1 Samel 3:18 - Maktub gə́ To gə Kəmee

¹⁸ Yen ŋga Samel ndaji tarje lai aree ɓó iya səa dɔ né kára el. Tɔɓəi Eli pana: Yeḛ to Njesigənea̰ ya. Maji karee ra né to gə́ mée wɔji.

1 Samel 3:18 ပူးပေါင်းရင်းမြစ်များ

Gḭ-Néje 18:25

Tɔl njemeekarabasur na̰’d gə njemeeyèr lé mba kar né gə́ teḛ dɔ njemeekarabasur’g gə dɔ njemeeyèr’g d’asəna kára ba lé maji kar né ra gə́ togə́bè tibi mbɔri el! Maji karee tibi mbɔri el ɓòo. See yeḛ gə́ a gaŋg rəwta dɔ naŋg nee lai lé a ra gə dɔ najee el wa.

2 Samel 10:12

Wa rɔi kɔgərɔ ləm, ar sí j’waje diŋgam meḛ sí’g ləm tɔ mbata lə koso-dəwje lə sí ləm, gə mbata ɓee-booje lə Ala lə sí ləm tɔ ndá maji kar Njesigənea̰ ra né gə́ yeḛ oo gə́ né gə́ maji kəm ra ya.

2 Samel 15:26

Nɛ ɓó lé yeḛ pana: Yeḛ ndá mée dɔm’g el ndá aa oo, m’aar nee, maji karee ra səm to gə́ mée ndigi ya.

2 Mbaije 20:19

Ejekias tel ila Esai keneŋ pana: Ta lə Njesigənea̰ gə́ i pa lé maji ya. Tɔɓəi yeḛ dəji ta gə́ raŋg ɓəi pana: See meekulɔm gə kisi-maji d’a to ndɔ si kəmba’g ləm el wa.

1 Sôrta Gḭka-Israɛlje 19:13

Wa rɔi kɔgərɔ ləm, ar sí j’waje diŋgam meḛ sí’g ləm tɔ mbata lə koso-dəwje lə sí ləm, gə mbata ɓee-booje lə Ala lə sí ləm tɔ ndá maji kar Njesigənea̰ ra né gə́ yeḛ oo gə́ né gə́ maji kəm ra ya.

Maktub gə́ wɔji dɔ Jɔb 1:21

ndá yeḛ pana: M’teḛ mee kɔmje’g kudum dum Ndá m’a tel kaw naŋg gə kudum gə́ dum ya tɔ. Njesigənea̰ ya to njekar né ləm, Njesigənea̰ ya to njetaa né ləm tɔ, Ndá maji kar dɔ ri Njesigənea̰ ai səgərə.

Maktub gə́ wɔji dɔ Jɔb 2:10

Nɛ Jɔb tel ilá keneŋ pana: I pata asəna gə mbə-dené bèe. Mba ɗi ɓa j’iŋga né gə́ maji rɔ Ala’g lé ndá see j’a taa né gə́ majel to el wa. Gə goo néje lai lé Jɔb ra ne kaiya gə taje gə́ teḛ təa’g el.

Pakɔsje 39:9

Maji kari ɔrm dan nékaltaje’g ləm lai ya Ɓó ar rɔkul-boo lə mbə-dəw oso dɔm’g el.

Teḛ-Raga 34:5

Njesigənea̰ risi uru dan mum’g ree aar mbɔree’g dəb ndá yeḛ ɔr ndia gə́ tar wəl teg ne gin ria gə́ to Njesigənea̰ lé.

Esai 39:8

Ejekias tel ila Esai keneŋ pana: Ta lə Njesigənea̰ gə́ i pa lé maji ya. Tɔɓəi yeḛ pata gə́ raŋg ɓəi pana: Mee ndɔje gə́ i a si ne kəmba lé, i a si gə́ majee ləm gə meekulɔm ləm tɔ.

Jeremi 34:6

Jeremi, njetegginta ula Sedesias, mbai gə́ Juda taje nee lai mee ɓee gə́ Jerusalem.

Jeremi 38:14

Mbai Sedesias ula kula ɓar Jeremi, njetegginta aree ree rəa’g tarəwkəi’g lə Njesigənea̰ gə́ njekɔm’g munda. Yen ɓa mbai ula Jeremi pana: M’aw gə ta kára gə mba dəjii. Maji kari iya səm dɔ né kára el.

Jeremi 42:4

Jeremi njetegginta ula dee pana: M’oo ta lə sí ya. Aa ooje, m’a ra tamaji ta Njesigənea̰, Ala’g lə sí gə goo tadəji lə sí. M’a kar sí ooje taje lai gə́ Njesigənea̰ a kila sí keneŋ ɓó m’a kiya sə sí dɔ né kára kara el.

Nɔ̰-ndôo gə́ wɔji dɔ Jerusalem 3:39

See ban ɓa dəw gə́ si kəmba ɓəi lé a no̰ rəa wa. Maji kar nana kara no̰ no̰ kaiyaje ləa-yeḛ nja.

Ləbije 10:3

Moyis ula Aaro̰ pana: Yee ɓa to ta gə́ Njesigənea̰ pa gə ndia njaŋg loo gə́ yeḛ pa ne pana: Ma lé deḛ gə́ rəm pər gə́ rɔm’g lé d’a kundam gə kəmee ɓəd ləm, d’a kula rɔnduba dɔm’g kəm dəwje’g lai ləm tɔ. Aaro̰ ila təa maree’g ndag.

1 Piɛrə 5:6

Ulaje dɔ sí meḛ ji siŋgamoŋ’d lə Ala mba karee un sí ur sí tar mee ndəa’g neelé.

Njéga̰g-Rəwtaje 10:15

Israɛlje d’ula Njesigənea̰ pana: Jeḛ n’raje kaiya ya, maji kari ra sə sí né to gə́ məəi ndigi. Nɛ né kára ba lé maji kari taa dɔ sí ɓogənè ya kɔgərɔ kari.