1 Samel 3:17 - Maktub gə́ To gə Kəmee

¹⁷ Eli dəjee pana: See ta ɗi ɓa Njesigənea̰ ulai wa. Maji kari iya səm dɔ né kára kara el. Ɓó lé i iya səm dɔ né kára dan mareeje’g ndá maji kar Ala ra səi nédɔkudu ya.

1 Samel 3:17 ပူးပေါင်းရင်းမြစ်များ

2 Samel 14:18

Mbai tel ila dené’g lé pana: Maji kari iya səm dɔ né gə́ m’a gə dəjii lé el. Dené lé tel ilá keneŋ pana: Maji kar mbai ləm pata ya!

2 Samel 19:13

Seḭ toje ŋgakɔmje gə́ koji kəi kɔl ya. See gelee ban ɓa seḭ a toje gə́ rudu deḛ gə́ d’a gə kar mbai tel ree lé wa.

2 Samel 3:35

Koso-dəwje tel no̰ yoo Abner unda nje gə́ kédé ya ɓəi. Koso-dəwje lai d’aw rɔ Dabid’g mba karee o̰ muru loo gə́ kàr aar tar ya ɓəi. Nɛ Dabid man rəa pana: Ɓó lé nésɔ əsé né gə́ rara kara ɓa ɔd tam kédé ɓa kar kàr andə ɓəi ndá maji kar Ala ra səm nédɔkudu ya.

2 Samel 3:9

Ɓó lé m’ra gə Dabid né gə goo ta gə́ Njesigənea̰ man ne rəa aree lé el ndá maji kar Ala ra səm-ma Abner nédɔkudu ya.

1 Mbaije 22:16

Mbai lé tel dəjee pana: See m’a kari man rɔi gɔl ka̰da ɓa gə mba kulam ne ta gə́ tɔgərɔ gə ri Njesigənea̰ wa.

2 Mbaije 6:31

Mbai lé pana: Ɓó lé ɓogənè dɔ Elije, ŋgolə Sapat gaŋg el ɓəi ndá maji kar Ala ra səm nédɔkudu ya.

Pakɔsje 141:5

Ɓó lé dəw gə́ njera nédana undam ndá Ma m’oo gə́ né gə́ maji gə́ yeḛ ra səm ya, Ɓó lé yeḛ aar wɔjim kəmkàr kara To ubu ɓa yeḛ wa ne dɔm ləm tɔ, Ndá m’a kwa dɔm kɔr keneŋ el, Nɛ m’a kḭ gə tamaji ləm gɔl kára ɓəi Mba koma̰ ne gə némeeyèrje lə dee.

Jeremi 38:14

Mbai Sedesias ula kula ɓar Jeremi, njetegginta aree ree rəa’g tarəwkəi’g lə Njesigənea̰ gə́ njekɔm’g munda. Yen ɓa mbai ula Jeremi pana: M’aw gə ta kára gə mba dəjii. Maji kari iya səm dɔ né kára el.

Jeremi 42:4

Jeremi njetegginta ula dee pana: M’oo ta lə sí ya. Aa ooje, m’a ra tamaji ta Njesigənea̰, Ala’g lə sí gə goo tadəji lə sí. M’a kar sí ooje taje lai gə́ Njesigənea̰ a kila sí keneŋ ɓó m’a kiya sə sí dɔ né kára kara el.

Loo gə́ killa rea kəm Daniel’g 4:19

Ǝi mbai, kag neelé to i nja gə́ teḛ boo ləm, siŋgai to keneŋ ləm tɔ, dɔmoŋ ləi ḭ dɔ maree’g aw njal teḛ mee dara’g ləm, dumdɔloo ləi kara aw njal ɔr rudu naŋg nee ləm tɔ.

Misee 2:7

Seḭ ŋgaka Jakob, See seḭ a paje ta gə́ togə́bè wa. See Njesigənea̰ to njekḭ kalaŋ Kar mée ḭ səa jugugu wa. See yee gə́ bèe ɓa gə́ nérea wa. See taje ləm lé maji lə dee to keneŋ Mbata lə yeḛ gə́ njaa danasur el wa.

Bula lə Israɛlje 23:17

Yeḛ ɔs tel aw rəa’g ndá aa oo, Balak lé aar gə dəwje gə́ boo gə́ Moab na̰’d mbɔr nékinjaməs’g ləa gə́ ka̰ roo lé dəb tɔ. Balak dəjee pana: See ta ɗi ɓa Njesigənea̰ pa wa.

Matiyo 26:63

Jeju ila təa maree’g ndag ya si. Ŋgɔ-njekinjanéməs lé un ta ulá pana: Ma mani gə ri Ala gə́ njesikəmba, ɓó lé i to Kristi, Ŋgon-Ala lé nja ndá ula sí woḭ.

Rudu 1:17

loo gə́ i a gə kwəi keneŋ ndá ma kara m’a kwəi keneŋ kar dee dubum ya tɔ. Ɓó lé ndum igim ɓa ar né gə́ raŋg ree ar sí n’tḭje na̰ ɓó to yoo el ndá maji kar Njesigənea̰ ra səm nédɔkudu ya.

1 Samel 14:44

Yen ŋga Sawul pana: Jonatan, ɓó lé wəi el ndá maji kar Ala ra səm nédɔkudu ya.

1 Samel 20:13

maji kar Njesigənea̰ ra gə Jonatan nédɔkudu ya. Esé ɓó lé bɔm wɔji mba ra səi né gə́ majel kara m’a kulai ya tɔ ndá m’a kya̰’i kari aw gə meekulɔm tɔ. Maji kar Njesigənea̰ nai səi to gə́ yeḛ nai ne gə bɔmje kédé bèe tɔ.

1 Samel 25:22

Ɓó lé m’ya̰ dəw lə Nabal əsé né gə́ rara gə́ to kea̰ m’ar loo àr dɔ’g ndá maji kar Ala ra səm-ma Dabid, kura ləa lé nédɔkudu ya.

1 Samel 3:16

Nɛ Eli ɓar Samel pana: Ŋgonəm Samel! Yeḛ ndigi təa’g pana: Yḛ̀ m’aar nee!