ sí kaḭ ləm, saŋgje loo gə mba toje dəwje gə́ maji ɔr njoroŋ ləm, gɔlje meḛ na̰ ləm, ɔmje meḛ sí na̰’d sad ləma, sije gə meekulɔm mbuna na̰’d ləm tɔ, bèe ɓa, Ala gə́ njeyelko meenoji gə meekulɔm lé a nai sə sí ɓəi.

Tel tura Godndu 18:22

Loo gə́ ta gə́ njetegginta pa gə ri Njesigənea̰ lé née teḛ aree aw lée’g béréré el ndá yee ɓa to ta gə́ Njesigənea̰ ɓa pa el. Gə goo kəsta ɓa njetegginta neelé pa ne: maji kar sí ɓəleeje el.

2 Timote 4:22

Maji kar Mbaidɔmbaije nai gə ndili. Maji kar sí sije dan noji’g bèdèg.

Jujé 21:45

Mbuna taje gə́ maji lai gə́ Njesigənea̰ pa ar gel-bɔje lə Israɛl lé ta kára kara gə́ lal ra née lé godo: taje lai d’aw lée’g béréré ya.

Njéga̰g-Rəwtaje 13:24

Dené lé oji ŋgon gə́ diŋgam ndá yeḛ unda ria lə Samso̰. Ŋgon lé ra tɔg pir-pir ləm, Njesigənea̰ tɔr ndia dəa’g ləm tɔ.

1 Samel 10:7

Loo gə́ nétɔjije neelé d’aw lée’g béréré dɔi’g ndá maji kari ra né gə́ i iŋga loo rəa mbata Ala nai səi ya.

1 Samel 12:2

Nɛ ɓasinè lé, aaje loo ooje, mbai gə́ a njaa no̰ sí’g lé ɓa aar nee. Ma ndá m’ɓuga ləm, dɔm pudu ləma, ŋganəmje kara d’isi sə sí na̰’d ləm tɔ. Ma lé m’ɔr no̰ si un kudee gə basm ba saar teḛ ɓogənè.

1 Samel 16:18

Yeḛ gə́ kára mbuna kuraje’g un ta pa pana: Aa ooje, ma m’oo ŋgolə Isai, dəw gə́ Betlehem gə́ gər kim né maji. Yeḛ to dəw gə́ siŋga to kɔgərɔ-kɔgərɔ gə́ to bao-rɔ ləm, pata maji ləm, kura kəmee’g yaa̰ ləma, Njesigənea̰ nai səa ləm tɔ.

1 Samel 18:12

Sawul ɓəl Dabid mbata Njesigənea̰ nai gə Dabid nɛ yeḛ uba Sawul yá̰.

1 Samel 18:14

Yeḛ teḛkɔr dɔ kula reaje’g lai mbata Njesigənea̰ nai səa ya.

1 Samel 18:5

Dabid teḛkɔr dɔ looje lai gə́ Sawul ulá aree aw keneŋ lé. Sawul aree si gə́ ɓée njérɔje ndá lel koso-dəwje lai ləm, kuraje lə Sawul ya kara lel dee ləm tɔ.

1 Samel 2:21

Njesigənea̰ ar mée olé dɔ An’g ndá yeḛ əskèm, tɔɓəi oji ŋganje gə́ diŋgam munda gə njé gə́ dené joo goo dee’g ləm tɔ. Nɛ Samel, ŋgon lé ra tɔg no̰ Njesigənea̰’g pir-pir tɔ.

1 Samel 2:26

Samel, ŋgon gə́ basa neelé ra tɔg gə́ kédé-kédé ndá yeḛ taa kəm Njesigənea̰ ləm, taa kəm dəwje ləm tɔ.

1 Samel 9:6

Kura lé tel ulá pana: Aa oo, dəw lə Ala kára si mee ɓee-boo’g nee. Yeḛ to dəw gə́ dəwje lai d’ila riɓar dəa’g. Ta néje lai gə́ yeḛ pa ndá néeje lé aw lée’g béréré-béréré ya. Ar sí j’awje keneŋ j’oo. Banelə yeḛ a tɔji sí rəw gə́ kəm kar sí j’unje ya.