1 Samel 3:1 - Maktub gə́ To gə Kəmee

¹ Samel, ŋgon basa lé ra kula lə Njesigənea̰ no̰ Eli’g. Mee ndəaje’g neelé Njesigənea̰ ula dəwje ta ta-ta el ləm, némḭdije kara teḛ ta-ta el ləm tɔ.

1 Samel 3:1 ပူးပေါင်းရင်းမြစ်များ

Pakɔsje 74:9

Nétɔjije lə síjeḛ lé j’oo kára kara bèe el ləm, Njetegginta kára kara godo ləma, Dəw kára kara mbuna sí’g gər to gə́ né neelé a to saar kunda ŋgaŋgee ra wa bèe el ləm tɔ.

Gosota-Kəmkàrje 29:18

Loo gə́ ndərta lə njéteggintaje godo ndá Koso-dəwje d’aw kori-kori, Nɛ rɔlel nai gə yeḛ gə́ aa dɔ godndu kər-kər.

Esai 13:12

N’a kar gad dəwje ur dɔ larlɔr gə́ àr ŋgad-ŋgad’g ləm, N’a kar gad dee ur dɔ larlɔr gə́ d’ḭ ne Opir ləm tɔ.

Ejekel 7:26

Meeko̰ ree gə́ dɔ maree’g-maree’g ləm, Sor tuji teḛ orè goo na̰-na̰ ləm tɔ, Deḛ dəji njéteggintaje némḭdije, Njékinjanéməsje gər godndu el ŋga ləm, Ta kwɔji kəmkàr godo rɔ ŋgatɔgje’g ləm tɔ.

1 Samel 2:11

Elkana tel aw mee kəi’g ləa gə́ Rama ndá ŋgon lé ra kula lə Njesigənea̰ no̰ Eli’d gə́ to njekinjanéməs lé.

1 Samel 2:18

Samel ra kula no̰ Njesigənea̰’g. Ŋgon neelé ula kubu gə́ ŋgal gə́ d’ṵji gə kúla palégal rəa’g.

1 Samel 2:35

N’a kunda njekinjanéməs lə neḛ gə́ to majikoji keneŋ, yeḛ gə́ a ra né to gə́ mee neḛ wɔji. N’a kar ŋgakeaje d’ɔs goo na̰ gə́ kédé-kédé ndá yeḛ a njaa no̰ yeḛ gə́ n’wa dəa gə ubu’g lé ta-ta ya.

1 Samel 2:36

Nana ɓa gə́ nai mee kəi’g ləi ndá a ree kɔs kəjee naŋg nea̰’g ɓa gə́ mba taa ne ŋgon larnda əsé goŋ muru, tɔɓəi a pana: M’ra ndòo rɔi’g mba kari am kula mee kəi nékinjaməs’g mba kam m’iŋga ne goŋ muru m’o̰ ya.

1 Samel 3:15

Samel to naŋg saar loo àr tɔɓəi yeḛ tɔr takəije lə Njesigənea̰. Samel ɓəl mba kɔr sor némḭdi lé kar Eli.

1 Samel 3:21

Njesigənea̰ ree teḛ kəm dee’g Silo ta-ta. Mbata Njesigənea̰ riba dɔ rəa ar Samel loo gə́ Silo’g gə goo taje lə Njesigənea̰ lé ya.